أريد حريتي

أريد حريتي ب٣٠

البارت الثلاثون

يمكن ايست اسافر... بس ليش انسى روحي... انه مسئولة منه بما انه اسمه زوجي... وانه ماعندي وظيفة...
وبعدين اعتقد هو صار شخص عادي بالنسبة الي... لازم اعيش واتعايش وياه....
خلاص ...التفت لروحي... ارجع شي من نفسي الضايعة...
هواياتي... التسوق... اي انه احب السوك...اموت على المشترى....
احجي وياه... ولازم يخصص اليه مبلغ للسوك...
استجمعت قواي... وقررت اخصم الوضع ... الي حقوق واريدها...
وهذا اقل شي يقدمه اليه...
ام علي اجت يمي وسولفت وياها على السوك...فرحت وشجعتني حسبالها اريد اغري...لو ارجع علاقتي بيه...
نوراي...ام علاوي حبيبة...اسوي هذا الشي لنفسي... باوعيلي ...شصاير بيه ...منو هاي...ششوفين...نفسي نوراي...
ام علي... انتي حسبالج ذو الفقار مغلس وما اعتذر هيج... ترا بعده يدور على الي سوه السالفة... بس هو اعتمد على احمد وحميد يحب وسن ... وشوفيها شابجة...
نوراي... ااااخ ...ااااخ.... اتمنى ارجع اسافر...
ام علي... شكلج ما تقتنعين صح..... بس اول شي خل اخابر ذو الفقار حتى نروح للسوك....
نوراي...لا انه ابلغه🤨🤨🤨 واحجي وياه على مصرف اليه... وكون اطلع بدون اذنه....
ام علي...ياع....خية شبيج تسودنتي ...شلون يصير تطلعين دون شورته....
نوراي... انه احجي وياه...بس يرجع....
روتيني اليومي...خلصنه... انه ووسن... وشفتها صافنه...
نوراي...ها...شنو...
وسن... تتوقعين بيوم يحبني احمد...
نوراي ...يا الهبلة هو يحبج...
وسن...جا ليش كل ما يشوفني... يخزرني... وما يحجي وياي ..حتى سلامه من ورا خشمه
نوراي...اولا هو جان يحبج من البداية ...وانصدم بيج ...ثانيا ملتهي بدراسته...ثالثا...بعدها السالفة ما مخلصة...والولد ضال محتار ..ينتظر حل... شلون مادري... ورابعا...انتي كلش ما مطيه نفسج مجال تركضين ورا مشاعرج...والج اجمدي شوية... شبيج....
وسن... زين اسالج...
اشرت براسي اي...
وسن...انتي وابوي ماراح ترجعون... لو تشوفين ابوي شصاير بيه...
نوراي...من ايده...محد كاله يستعجل بالحكم... المفروض يسمع مني ويدور..ويستفسر...
وسن...مايحجي وياي ...واخر مرة شافني زمخ بيه... اذا شافني يذبحني...
نوراي ...انتي بنته ..لابد يجي يوم يسامحج...
وسن... 😭😭😭😭😭😭 شسويت....ياربي...
نوراي...بس...كافي ... كومي سويلنه كب كيك....
وسن... هههه .... تبجي وتضحك محتارة شسوي...
نوراي... وحطي ببالج احتمال جبير نروح للسوك ندلل نفسنه....
ضحكت وشبكتني... انتي احلى نعمه بحياتي...نوراي...انه احبج.... انتي صدك امي...
شبكتها وطبطت على ظهرها... وانه بعد....احبكم...
وسن... وتحبين ابوي همين....
نوراي...وسن...كومي...كومي...حبابة....
اجه الليل وكعدت اتانيه... ماكو غفيت بالهول والجو بارد ... والغطوة خفيفة... بردت ...ثلجت...فتحت عيوني وياما هو يغطيني... شافني... فز ..وراد يروح...
عدلت كعدتي... ممكن احجي وياك...
التفت وعيونه بيها بريق امل...
نوراي...اريد مصرف جوا ايدي اروح بيه للسوك انه ووسن نشتري ملابس ...اشياء... ما يصير كل ما نريد شي لازم نطلب من ام علي ...وتجي المرة تتبهذل ويانه وعايفة بيتها ورجلها وصايرة النه ام....
اباوعله مبتسم... وضحك ضحكة خفيفة....
حسيت صدك كانما حافظة الحجي مثل النشيد واريد اخلص منه..... ههههههخخ
ذو الفقار....الفلوس بسيطة...بس روحه لوحدكم لا...
نوراي...وليش لا...
ذو الفقار..بنات شابات لوحدهن ما تصير... واصلا انتي ما تندلين الاسواق....
صفنت صدك انه كلشي ما اندل...هيه كم مرة طلعت وبس...
نوراي... واريد اروح مولات ...ومطاعم...مو كله بيت ...بيت ...بيت....
ذو الفقار...ها...وما تردين تسوقين سيارة بعد...
نوراي...اي وشكو بيها شنو وحد...لو تنكلب ....
باوعلي بخزر...
....شوفي يا بت الناس ...ترا اكو حسبة براسي اخلصها واصفي الامور لا تستعجلين ...بعدنه ما وصلنه للنهاية.... والي ضامينه لازم اعرفه....
روحه للسوك ويا ام علي واحتمال جبير انه وياكم لا تكرر سالفة ذاك اليوم.... والفلوس بسيطة احدد لكم مصرف... وبراحتكم ...وفق المعقول....