أريد حريتي

أريد حريتي

البارت السادس

ساق طاير بدقيقة وصلنه للبيت فتح الباب ونزلني سحل وانا صافنة شنو صار كل هذا علمود ست كاميلا
معناها عنده شي وياها

نوراي... اااخ عادل ذراعي شبيك
عادل ....صعدي ....بلا لغوة

دخلنه للشقة وصفك الباب .... انا كلش خفت واحس بطني ظلت اطربك .... تقرب عليه ولزم ايدي ويهزني وخازرني ..... ما حجه هدني وصرخ وصار يكسر.... ويضرب براسه بالحايط .... وانه صافنه واحس الخوف نشف دمي .... هو استمر لحد ما تعب اتجه علحايط ونزل وكعد بالكاع .... راسه بين ايديه وعيونه حمر ....
وبس يصيح ليش ....ليش ....
انه بين مصدومة وبين مكسور خاطري عليه وبين حايرة شنو الي صاير ....
عادل... ليش نوراي ...ليش
نوراي ....شنو ...اليش ...هاي كله علمود ست كاميلا .... اذا هيج حابها جان ازوجتها ....ليش ازوجتني
عادل.... ولج يا كاميلا ما تكليلي ....

راد يكمل ودك التلفون ...سده ورجع دك بالاخير جاوب ... واخذ التلفون وطلع ركض ...

قفل الباب وراه بالمفتاح
وكعدت بالكاع ابجي والويات مادري منين تجيني ....
ردت اخابر ايدين ...واكلها علويات وعلى الى الي صار والحيرة الي انه بيها ....
فتحت الجنطة ...يا ...ناسية تلفوني بالمطعم ....بس انه ما طلعته من الجنطة ...وين راح ....معقولة احد باكه ....شلون بالله ...لا اكدراخابر ولا اكدراطلع
شلون اروح وهذا قفل الباب عليه ....شصاير عادل معصب مو طبيعي تلفوني ماكو .....
ماكدرت افكر بشي رغم كلبي كارصني ...كمت شطفت وغيرت هدومي ونمت علظهري....
بدا يقل الالم ....بس الم كلبي يعور ...وعقلي بدا يشتغل ....اكو احد مسويلي لعبة ....
منو زين باك الفون .... يمكن من رحت استكشف كاميلا ....جان بيدي .....لا جان بالجنطة ...انه متأكدة ...
وعقلي يجيب ويودي .... وياخذ ويطي وميت الف قصة اجت براسي

ما حسيت بروحي من غفيت ....فزيت ...الساعة ٧ المغرب ...حيل جكد نمت .... كمت غسلت وكعدت شسوي هسة ...
الحمد لله ماعندي الالام بس احس حركة للطفل ماكو ....
اروح وارجع اكعد واكوم والوكت وكف ما يمشي ...
للعشرة دخل عادل ....عيونه حمر .... وشكله يخوف ....
باوعلي واجه كعد يم رجليه جنت كاعدة علقنفة ...
عادل.... نوراي .....نوراي ....انه احبج سامحيني والله ما اقصد .....
نوراي....عادل فهمني ...شنو صاير ....

بعد ما حاجي وتفلش باب الشقة فتحه عادل ودخل ذو الفقار يزمجر ويصرخ ....ما فهمت شي لان اول ما دخل صرخ عليه روحي للغرفة يكول البنغالية مالته ...
ببس سمعت مقتطفات علي بايع المطعم واسم كاميلا ....واسم المخفي عوف ...مبين السالفة جبيرة ...
هوسة وصياح ...بالاخير طلع ذو الفقار وعادل بقى بالهول كاعد ومخلي راسه بين ايديه.... تمشيت يمه وكعدت

نوراي .....عادل شنو صاير
عادل.... لازم نسافر للبصرة بعد مانكدر نعيش هنا ....
نوراي ....ليش شنو صاير
عادل ..... انا بعت حصتي بالمطعم ....
نوراي..... ليش 😱😱😱😱
عادل.... انه مطلوب فلوس لعوف واليوم كاميلا اجت من طرفه تريد الدين ...لو ...
نوراي ...لو شنو
عادل.... انتي ليش اجيتي للمطعم ....ليش
نوراي....عادل وحدة ...وحدة خل افهم ....
عادل ....عوف ....رجل سلطة وعنده نفوذ ويشتغل بال...يعني ...حبوب على اشياء ثانية ....
يحجي ويمسح بوجهه وانه عقلي شايط اريد اعرف شنو علاقته بيه
عادل.... نور ....انا مدمن ....
شهكت وفتحت عيوني ...شلون ويمتى ....وليش انه ما حسيت ....
عادل..... انه حاولت اتعالج وتعالجت ....بس رجعت ضعفت ....ماكدرت ....نور ....انه ...حبيبتي ....انتي .....انه والله جنت رافض ازوج واورط انسانة وياي بس انتي ....انتي... حبيتج ....واحبج ...و....
سكت ....دنك ....ورفع راسه العبرة خانكته وعيونه تمطر دمع ....