أريد حريتي

أريد حريتي ب٢٨

صباح الخير  تلفوني عطل وجان عند المصلح لذلك ما نشرت البارحة

البارت الثامن والعشرون....

اسبوع ما رجع ذو الفقار ...يومية نتخابر ونبقى نسولف...
ذو الفقار... نور..... اريد اتفق وياج على مبدأ .... واريدج تكونين على علم ودراية من البداية....
نوراي.... تفضل....
ذو الفقار... الصدق...اساس كل علاقة... اساس الحياة الصحيحة... لا يجي يوم وتضمين عليه ...اي شي ... مهما كان... انه واياج نوصل لحل...
غصيت وكحيت... واشركت...وكلبي بدا يدك الف .... شكلك وانه ضامه عليك بلوة سودة .... وسن....اه يا وسن....
كمل يحجي.... اي شي يصير بيناتنا لا سامح الله مهما كان جبير لو زغير حده حياطين غرفتنه....محد يدري لا بيوم يطلع شي من غرفتنه.... ابد ...مهما كان....
نوراي...اكيد....
ذو الفقار... ادللي عليه...طلبي الي ترديه...لا تضمين بكلبج.... الي اكدر عليه من عيوني ...والي ما اكدر نوصل لبديله... واخير شي وادري وما يحتاج اوصي اطفالي ....
نوراي... تمام....
ذو الفقار... وانتي شنو عندج....
نوراي...نفس الي كلته.... بالضبط.... ماعندي شي... اضيفه.... عدا شي واحد...الماضي ماضي... والحاضر والمستقبل النه ...لا يجي يوم وتنبش ماضي...
ذو الفقار....ابد....وعد...
نوراي... يمتى ترجع صارلك هواية....
ذو الفقار... اسمعها....
نوراي... ههههه.... اسمعها انه هم....
ذو الفقار...مشتاقلج...وروحي ملهوفة عليج...
نوراي...وانه بعد....
ذو الفقار....اها ...اه منج ما هاين عليج تكوليها....
نوراي...لا والله....بس استحي....
ذو الفقار...يمتى ينكسر هذا الحاجز....
نوراي...شوية شوية..
الحديث حلو وممتع وياه ...سوالفنه هواي... للفجر يالله يسد الفون... انام ساعتين ثلاثة واكعد للاولاد اخلص واروح يم وسن اغفى...
وسن على حالها نايمة لو معزولة بغرفتها... ورافضة تحجي....
مرات اراسل ذو الفقار بالنهار... وهيه تظل تباوعلي وتبجي....
اسالها ما تجاوب...بس تصيح سامحيني.... اسفة ....
صار ١٠ ايام وذو الفقار ماكو ...واحتمال يتاخر اكثر... الشوك كاتلني ... بس ما بيدي شي ....
العصر ام علي خابرتني حسنة جايبة وراح تجي لبيت الحجية.... اصريت عليها تجي يمي انه اداريها...
واجت حسنة... وبحضنها بنوته فلعة كمر.... تجنن...
التهيت وياها شوية علوش مكابل البنوتة وكاعد سمتها روان...
عندهم النفسة تاكل اكل خاص وبيه دهن حر... وحلاوة عصيدة ...بيها بهارات خاصة وحارة للنفسة يسموها حسو.... بيها دهن حر ايضا ومكسرات وسمسم...كلش حلو طعمها...كل ما يسون لحسنة اكل وياها....
وسن هماتين من شافت الطفلة بدت تتقرب شوية وتشيلها وتكمط احسن مني..ومن حسنة....

نوراي...حسنة... حسنة...كعدي بنتج فرفرت تريد ترضع...
حسنه... اي هسة...
كعدت رضعتها....وتباوعلها....
نوراي...تخبش....
حسنه...اي...اجت للضيم...
نوراي...لا تكولين هيج...اسم الله عليها....
حسنه... والله خية...شراح تشوف بعمرها... تدرين جكد جان بدي ما اخلفها...بس هسة من اباوع بوجهه.احبها روحي هيه... بس ادري راح تتعذب....
تدرين نور جنت مقررة بس اجيب اشمرها عليهم واطلك... بس من سمعت صوتها وشفتها...كلبي ما اطاني...
نوراي...بلكي على عينها ويتغير الاب....
حسنه.... اه.اه ...ما ضني....
تنهدت وشالت البنية تدكدك الها....
صورنه البنوته ودزينه صورتها لذو الفقار... كلش فرح ...