أريد حريتي

أريد حريتي ب١٤

البارت الرابع عشر....

صريخ هز البيت هز....
باوعتله وكلت.... هذا صوت حسنة.... اي صوتها....
ركضنه للهول وانشوفها كاعدة تلطم وتبجي والوجه مزورك.....
تصرخ موتني ....شبعني كتل.... ماريده...طلكوني...طلكوني....
صريخ بكل حيلها.... ركضت عليها اسكتها واهديها ماكو.... ذو الفقار بكل هدوء طلع ولا كأنما الموضوع يمه... نسوان اخوانها التمن بس نفس النظرة كأنما الموضوع مو يمهن ....
الحجية خطية... صاحتلها ودخلتها للغرفة... ساندتها دخلت ردت اطلع....
الحجية... نور... يمة بلا امر عليج جيبلها ماي.... فتحت الثلاجة بغرفتها وجبت بطل ماي... واسمع الحجية .... يا المهربشة خزيتينا وفشلتينه... شبيج تكعرين...لميتي الوادمم علينه... لو كل البنات هيج يزوجون محد تزوج
حسنة.... يمة ما يريدني... كلشي صبرت وياه بس مال يغلط على اخوتي ...لا وعلي...ما اسكت....شني....

طلعت ... وبقت يم الحجية.... اخذت علوش ومشيت للبيت... باوعت ذو الفقار كاعد يم السدرة... شغلت التلفزيون لعلوش...ورحت اله....
نوراي... ليش ما ساعدتها....
ذو الفقار....هيه اختارت تتحمل نتيجه خياراتها....
نوراي.... بس.... لا ...انته اخوها...اوكف وياها...لا تخلي يهينها....
ذو الفقار... هيه هانت نفسها...
وكف على حيله ذب الجكارة وداس عليها ... ورجع شالها ..... باوعلي.... ومشى ... بدون قصد بحركة رد فعل لزمت ذراعه استوقفه.... التفت عليه بسرعة...عيونه... مجمعات.... شكله وسيم... واحس بداخله انسان غير هذا الي لابس قناع البرود....
نوراي....اسفة....بس ....انه غريبة وما تعرفني دخلت للنار لخاطري.... هاي اختك.... لا تعوفها.... خطية هيه طفلة رغم كبر حجمها... ارجوك....
ذو الفقار .... ابتسم هز راسه ومشى....
عدت الايام مشابهة..... عدا حسنة الي ساكنه يمنه بالنهار وبس يرجع ذو الفقار تشرد لبيت الحجية....
حسنة ....نوراي....شسوي.... صارلي اسبوعين هنانه حتى ما سأل ....
نوراي... حسنة مادري شكلج.... بس عوفيه يندم ويرجعلج...ما يحصل مثلج ...
حسنة.... لا يحصل ...يومية ويا وحدة شكل ...نور...يراويني صورهن وشنو يحجن وياه ....واظل اكمز.... كلشي سويت...اشياء ما تخطر علبالج.... أشياء عيب وتلعب الروح علعيني ....كلت بلكي يحبني....وماكو ...ساعة انتي مو حلوة...ساعة جسمج سمين...ساعة..ماتعرفين تحجين...يريدني اتنعوص... انه وين والتنعوص وين...ما تكليلي.... ااااااه كلبي مورم شحجي ياخية....
نوراي... انتي شنو تردين....
حسنة....نوراي انه احبه...علطياح حظه احبه... احبه...شسوي لكلبي الاغبر....
نوراي.... حاول تتغيرين.... ضعفي...غيري شكلج ولو بصراحة انه ما اساند هذا الشي لان مبدأي تحبين روحج الناس تحبج ...تحترمين ذاتج وتقدرين قيمتج الناس تعامل الواحد على قدر اعتزازه بنفسه....
حسنة... هو هذه خية....شلون اضعف...وانه عابدة الثلاجة.... ماكدر كل شويية اجوع.... وحتى لو ما جوعانه ...احب الاكل....ارتاح نفسيا من الوج ....ههه
نوراي....هههههههه.... والله غشيم الي ما يحبج...الا وين اكو هيج انسانه طيبة وحبوبة....
حسنة...لازمة كرشها.... ومكربسة شفايفها...وتكلي... ودبدوبة....ههههههه
نوراي.... ههههههه ....شنو رأيج تسوين دايت.... مادام انتي هنانه.... ونروح نكص شعرج ونصبغه.... يعني تغيير....
حسنة.... ياريت....اروحلج فدوة بس انتي تفهميني....
دخلت وسن الظاهر جانت تصنت.....
وسن.....اروح وياكم للصالون اكص شعري....
نوراي... اي ...عادي...
حسنة... وانتي صخلة شعندج تصنتين علبيبان
وسن...عمة شالقصة.... هيج متعدية وسمعت....
حسنة....صدوك....وين رايحة درعمين بالحياطين....
متت ضحك عود تتنعوص والمفردات اشرد....
قطعت دهرتهن ....
نوراي... خلي نبلغ ذو الفقار وناخذ الموافقة ....
وسن.... ابوي اجه بالديوانية كاعد....
حسنة...انه افلت للبيت
نوراي...ابقي...احجي وياه...كسري الجليد...
حسنة....خية هو ذو الفقار القطب الشمالي كله .... شكسر افلت بروحي.... باي.... تعاي سوسة البلة جيبي الكرزات وتعاي وراي....
نزلت عليه شاورتني... شوية ادلعي...اتنهوصي بالصدوك والعويني مالتج بلكي يذوب الجليد....
نوراي....يااااا....ههههه هسة طلعت انه اتنعوص....
حسنة...ياريتني مثلج وعلي ...
وسن...اي صدك انتي دوم من تحجين تنوصين ...حتى عمة جنان تسميج زرزور مجعوص....
حسنه...امداج وامداه عمتج ...من حركت كلبها جه تغار من هاي النازوكية.... بس شوية يرادلج لحمة شحمة ...اطيج فخذ ...زند....
نوراي....هههههههه
طلعن وانه ميته من الضحك... باوعت لروحي يالمراية... صدوك انه حيل حيل ضعيفة... الحمد لله وجهي...تارس جان صرت هيكل عظمي بمعنى الكلمة... شسوي اذا شهيتي للاكل كلش ...تحت الصفر...
غسلت وجهي ورفعت شعري...انه بالبيت مالبس حجاب ولا اهتم لان اصلا ذو الفقار شايفني مو محجبة... دورت ردت وردي خدود ...حمرة ماكو ...ولا شي عندي بس العطر .... تعطرت وتوجهت للديوانية ...دكيت الباب ودخلت متمدد علقنفة...وحاط ايده جوا راسه... التلفون علميز ...تقربت...مغمض...عيونه...تقربت اكثر... باوعتله غافي... شكله جميل... صفنت بيه واحس حرارة تمشي بجسمي... لا انه شكاعد اسوي...معقولة انسى عادل... شنو كاعد يصير بيه ...جملة...ابراهيم براسي عادل حلقة وصل انتي مقسومة لذو الفقار... ذو الفقار خوش زلمة...
واكفة بمكاني...صافنة عليه... وفجاة فتح عيونه بوجهي ...كمزت... وخفت... رجعت خطوة لورا .. عدل كعدته وباوعلي ...بعيون نص مغمضة زايدة جماله...
ذو الفقار... خير ...اكو شي...
نوراي...ها...لا ...انه...البنات يردون يرحون للصالون... وانه اجيت ابلغك...
ذو الفقار... ياصالون...منو يريد يروح...
نوراي...حسنه ووسن ...
ذو الفقار...وانتي.... النظرة الي بعينه تغيرت... انثولت...ودخت ...وبقيت اجيب بالردانات مال الدشداشة واودي...واعض بشفتي.... اكو احاسيس بداخلي... اله... بس هذه غلط...ما يصير...انه وضعي مؤقت.... شلون هيج تغيرت مشاعري... لا انه يتراوالي ...لان كلها تمدح بيه... وحجيهم يأثر.
ابتسمت وشردت حتى ما سمعت جوابه....
طلع وراي... وبعينه ضحكته المستفزة...
ذو الفقار ...هاي فلوس ...واذا احتاجيتوا بعد كليلي.... حسنه...شغلتها مطولة لا تستعجل هسة...
نوراي...ليش...يا ساتر....
ذو الفقار... محمود مسافر لاربيل...وما مهتم.... لو بيدي اطلكها اليوم كبل باجر...بس ادري..اختي خبلة وتحبه....
نوراي... والحل...
ذو الفقار... مادري.... يمشي وانه امشي وراه دخل للمطبخ...يريد يسوي جاي... ركضت كبله وصار تلامس وكهرباء بين ايدينه...باوعتله صافن عليه...
ذو الفقار...انه اسوي....
نوراي...لا ..ولو ...تريد شاي لو قهوة... اسويها تجنن
ذو الفقار ...قهوة...قهوة....
ابتسم وكعد علطاولة وانه حطيت الدلة وسويت الكهوة... وايدي ترجف... واحس الجو حار... خلصته صبيتها بكوب وصبيتلي احب القهوة...
كعدت ...
نوراي...خطية حسنة ما تستاهل...
ذو الفقار...لا والله تستاهل من ايدها...رعنه...وما تسمع حجي...
نوراي...ليش لان حبته....
ذو الفقار...لا مو مسالة حب...مسالة يستاهل ما يستاهل... نوراي...انتي ما تعرفينه هذا....
نوراي لو اغنية هيج اسمي حلو بحلكه اول مرة ينطقه كامل .... حطيت ايدي علخدي ومركزة وياه بكل تفاصيله وحجيه وحدته من يحجي.....
العمر اله دور بالثول وانه كل عمري ٢٠ سنه.... يعني بعدني مراهقة وخبلة...بس الاحزان والمواقف الي عشته كبرت عمري وغيرت هواي مني....
مسترسل يحجي... وانه احلل وافكر... واربط ... يجي يوم ونصير انه وياه سوا....
ذو الفقار... نوراي....مو كاعد اسالج....
نوراي...ها العفو... شنو....
ذو الفقار... يمتى ترحون حتى اخلي طالب يوصلكم....
نوراي...مادري... اشوف البنات وام علي اكيد لان ما اعرف اي صالون هنانه....
ذو الفقار ...تمام.... اتاني خبر منج....
كام وطلع وانه صافنه...اجيبها منا واوديها منا .....
هجمت وسن وحسنه عليه بعز صفنتي... وبلغتهن... حسنة ضاجت واجلت السالفة....
وسن متغيرة وياي ...هالايام ...طلبت فوني... اتعجبت....
حسنة هم سالتها شسوين بيه....
وسن...اريد اباوع للمسلسل فاتتني الحلقات...واخذ سلفي ....صور...
نوراي...اخذي...
حسنه...وسن...لا تلعبين منا ومنا حدج مسلسل وترجعي...
اخذته وراحت
حسنه...ليش تطيها تلفونج ....
نوراي...اول مرة تطلبه....خطية... ما صدكت شوية علاقتي تتحسن بيها...
حسنه...شسوي نوراي... شسوي...ماعندج شي ينوكل...
نوراي... مساع نحجي بدايت وتغيير... شبيج....
حسنة...كومي...سويلنه جاي وخل اجيب كعك...بالبيت الجبير جيس شكبره....
نوراي.....ههههه خبلة والله....
طبعا بيومها اكلنه جكد انه تعجبت علروحي... بس حسنة تسوي واهس بخفة دمها وسوالفها....
اجت ام علي ويانه المغرب وكملن السهرة ...سوينه عشا... وصمون وجابوا فلافل كلنه التمينه... طلعنه بالليل يم الساكية...والجو شوية بيه نسمة هوا ...بس البك شبعنه كرص... هم كاعدين وانه اطفر منا ومنا احس صراصير تطفر...واخاف من الاصوات ....
واكفة احك برجلي الي ورمت من الكرص ورافعة دشداشتي للركبة...
يمتى يجي مادري...ربي اريد يوم واحد بس احس بيه جاي .... راسا بصرخةةة.
ذو الفقار...هدومج... الحياطين لها عيون....
نوراي... يمة... خرعتني...
ذو الفقار...ليش جني...
نوراي...لا العفو...بس والله البك...موتني كرص...
اشو هذا رفع حاجبه وخزرني وعاط بينه كلنه كوموا ما كوموا.... خرب الكعدة....
مفرق الجماعات.....
بديت اتعود حياتي وياهم وخاصة من نلتم انا وحسنة وام علي مرات عطور تجي ويانه بس هادئة كلش هادئة ....
جنان نفس غلها ليش تكرهني مادري... وسن ما تحجي دائما وياي بس هواي تاخذلي صور وصور لروحها مرات تاخذ الفون تشوف مسلسل لو تسمع اغاني....
حسنة بدت تضعف... يومية انا وياها نطلع للبستان نمشي ساعة ساعتين بهذا الوقت انه بطني تظل توجعني من الضحك..... قللت اكلها ... وسوينه فقرة الركص بس نشوف البيت يفرغ نشغل شكو ردح ونركص....
زوجها لا خابر ولا اجه....
بيوم مجمعين ببيت الحجية ...وجنان وام هلي اتعاركن حرفيا وصلت للضرب ... ام علي اخذت عبايتها وطلعت... وجنان كعدت تبجي... وتدعي وتصيح عليها بواكة الزلم....
بيومها ذو الفقار مو هنانه مسافر .... حسنة اجت باتت وياي ... انه ما ادخل نفسي نهائيا بينهم... مالي شغل بحيث كلهم يحترموني...
بس حجي جنان غثاني خاصتا وانه احب ام علي لان كلش خوش انسانه ...
نوراي... حسنة...ولو تطفل مني بس ليش ...جنان . وام علي....
حسنة.... يوووه هاي من قبل...سمعي... جنان جانت تحب رجل سهاد من هيه زغيرة...احتارت شسوي...حتى تخليه يحبها...سوت سواية عملت عمل... سكتي وخلي... ذبت فتوك... جنين صلفة من زغرها... بس ناظم باله مو يمها...يحب سهاد يموت عليها...وسهيد خطية فقيرة مالها بالسوالف... وجانت تدري جنين تحبه فكل ما يخطبها ترفض... وتكول ماريد ازوج.... لحد ما يوم كضلها الدرب هاي من يمتى من جنت انه زغيرة واداوم بالمدرسة..... وحجه وياها... راد يبجي والله... وهم رفضته.... بس بيومها... جنين ...تعاركت وياها وصارت هوسة... وسهاد عناد بجنان وافقت.... وتزوجت ناظم.... وجنان تسودنت اتخبلت ...حتى رادت تحرك روحها.... وراه اسبوعين بس اسبوعيين...قبلت تنخطب لكاظم وتزوجن اثنينهن بنفس اليوم....
ومن يومها جنان ما تطيق سهاد... جنان طلايب وعرايك ويا رجلها ....بس سهاد عين الباردة يخبلون يكول طيور حب .... وتحبه وهو يموت بيها....
وهاي السالفة.... يا بنت الحلال....
نوراي.... صراحتا متفاجئة.... بس هي جنان دوم تعارك وحتى من تجي للبيت الكبير تكلبه كلاب....
حسنه...هيه راعية مشاكل اذا ما لكت احد تتعارك وياه تتعارك ويا ذبان وجهها..هههههه.اكلج انه جعت....
نوراي.....هههههههههههههه واج حسنة بالتفك نزلتي ٥ كيلو
حسنة....ظلت تحجي بالتفك ام الصدوك.....
نوراي...اي جا شحسبالج...
حسنه....هههههه نور.
نوراي...نعم....
حسنه.... ما تنزعين الاسود....
نوراي ..اه..اه.... ليش انزعه....
حسنة...الشهر الجاي دوران سنه عادل الله يرحمه.... وانت هسة علذمة رجال... نور...ما بيوم تفكرين بذو الفقار زوج الج....
نوراي... مادري...مادري...اموري كلها مخربطة.... يعني الي صار كله مو من اختياري ولا بارادتي....تفهمين عليه....
.....
بيومها كضيت الليلةكله افكر شنو اسوي... صارلي اشهر عايشة هنانه...ما بيوم شفت شي مو زين...بالعكس مرتاحة ..واحب الاولاد حتى وسن من اباوعلها اشوف نفسي من جنت زغيرة مجروحة...وعصبية...كارهه الكل....
خابرت ايدين...وصطوفي.... تعبانه ومتغيرة كلش مأذيها الحمل...
ما حبيت الح بموضوع السفر... ومن سالتني عن حالي كضيت ساعة اسولف عن ذو الفقار وحسنة والاولاد....
بالاخير باوعتلي وضحكت وكالتلي شي نبهتني... انه سعيدة.... ومن سألتني عن مشاعري لذو الفقار احتاريت...اتلعثمت.... اكو مشاعر...بس اغلبها احترام كونه انسان بمعنى الكلمة....
جوابه حيرني اكثر.... الاحترام اولى خطوات الحب....
...... يمكن.....يجي يوم احبه.....
.