أريد حريتي

أريد حريتي ب١٩

بارت جديد لعيونكم شجعومي بتعليقاتكم وارائكم وتوقعاتكم
تصويتكم 😘😘😘😘😘

البارت التاسع عشر

نار ....نار...لا ...ماريداموت....
اصيح واهوس ومختنكة....فزيت مخروعة وهو فتح الباب ودخل....
ذو الفقار... نور .... شبيج....
بجيت ...بجيت بصوت عالي ... كابوس جان... الكوابيس ما فاركتني .... كعد بصفي وانه اتهزز..وابجي بصوت عالي ... حظني قوي... وانه ماصدكت راحتي واماني بحظنه... بس مشاعري مخربطة...
مسح علراسي وهو يكلي
..... كابوس وعده اهدي
شلون اهدى وانه روحي يومية تشوغ وتحترك ... كلبي يخفك قوي...قوي .... راد يروح ... برطمت وهزيت براسي متوسلة يبقى....
انانية ...ادري شيكول عليه... بس شسوي محد اليه...
حظني.... بقيت بحظنه لاذان الفجر فزيت هو يريد يكوم...
ذو الفقار ...اروح اصلي .... كومي... توضي وصلي ...كومي...
صليت واندعيت من كل كلبي وعيوني تمطر...ربي نزل عليه السكينة...واهديني طريقي....
خلصت رحت للمطبخ يسوي شاي ...
نوراي...احضرلك ريوك....
ذو الفقار...لا بس جاي....
صبيته اله يشرب بهدوء وصافن بالفراغ....
من يوم رجعنه من بغداد احنه تقريبا ما نتشاوف يطلع الفجر ويرجع بالليل اغلب وقته ببيت الحجية...
نوراي... ذو الفقار ....
ذو الفقار .... هممم...
نوراي.... ارجوك ...ارجوك ...ارجع مثل قبل اعرف انته متقيد لان انه دخيلة عليكم بس... اطفالك مالهم ذنب ... هم حتى ما يشوفوك.... ترا هم اطفال بعدهم ويحتاجون وجودك .... لا تقصر وياهم بسببي ....
ذو الفقار... منو كال بسببج...انه من قبل هيج....
نوراي.... لا ماجنت هيج....
ذو الفقار... لان ..... سكت باوعلي ووكف على حيله تنهد وطلع....
غسلت كوب الشاي وافرك وافرك لحد ما انكسر بيدي وما حسيت الا الدم يصب صرخت من الخرعة مو من الالم واجه يركض وانه حسبالي طلع .... لزم ايدي خلاها جوا الماي وبسرعة جاب لاصقة وضمدها..... خلص باوعلي.... ...نفخ وطلع ...
رجعت لفراشي وخمدت للظهر علوش كعدني براجدي....
نوراي...علووووش ليش تضرب حبيبي ما يصير
علوش... كعدي...اريد اكل....
نوراي...اي هي هاي انه اكل ...غسل ...خدامتك....صيحيلي ميري منا ورايح....
علوش....ها....
نوراي....كوم ...كوم....
حضرت ريوك كليت بيض وصبيت شاي ... كعد ابراهيم وعادل...
نوراي... شنو ما متريكين....
ابراهيم ...لا خالة... جنه نجمع نبك.... جبنالج بالسلة...
نوراي... منين تجمعون...
ابرراهيم...من البستان
نوراي... يا بستان...الي ورا البيت ...
ابراهيم...لا...ذاك ابعد نروح بالسيارة.... باجر نروح ..تجين ويانه...
نوراي... اي اكيد...
ابراهيم.... نطلع الفجر ورا الاذان....
.....
كعدت بيومها حضرت فطاير وكيك خطية شفتهم يبلعون الاكل من الجوع...والفجر بس اذن طلعت مستعدة .... ترمز شاي وفطاير وكيك ...
ابراهيم باوعلي...ورجع باوع لعادل...
ابراهيم... خالة... لبسي عبايتج
نوراي...ليش....
ابراهيم...مو ...مو بالبستان يجون هواي شباب يشتغلون...
نوراي... يعني...هو البستان مو الكم...اقصد لابوكم...
ابراهيم...اي...بس هسة موسم النبك نشغل ويانه عمال يحوون ...
نوراي... تمام هسة البس كاب...
لبست بسرعة وطلعت ... صعدت بالسيارة جانت بيكم ...
شوية وصعدت وسن...
نوراي...انتي هم تجين...
وسن...جا وحد...
نوراي...لعد علوش وين يبقى...
وسن...وشعلي انه....
نوراي...خل اجيبه خطية...
نزلت لفيته بطانية وجبته.... صعدت وانتاني ذو الفقار... اجه لاف يشماغ على راسه... .
ذو الفقار... يالله.... عدل الجامة باوع ...ورجع باوع...والتفت علينه....
ذو الفقار....هاي شنو ....شسوون هنانه....
نوراي... نروح وياكم نحوي نبك....
ذو الفقار بعصبية... وين ترحون...صدك ...جذب...البستان كله ولد....
نوراي.... ماعلينه بيهم ننعزل علصفحة...
ذو الفقار... شنو... انتو منو سمح ااكم....
نوراي.... ابراهيم سولف وانه عجبني...اروح....
ابراهيم...يبا..خل يرحون خطية اوديهم للبستان الداخلي...محد يشوفهن هناك....
سكت شوية ذو الفقار... ورجع باوعلي بالجامة رمشتله بعيوني وبرطمت شفتي ...ابتسم بعينه.... وهز راسه...
ذو الفقار... خليكم يمهن...حدكم البستان الجوا... ساعة ساعتين واخلي طالب يرجعكم....
كلنه صحنه هه...ههه......
وصلنه للبستان بعدها ظلمة بيه غرفة مبنية بيها فراش وحمام بس مو كلش نظيفات يمكن للحراس او هيج شي....
حطيت الاغراض ونومت علوش على فراش وطلعت اباوع الهوا يرد الروح.... المكان ريحته وصوت الطيور والعصافير والبلابل تارسة المكان.... بدت تطلع الشمس ... سمعت صوته وراي ... مادري يمتى يجي يكول هوا... تعاي وياي.... مشيت وراه بهدوء... اخذني يم مكان مفتوح وبيه رابية مكان شوية عالي صعدت ومدلي ايده لزمته وصعدني... وكفني فوك واشرلي باوعي....
باوعت الشمس حمرا تطلع شكلها يجنن جكد اوصف ما اوصل لنقطة بجمال هذيج اللحظة كعدت اباوع مندمجة وهو كاعد بصفي دقايق طلعت الشمس كلي يالله .... برطمت ماردت اكوم....
ذو الفقار ....طلع الضوا نبين منا...كومي ....يالله نزلني وهو راح للشغل... كاعدين بالبستان الداخلي... يخبل كله ورد وياس وريحان مزروع الريحة ما تنوصف... علوش كعد وخبصنه بالركض منا ومنا ... الساعة ب٩ تقريب الصبح اجوا الاولاد جوعانين ...التهيت اصب الهم اكل وشاي .... خلصوا ورجعوا يشتغلون.... اباوع علوش ماكو ...
نوراي....وسن....علوش وين....
وسن...يلعب يم الشجر....
نوراي....ماهو....وين راح....كومي لا يطيح بنهر بحفرة يموت يتعور كومي دوري وياي ...انه راح اروح منا وانتي مناك....
متخبلة امشي واصيح وماكو بدون احساس واصلا ما اندل زين .... عابره الباب الداخلي الي يطلع من البستان الزغير لبستان النبك.... وادور... يمه...هناك واشوف علوش... واكف لازمله غصن ويركض ورا فراشات يطيرن.... ركضت عليه....
نوراي... موتتني خوف عليك وين رحت...مو كلنه ممنوع تبتعد.... احجي وياه واشوف خيال صار فوكي... شلت راسي باوعت وتقريب مغمضة عيوني من الشمس... ولد شاب يطلع شوية اكبر مني او بعمري... صافن عليه....
الولد...خير خوية...خو ماكو شي... علوش منو هاي...
نوراي... لا ...ماكو ...يالله علوش امشي.... اخذته من ايده سحل...بالكوة ما يرضى يمشي بالاخير شلته ومشيت ...تيهت منين ارجع... اباوع لا عادل لا ابراهيم.... شلون بيه....
الولد وراي... خوية وين تردين ترحين...
نوراي... ها.... للبستان الزغير...
الولد ...اي مناك تعاي ادليج....
نوراي... لا لا بس كلي منين...
الولد... خوية شبيج مرتبكة... ترا احنه ولد ناس وعندنه عوايل ... مناك... تمشين كبل وعلى ايدج اليمنى الباب ....تعاي اوصلج....
نوراي...لا ...لا شكرا....
اخذت علوش وركض بسرعة رجعنه للبستان الزغير فحطت وعيوني دمعت من الخوف ....وسن ما متحركة من مكانها كاعدة ...
للساعة عشرة ...اجوا الاولاد كالوا ابوي يكول يالله عمي طالب بالباب.... واصلا صارت كلش حارة ... وانه طلعت الونسة من خشمي من الخوف... هم زين ما صادفت ذو الفقار....
رجعنه للبيت غسلت لعلوش... وانا شطفت وكبل للغرفة... ردت انام ماكو اتكلب ... شلون اذا عرف...هسة شيكول عليه....
تعوذت من الشيطان وكمت طبخت تمن شعيرية ومركة بتيته... وحضرت زلاطة.... ولبن ...
خلصت ...كفيت كلشي ..وصليت بس بالي مو عندي افكر... علوش يجر بيدي يكلي جوعان...
نوراي... علوش...هسة شوية ويجون اخوانك واصب....
علوش... ما.ما..ما...جوعان....
نوراي...تعال .... صبيتله اكل... ثاني لكمة واجوا اخوانه ... صبيت....
غسلوا وكعدوا....
عادل.. صدك علوش ضايع اليوم...
نوراي غصيت بالاكل....
منين سمعت...منو كالك....ابووك درا....
عادل... اسم الله خالة علكيفج.... لا بس علاء المهندس الزراعي كال خطية اختك جانت تدور على اخوك ودليتهم البوابة....
نوراي... اي...وبعد...
عادل...ما حجيت... دريت وسن طالعة ادور عليه...بس وعلي لو درا ابوي يعلكها....
نوراي...بلعت ريكي... عادل انه طلعت ادور عليه مو وسن...
عادل...هيهي.... اكول سمعت المهندس يكول لامين عليها عيون بزون.... طلعوا يحجون عنج....
نوراي.... اشششش بس عيب.... حبوبي عادل مو تكول لابوك....
عادل... لا شكول...والله اذا درا يعلكنه..... ما احجي....
اوووف..شورطني.هسة انه....
لليل متاخر الوقت ...ماكدرت انام من القلق ... لحد ما سمعت الباب انسد عرفت ذو الفقار رجع... بس هدوء ماكو عاصفة.... اطمأنيت ونمت.... معناها ما سامع شي....
الصبح ويا اذان الفجر كعدت حضرتله شاي ... وطلعت قطعتين كيك... وجبن وخبز وخليتهم علميز... ودخلت اصلي ... خلصت...رحت للمطبخ...شارب شاي وقطعة كيك وطالع.... نعمة ماكو شي....
اسبوع روتيني...عدا انه والاطفال وحتى وسن كلش مندمجين من اشوف افلام حلوة اصيح الهم وياي ... اسوي شي هم وياي .... وسن هادئة بشكل عجيب بالكاد تحجي.... الاطفال يسولفولي عن امهم من كانت عايشة ...ملتهية بالبيت وتنظيف...وطبخ... ماجانوا يشوفوها او حتى يشوفون ذو الفقار... كانما ايتام...
جنت اسولف وياهم بكلشي... حتى وسن من تسالني اجاوبها بحب ... انا اكثر وحدة احس بيها... ودي اساعدها... ظليت استشيرها بكلشي مرة تجاوب ومرة لا تزمخ وتعصب....
رغم هذا ما استسلمت... بقيت احاول وياها بكل فرصة احصل ....
يوم خميس.... ويوم الجمعة يصادف عيد ميلاد ابراهيم وحبيت اسويله حفلة زغيرة...
فبقيت ساهرة لليل لحد ما يرجع ذو الفقار...حتى احجي وياه... لازم يكون اله دور بحياة اطفاله...خطية تحس بيهم محتاجين لحنانه... اله اب موجود بحياتهم... انه اعرف بانه كان يحب زوجته هواية...بس هم ماله ذنب بموتتها هيج يبتعد عنهم....
كاعد اباوع فلم ومندمجة... فلم العروس الهاربة... واضحك...على سوالفها ....بصوت ناصي... ودخل هو ... بدون سلام ...بدون كلام ...
ذو الفقار .... لحكيني للمطبخ....
يا ساتر وجه ما يبشر بخير الحواجب معقودة والعيون مخنزرة شصاير... رحت وياه للمطبخ ضرب الطاولة بيده فززني ... بلعت ريكي وهو يقترب مني وكف كبالي بحيث اصابع ويطخ بيه....
ذو الفقار.... تعرفين منو علاء....
صفنت...وهزيت راسي بالرفض....
ذو الفقار... اها.... ممكن اعرف ليش ما تسمعين حجي ...انه مو كلت محد يطلع برا البستان.... ليش... حضرتج رايحة تتمشين منا ومنا....

فتحت عيوني لوسعهن اذكرت يقصد منو عزا ....شنو صاير ...
نوراي...لحظة خليني اشرحلك... مو...
ذو الفقار...ششرحين ...يعني تعرفينه....
نوراي...لا...طبعا لا...بس بيومها... علاوي طلع من البستان وراح مناك وبقيت ادور عليه... وتهت وهذا الولد ساعدني....
ذو الفقار... ايباه علساس احنه بالغابة ...وين الولد ... ماكو تلفون وتخابرين....
بصوت عالي ونرفزة.... صدك خفت.... هسة هذا شقنعه....بوكتها عقلي وكف....
نوراي... والله ما فكرت بكد ما خفت على علوش....جان كول همي الكيه.....
ذو الفقار... اها.... لعد حضري روحج بنتي ...اجوج خطابة....المهندس يريد يناسبني وطلب ايد بنتي الحلوة ....
نوراي...ههههه ضحكت بعدين اداركت روحي وسكتت بس ما كدرت بقيت اضحك.... عن جد اريد اعرف التفاصيل ...كل ما اريد احجي اضحك... وهذا يزيد العبوس مالته وحواجبه صاروا علامة انفنتي.... لو العيون راح يطلعن من محاجرهن ...واكف متخصر ويخنزر وانه اريد اسد حلكي ماكو ... لحد ما لزمني من زنودي وخنزر بوجهي... هنانه انه نسيت الضحك والحجي وركز ت بعيونه....
ذو الفقار... نوراي...
صافن بوجهي تغيرت ملامحه... عضيت شفتي استحيت من الموقف... وفلتت روحي...
نوراي... والله ما كان قصدي اخالف حجيك بس خوفي على علوش فقدني عقلي وماعرفت شنو اسوي ... بعدين والله ما ذاكر حتى شكل الولد ...
جنت مدنكة واحجي وهو كعد علكرسي ومسح وجه وزفر بصوت عالي ...
ذو الفقار...شكاعد يصير... نور شتردين....
نوراي...اريدك تنسى انه موجودة هنانه وترجع لاطفالك...هم بحاجتك...وانته ما موجود اغلب الوقت ...لا والله كله... تدري اولادك بيا صف... تدري باجر...عيد ميلاد ابراهيم...واريد اسويله عيد ميلاد...
وسن... تحتاجك ...احضنهم... بوسهم...انه يتيمة واعرف شنو معنى الواحد ما يصير عندي ام... اسم الله عليك بس انته كلش بعيد عنهم...
ارجوك...ارجوك... هم خسروا امهم ... ماريدك تصير بعيد عنهم...
ذو الفقار صافن عليه وانه مسترسلة احجي بالاخير مسح وجهه واستغفر...
ذو الفقار...ننور...انتي خوش انسانة.... تمنيت عرفتج من زمان....
نوراي... هههه ممكن اسالك وما تعصب...
اشرلي براسه...اي .
نوراي... شلون خطبن......ي هذا المهندس...
يمه اشو هذا وكف على حيله ... وخنزر
ذو الفقار...المهندس...وانتي منين تعرفين هو مهندس....

يتبع.......