أريد حريتي

أريد حريتي ب٣٣

البارت الثالث والثلاثون

طلع يركض... ومافهمنه شي ...وين لكوا ...وشنو صاير...
بعدين وضحت الامور ...محمود مكتول باربيل بالفترة الي بيها ذذو الفقار محبوس...رب ضارة نافعة...
والي كاتليه جماعة مسلحة ..يم الملهى الي يروح اله... واخوه حسن مسجون هناك بتهمة التحرش ...
ابو محمود ظل لوحده االعمام والخوال كلها تبرت منه على الي سواه ويا ذو الفقار... ظل يتوسل ...بس محد ساعده...
بالعكس...احمد راسل كل التسجيلات والفيدوات والبلاوي السودة مالتهم للشرطة.... والرامات الي خلتهم حسنه عندي كلهن سلموهن....
امهم من سامعة ضاربته جلطة ومشللة....
....سبحان الله يمهل ولا يهمل...
دخلت على حسنة...كاعدة بالمطبخ ...مقر اللقاءات الحزبية ومناقشة امور الدولة😊😁😁.... كعدت يمها....
نوراي...حزينه....
حسنة...اي ولا.... اي لان عندي بنية باسمه.... ولا لان كلش اذاني .... وموتته هيج مثل الجلب حوبتي...وحوبة كل شخص اذاه ...وحوبة كل طفل...
تدرين يكولون مكطعينه تكطع....
نوراي...اي سمعت.... الله يذبه بسابع نار ....ليش لابسه اسود

حسنة...والله علمود حجي الناس ..وما ياثر عليه البسه جنه بدلة عرس.... وانتي .. شنو تاليتج....
نوراي...بشنو....
حسنة ...اظلين هيج ...لا انتي بسما ولا بكاع....
نوراي...اتانيه يخلص واسافر....
حسنة...تعوفيه بعد..... ليش...
نوراي.... تدرين هناك صدك حرية وراحة بال وجمال طبيعة... بس ماجنت احس بروحي ببيتي ... بس هنانه...
حسنة....خية صفي النية ولا تخافين.... وابقي...يانوير بس الله يدري بغلاتج الي بكلبي... وبكلب ذو الفقار... والله العظيم يحبج....
نوراي... الله كريم.....
دخلت ويانه عطور على الواهس ...عطور انسانة هادئة وحبابة بالكاد ينسمع الها صوت اغلب الوقت معزولة... لو تشتغل لو تكعد مستمعة فقط ....
باوعتلي وحجت وانه وحسنه فاكين حلكنه خو حسنة فشلتنه ....
عطور...يمكن هناك تطبين واطلعين وتلبسين...ومحد اله شغل بيج.... بس شلون بتالي الليل ....حضن الي تحبيه يسوه الدنيا.... لو من تتمرضين ويكعد يم راسج...ويداريج ...لو من يجي محمل مسواك وهيج شي بسيط مثل قطعة كاكاو...او فاكهة غالية...مرة حجيتي بيها...جاييبها مخصوص الج .. تسوى الحرية كلها.... لو خيروني بين الدنيا بجفه وبين حازم بجفه ثانية اركض اله مو بس اختاره.....مو بعد انتي واخوي الخب يتطافر من عيونكم ...
عطور كلش تحب زوجها وهو هم يكول بلابل ... وبس يجي ياخذها تطير من الفرحة من زوجت لهسة ما بايته ببيت اهلها الا ماندر... حتى من جابت ... ما تبقى ...وكل شوية يتخابرون... كل شوية تراسله ....
الله يسعدهم....
وهيه منطلقة وتسولف... وحسنة فاكه حلكها وضحكت ...
حسنة...ولج ام المصايب ما يبين عليج يا خوينسة...
عطور...شبيج انه اشوف كلشي واسمع بس ما دخل نفسي... بس امانة الله نوراي...انتي وردة ودرة مالت الله واخوي بعد روحي يستاهل... لا تفرطين بيه... لان اثنينكم واحد يحب الثاني ....جربي اطيه واطي لنفسج مجال.... واكيد راح تنسعدون....
نوراي...انته وردة عطور... شكرا....
دك فونها
حازم اخذت عبايتها وبوشايتها هيه مبوشاية... وباوستنه وطلعت....
حسنة...فلك ...كلها تحب وتتمعشك بس انتي ياروحي....
نوراي....هههههه عينج لا تصيب البنية....
حسنة.... اسم الله عليهم ...عايذتهم بالرحمن الرحيم...
وانتي خية لا تظلين متعندة العمر يركض.... والله واذا هسة بيج حيل تشتغلين وتسافرين من تكبرين وتعجزين وشعرج مشيب وسنونج طايحة وفقراتج مكسرة ... شحلاتها الكعدة ويا الشايب مالتج وسنونكم طايحة وتغمسون كعك وجاي واليهال يفترون عليكم شدة يا ورد .😄😄😄😄
نوراي.....هههههههه.ههههههههههههههههه🤣🤣🤣🤣🤣🤣
حسنة....افيش...اكلج...المصيوبة بت اخوي ام الفتوك... مو كالت تسوي ...بببن كيك ...بيان ...مادري شنو كيك ..وينها....
نوراي....ههههه بان كيك....
حسنة...المهم كيك... هاي المفجوعة بنتي بس ترضع وانه يبست اريد اكل حتى ارضعها....
نوراي...🤣🤣