أريد حريتي

أريد حريتي ب٢٧

مساء الخير وكيف حالكم ويا التراب
تأخرت عليكم النت كلش ضعيف ما يحمل
استمتعوا بالقراءة

البارت السابع والعشرون

اتخذت قراري ...خابرت ايدين وسولفت الها وكولش فرحت وشجعتني وتمنت الي التوفيق....
بقت يمتى اصارحه واحجي وياه..... اصعب موقف....
ثاني يوم مارجع.... انتظرته يخابر ماكو.... لليل عصبت وضجت .... اخذت تلفوني ودزيت اسمايل ضايج....
مباشرتا خابر....
نوراي...الو....
ذو الفقار... شلونج....
نوراي....زينة.... يمتى ترجع....
ذو الفقاار... ليش ....
عصبت شنو ليش وشعنده هناك....
نوراي... شنو ليش...عندك بيت واطفال ومدارس راح تبلش....
ذو الفقار...بس.....
نوراي....بعدين انته شعندك هناك.... ها....
ذو الفقار... من ارجع اسولفلج.... شغلة تخص ام اصالة ورهف....
نوراي...ياساتر ....ام اصالة خو مابيها شي ....
ذو الفقار... لا...ما بيها تقريب خلصت السالفة... لا يظل بالج... احتمال جبير باجر ارجع.... سلمت عليج
نوراي... وعليكم السلامه يارب خير ...ام اصالة وردة مالت الله ....ان شاء الله باجر ترجع .... الاولاد مشتاقيلك سالوا عنك....
ذو الفقار...بس.... بس الاولاد....
نوراي.... راح تنام.....
ذو الفقار.... اذا سديته اي.... واذا لا اظل للصبح....
نوراي... هه....
مادري ليش ارتبك وانحرج احجي وياه...ما اتجرأ ابدي محادثة...
ذو الفقار...راح تظلين ساكته هوايه....
نوراي...شحجي....
ذو الفقار.... من شنو خايفة....
سؤاله بالصميم ...من شنو خايفة ... سكتت ...
نوراي... اخسر كلبي.... اتندم...... احزن بعد....هواي اشياء....والاكثر شي اخاف اخذل روحي واخذلك....
ذو الفقار ...شلون....
نوراي...مادري احس بروحي ما ثابته على قرار يومية شكل...
ذو الفقار...والمشاعر....
سكتت..... عاد السؤال....وسكتت بالاخيرسالته ...
نوراي....دوري اسال .. ... انته ليش ما زوجت ورا زوجتك الله يرحمها....
ذو الفقار... ما حسيت بالسنين وهيه تمشي ... وهاي انه مزوج....
نوراي...جبر ...ومو برضاتك....
ذو الفقار... يمكن بالبداية ...بس هسة اختلف الوضع...
نوراي... يعني صار برضاتك....
ذو الفقار... ياريت...هم مجبور....
غندبت شنو يقصد ....سكتت ما حجيت....
ذو الفقار....هسة الي جابرني كلبي......عاميني... ويكلي لو هاي لو ظل للابد ....
ضحكت.... وفرحت .... وهو يحجي اي والله ....
ذو الفقار....نور.... مافكرتي....
نوىاي...والله عقلي راح يوكف ....
ذو الفقار...ليش معقده الامور....
نوراي... مامعقدة بس ...ذو الفقار ...
ذو الفقار...كوليها بعد....
نوراي....شنو هيه....
ذو الفقار...اسمي....
نوراي...ههههه فقوري....ههههه...لو فقير مثل ام كمال....
ذو الفقار ....هههههههههه اي والله فقير.....
سكتنه وراها انسحبت وسدينه التلفون.... بقيت الليل كله ابتسم...واضحك... وفرحانه.... مشاعري وياه تختلف عن عادل.... ابد ...هنا عاصفة احس بيها تعصف بكلبي...من اسمع صوته... وصار يومين ما شايفته احس عمري ناقص....
احبه....من كل كلبي وعقلي وروحي... كمت للكنتور فتحته وطلعت الثوب الي جابته ام علي وردي طويل حطيته على طولي واتمايلت يم المراية.... باوعت لروحي وحجيت ...اي اريد اصير زوجتك ... اي احبك....
ابتسمت وحظنت بدلتي ونمت يم علوش ...الي ترك غرفة خوانه واستمر ينام يمي
حلمت بيه وبحظنه ودكات كلبه ...حرارة انفاسه .... نظرته ...ابتسامته....
كعدت الصبح اشع فرح...حماس... حضرت الريوك للاولاد... وجنطهم... وعلوش عمه ياخذ يسجله حضانه .... بعد يومين
نظفت البيت وطبخت وكل شوية اباوع للفون هسة يجي ....هسة يخابر.... ماكو... راح تصير الصلاة والاولاد بدوا يجون ....
اخابر لو لا.... اخابر.... دكيت مرة مرتين ...ماجاوب انه كطعته.... انتظرت ...ماكو ....
اجوا الاولاد غسلوا بدلوا ...تغدوا و طلعوا كتبهم يجلدونهن... كعدت ساعدتهم....
خلصت رحت لغرفتي....خابرت ...ماكو....
شنو صار ...ما يحدث بالليل يمحيه ضوء النهار.... لو مشغول... فونه مو يمه.....
العصر خلص.... المغرب اجه.... وهو ماكو.... وهجمت التساؤلات والمخاوف على راسي ....
ارتبكت وحيل خفت.... صار بيه شي... خسرته.... ياربي سترك....
الساعة ٨ بالليل عادل اجه يركض من بيت الحجية ...دخل ينهت ...ولك شبيك... عادل شصاير....
عادل...ابوي ببيت الحجية ...بس صايرة هوسة ...مادري شصاير....
ضجت اندقيت...يعني شدعوة عليه لو رفع الفون وطماني.... بس يالله المهم هو بخير....
باوعت لروحي بالمراية....هاي شنو ...وجهي اصفر وشعري متخربط...
ركضت لغرفتي... غسلت وشوية مكياج بسيط... ومشطت شعري... باوعت دشداشتي سودة وعريضة....
فتحت الكنتور باوعت....اغيرها لو لا....انزع الاسود لو لا....
صفنت...طولت بالصفنه...ما لحكت وسمعت الاولاد يسلمون عليه ....الابتسامة شكت وجهي... عيوني يلمعن... فتحت الباب واشوفه شايل علوش وعينه باتجاه بابي....
شافني ابتسم ابتسامته المذوباني...الي مدوخاني....
اريد احجي....عيوني سبقني... وكلبي...فضحني ...اعتقد كل الي بالبيت سمعوه يضرب بقوة....
مشى اتجاهي... عيونه ما نزلت ...ابد... الاولاد يمنه يباوعون احس بيهم بس ما اشوف احد بس هوه....
اتلعثمت...حمد سلامتك.... ماذكر شنو كلت بس ضحك الاولاد فززني....
ذو الفقار... الله يسلمج...
علوش مجلب بابوه... ويجرجر بيه.... وانه عيوني مجلبه بيه.... شال علوش... وباوعلي همس ...مشتاقلج....
يبووووي .... يمكن اختفيت من الخجل...
وسن...يبة تريد عشا....
ذو الفقار...لا بابا...اسبح واطلع....عندي شغل
طارت الابتسامة من وجهي... وغندبت ردت ابجي...
ذو الفقار عيونه عليه.... وسن بابا اخذي اخوج ...علوش انزل روح ويا وسن...بابا مستعجل...الولد يتانوني...
اخذته وسن وعادل وابراهيم طلعوا ....
تقرب مني ... ابتسمت ودنكت للارض شوية ورفعت راسي.... و حجي عيونه تحجي كلشي....
ذو الفقار... اشتاقيت لعيونج....
ضحكت واستحيت.... وراح تطلع....
ذو الفقار... متوازي وعلي...الا ودي ماعوفج.... ولا اعوف الاولاد... شغلي متعطل...
نوراي...الله يسهلك ....
ذو الفقار...الله ....بعد اندعي يحنن كلبها عليه....
نوراي.ههههه.... هههههه.... ان شاء الله....
اقترب اكثر... مبتسم... عضيت شفتي.... استحيت ومبين مطلبه....
لزم شفتي... لا تعضيها...ولج .... لا تعضيها... دنك راد يبوسني .... وعلوش طلع يصرخ من الغرفة....بابا ...بابا....
ابتعد عني وزفر.... فظيع علوش.....
ذو الفقار...ها بابا....
علوش...اشتريلي موطاااااا....
ذو الفقار...ان شاء الله .... اروح اسبح ....
سبح وطلع الريحة تعط... والدشداشة مفصلة تفصال... غمزلي بخفة وطلع لان تلفونه ما بطل رن....
دخلت لغرفتي اتبختر... والارض ما شايلتني... الف بخصل شعري واعض بشفتي... لو بس شوية علوش تاركنه....
شطفت وغيرت ملابس لبست كلبية لونها جوزي وبيها وردة صفرا زغيرة مكسمة علجسم... عدلت شعري وحطيت شوية حمرة ... وكعدت اتاني وابتسامتي فاضحتني....
الساعة ١٠ وهو ماكو ...الاولاد ناموا... طلعت للهول اتفرج اي شي...وسن اجت يمي....
وسن....الله ...واخيرا نزعتي الاسود....علخير...انتي وابوي تستاهلون...
كعدت شوية تحوس ... اباوعلها بس بالي طاير بالاحلام... فز علوش عطشان وخايف ...هي اخذته ...شربته ماي وخذته لغرفتها ...
نوراي...وين ماخذته ...
وسن ...خلي اليوم ينام يمي....
نوراي...لا حبيبتي رجعي للغرفة هسة اجي يمه....
وسن....علوش اتنام يمي ....
علوش نعسان وبالكوة فاتح عيونه...اي ...
ونام.... ضحكت بسته من راسه وكوشت شعره ...شعره سرح وثخين واسود.... يخبل....
وسن ضحكت... تصبحين عخير.....
نوراي...متاكدة ما ياذيج بالليل اخاف يبجي وانتي نايمة...
وسن...لا ...لا تحاتين....
نوراي...تصبحون علخير....
رجعت اباوع للتلفزيون بس ما مركز ويا جانت مسلسل مصري ...ماذكر شي منها....
اباوع الساعة ١١ خلصت مسلسل وبدت مسلسل وهوه ماكو....
بديت اغفي...من النعاس...وحسيت نفسه يمي...
فتحت عيوني... لكيته كاعد يم راسي ومبتسم....
عدلت كعدتي وابتسمت...
نوراي....بيش الساعة....اووف ب١ ...
ذو الفقار...اي... كعد علقنفة يمي.... بس يباوعلي وساكت.... انحرجت.... ادنك وارفع راسي ... وهو صافن عليه....
لزم وجهي بيده .... اسال لو لا.....
نوراي... شنو.....
ذو الفقار... اولا شكلج يجنن بالالوان .......
ابتسمت.... .. ثانيا... التفكير خلص لو بعده....
عضيت شفتي... لزم شفتي.... وللج لا تعضيها....
ضحكت ودنكت ...نوراي....راح اتوب....
ذو الفقار...ههههه .... اوووف ....مو تعمين على روحج اذا بستج هسة ما افك....
استحيت يبووووي.... خجلت...ماكو مكان البد بيه.... عضيت شفتي هية سولة.... وتصير تلقائيا....
ذو الفقار...ها....يعني اي....
ارتبكت...ردت اكوم.... لزمني وكعدني بصفه... وميل راسي لجتفه....
.....انتي بامان وياي.... سبق وكتلج....اذا ما توافقين ما ادنالج ابد.... وانه عند حجايتي....
رفعت راسي باوعت اله.... ورجعت حطيته على جتفه....... نباوع للتي في... وماادري شنو بيه.... ما مركزين وياه بس اللحظات رومانسية وحلوة صافية وبريئة
نوراي...اسالك....
ذو الفقار...اها....
نوراي...شنو صار اخر مرة وانه جنت نايمة بالهول....
ذو الفقار..ههههه اكيد ما تذكرين.....
نوراي....والله شبيك.... ما اذكر....
ذو الفقار عدلني ودارني اله.... ماتذكرين شلون حضنتيني.... لو شلون بستيني....لو شلون كلتيلي... ترديني.... وشبكتيني....
سديت حلكي... وبقيت اطي الوان عزة هاي انه شمسوية....
ضحك بصوت عالي... وباوعلي.... ضربته على جتفه وغندبت....يعني حضرتك تضحك عليه....
ذو الفقار.... لا والله هو بيومها انتي كلتيلي ...تردين تكملين وياي...وقابلة تصيرين زوجة الي ومشتاقتلي....
باوعتله هيج🤨🤨🤨🤨 احلف....
ذو الفقار....لا يعني... بيومها... كلتيلي لا تعوفني.... تغيرت ملامح وجه.... هسة الصدك يحجي....
انا احس بالامان يمك.... واريد اكمل وياك...بس خايفة....خايفة...اخسرك.....
دمعت عيوني....صح خايفة...الخوف الشي الاكبر الي مسيطر عليه.....
حضني قوي.... وانتي وياي ابد لا تخافين ....
بادلته الحضن.... وراها رجعنه لنفس كعدتنا انا بصفه وراسي على جتف....
فزينه على المنبه للصلاة.... اثنينه نايمين على القفنة....
صلى ... واجه يمي بالمطبخ اسويله شاي...
ذو الفقار... ب٦ اطلع ...طيارتي ب٨ الصبح....
نوراي...شنو...طيارتك... ليش مسافر....
ذو الفقار...والله على اعصابي... لوما رزق العالم وياي....
نوراي...وين...جكد تظل....
ذو الفقار...لتركيا ...ومادري...عندنه حاويات غركانات وبيها رزق العالم.... خطية....
ضجت...بس مثل ما كال رزق عالم....
شرب شايه... لا تضوجين.... ارجع ... ابتسمت...
حضر جنطته... وسبح... وراد يطلع لان تلفونه ما بطل رن...
وكف يمي بالباب حضني... وسلم مشى خطوتين... ما اطاني كلبي....
صحتله.... ذو الفقار... رجع بسرعة وعاف الجنطة بالارض...
نوراي....راح اشتاقلك.... ترجع بالسلامة .... رجع حضني ونفسه مرتبك...وانه حالتي اتعس....
ذو الفقار...كليلي ابقى.... ويباوعله بنظره جدية.... ابتسمت.... اي اريدك تبقى..لا تسافر .. بس ماكلت خاني لساني للمرة الالف.....
نوراي... والحاويات....
ذو الفقار... بردي كلبي.... ما جاوبتيني..... موافقة...تصيرين زوجتي...
نوراي.... اي....اي موافقة مليون مرة....
ضحك وشالني وحضني.... قوي قوي...حسيت ضلوعي طكت.....
نزلني... وانه ذايبة بيه.... لمس شفتي... وباوع بعيوني... ما حجيت وكترت الخجل على صفحة...هو زوجي...وحبيبي.... اشرتله بعيوني....
وتلامست شفايفنه.... بوسة حارة بحرارة انفاسنه واشتياقنه.... خلصنه نفسنه مكطوع.... دك فونه....
باوعلي.... وانفاسنه تسارع.... استجمعت نفسي...
نوراي....روح وترجعلي بالف سلامة انتظرك.... الله ومحمد وعلي وياك.....
باس راسي وراح..... يمشي بقيت لحد ما سد الباب الخارجي.... رجعت ذايبة... والوم بنفسي...لو كايلتله ابقى....
ما يفيد الندم....دخلت وكعدت الاولاد للمدرسة... واحلى شي اول ما شافوني...لابسة الوان حضنوني...
عادل.... راح تبقين يمنه للابد....
نوراي...ان شاء الله....
التطفر والتكمز.... ابراهيم وعادل .... ضحكت.... هاي عائلتي...واهلي.... وحبي الهم وحبهم الي اكبر من اي احلام ثانية.....
الفرح ترس كلبي وانفاسي ... حسيت انه عايشة... اشتغل واغني... علو ش اخذه عمه يسجله روضه....
وسن تشتغل وياي وتباوعلي وتبتسم....
وسن....تحبيه....
باوعت الها .... انتي ضايجة...
وسن....لا ...لا بالعكس...فرحانه... واتمنى اشوفكم فرحانين.... واتمنى هيج احب....
نوراي....حبيبتي...والله يجي الحب...
وسن جانت تكنس...كعدت بالكاع...وبجت... ما اتعقد بعد اكو احد يريدني....
نوراي...لا تكولين هيج انتي غلطتي ...وكلها تغلط...وهسة انتي كاعد تصححين غلطج صح....
وسن... اي والله تبت.... ولو بيدي اعيد الماضي كله... بس الكلب ماكاعد يعوفني...
كعدت يمها.... شلون يتواصل وياج ....
وسن...من اروح لبيت امي الحجية... وعمه جنان هناك تطي خبر.... واذا هنانه... يطفر السياج ويدك على شباك غرفتي... واطلع....
نوراي... زين الفيدوات والصور الي عنده... شنو....
صفنت بوجهي... كملت اكلها حتى اطمنها.... بلكي نعرف ناخذ منه الفون....
وسن... شلون....
نوراي...مادري...نفكر...نلكي حل....
وسن ... مادري... زبن خل نطي فلوس... وناخذهن منه...
نوراي...ايبه...انوب يزيد ما ينقص...كل يومين يريد فلوس.... خو ما طلب منج فلوس...
وسن...ها...لا...اي..مرة وحدة... واطيته كلادتي... امي الله يرحمه مشتريتها الي....
نوراي...وسن ليش هيج.... ليش...
وسن...شسوي...شسوي... اخاف يفضحنه....
الكلمة غثتني ... صدك عائلة كاملة تنفضح.... صفنت.... فكرت...جبتها منا ...جبتها مناك....
نوراي....ناخذ فونه.....
وسن...شلون....
نورا١ي...يمتى يجي...
وسن....مادام ابوي مسافر اليوم يبين...
نوراي... خوش... من يجي يمج اخذيج دقايق وطلبي تلفونه ... وانه ادخل عود واكبسكم... ونتعارك وانتي اخذي الفون ودخلي....
وسن...مايطيني فونه....
نوراي....مادري....دبريها...حتى لو تبوكينه...
وسن...احاول...
نوراي...من تحصليه... ضحكي عالي على اي شي يكوله...خوش....
وسن...انه خايفة...
نوراي...وانه اكثر...الله ينتقم منه ومن كل واحد يلعب باعراض العالم....
خلصنه شغل... واجوا الاولاد... وانه ملتهية مادري بالفون... خلصت اريد اصلي واذكر... شفته متصل مرتين...انقهرت... بالاخير راسلي رسالة هو واصل ...
جاوبته حمد لله على سلامتك والفون ماجان يمي....
ما خابر ولا راسل...
لليل ماكو ... ووسن هم ماكو خبر من الكلب حسن...
سالتها كالت ماكو....
خلصوا الاولاد دراسة وكتابة... وناموا تعبانين من المدرسة لعب وركض وحارة .... علوش هم مطفي كلش حاب الروضة....
بقيت انه ووسن ...باوعنه مسلسل هي متابعته.... وسالتها كالت ماكو....
ضجت فوني بيدي كل شوية اباوع...ماكو... ضجت كلت الها اروح برا للسدرة....
علاقتي خاصة بهاي السدرة ...همومي يمها فرحي يمها... مشتركة بيني وبين ذو الفقار....
وصلت هناك وكعدت.... سمعت صوت وراي....
باوعت واشوفه حسن .... امداها من شوفه....
نوراي.... انته شعندك هنانه....
حسن.... اريدج....عاجبتني....
نوراي...انته جكد ما تستحي... ولي .... ردت ارجع وكف بوجهي....
حسن... تعاي للدرب...اونسج...و... قاطعته.... انجب واستحي وميل من وجهي لا افضحك واشهرك...وانته بكاعنه.... انته ما تستحي...بس يكون بعلمك انه غير...انه ما اخاف... وولي من دربي حقير....
ضحك... وهز بيده ...مشى وشمر حجاية... خلي قوتج تفيدج من افضحج...اليوم بالليل اخابرج....
وعلى الله ما تجاوبين....
رجعت ركض للبيت مخطوف كلبي شسوي لهذا الكلب.... لو ما وسن جان كلت لابوها وطيح حظه....
شفتها وسولفت الها....
لطمت وجهها وبقت تصيح انفضحنه....ياربي شسويت ...الله ينتقم من عمة جنان....
نوراي...جنان شعليه بتصرفاتج...
وسن...مو....مو ..... دك فوني ...كمزنه انه واياها باوعت ذو الفقار... رجعت ابتسامتي ترخصت منها وللغرفة....
نوراي....الو....
ذو الفقار... شلونج....
نوراي... الحمد لله ...انته شلونك....
ذو الفقار... والله شكلج ...مريض...
نوراي....اسم الله....شبيك....
ذو الفقار...صخونة من الصبح لهسة....
نوراي....اسم الله اخاف جه سبحت وطلعت استبردت...الجو بده يبرد الصبح....
ذو الفقار...لا والله ...مرضي...منج... شسويتي بيه....
ضحكت....وانه مصدكة.... سلامتك....
ذو الفقار ...اريد علاج.... وعلاجي يمج....
نوراي...ارجع وانه ..... خجلت وبلعت الحجي... ضحكت وسكتت
ذو الفقار.... اويللللي يابة..... غيري الموضوع....
نوراي... شنو اخبار الحاويات....
ذو الفقار...والله لايصة...لا تشغلين بالج.... الاولاد شلونهم......
نوراي... خطية نايمين من ٩ بس تعشوا.... الله يوفقهم... وعلوش اليوم لاعب لعب ... كلش حب الروضة....
ذو الفقار...الحمد لله....انتي شلونج....
نوراي....زينة.... سكتت احجي واسولفله على هذا الحقير...لو لا....
سكت هو هم.... شوية وصار اصوات يمه.... استاذن وسده... رجع دك التلفون باوعت رقم غريب....
عرفت هذا الحقير ما جاوبت ... طلعت اشوف وسن... كاعدة على التي في...
نوراي...هذا الكلب يخابر....
وسن... حقير...شلون....
نوراي....شنو شلون...حظرته... الحقير....
وسن... الله ينتقم منه ومني صوجي...شنو ذنبج...
نوراي...افففففف....شنسوي...
كعدنه شوية...وهم رجع دك رقم غريب...يمكن ٥ ارقام حضرتهن.... كضيت الليل كله قلق بقلق....
طلع الصبح بمرارة ما نمت وظايجة وعيوني حمر مشيت الاولاد للمدارس... وعلوش للروضة... ورجعت نمت....
كعدتني وسن....
وسن....كومي نور ...كومي...حسن جاي....
نوراي...استغفر الله...وين جانت مضمومه هاي البلوة..
وسن مقهورة وحالها من حالي ما نايمة....
كمنا انتاني الحقير يمتى يلفي...
واجه وراحت وياه للترك... اتانيها تضحك ...ماكو ...شوية وتضحك ...ماكو.... شصار اخاف ادخل ويشك....
ماكو شوية فتحت الباب واجت وجهها اصفر...
نوراي...ولج شبيج.... شصار....
وسن كاعدة ما تحجي.... هزيتها.... وهاي مثل المصعوقة....
عافتني وراحت لغرفتها...دخلت وقفلت الباب... انرعبت خفت شصاير.... ادك الباب...بالاخير... دفرت الباب مرة مرتين انفتح واشوفها تريد تنتحر.... يمه.... نزلتها دفعتني وضربتها راجدي .... ظلت تبجي بصريخ وبحظني...
متت قهر عليها مسدت على راسها.... وهداتها....تعبانه وما نايمة وبجت ولطمت.... نامت.... بقيت يمها خفت اعوفها....
خابرت ام علي ... واجتلي خطية بسرعة.... حجيت وياها وشافت حالتها.... كالتلي هيه تصرف... وراحت....
عدا اليوم قلق وحزن... من اجه علوش ضحكت ...معلمته مراسلتني علوش يكره الاحذية... ما يحب الجواريب.... من يوصل للروضة ينزع الحذاء ويمشي حافي المعلمة عجزت تقنعه يلبسه.... ضحكت من كل كلبي .... اساله يكلي اجليه يصيرن حالات .... رجليه يصيرن حارات....
ههههه
ذو الفقار...خابر...بس نفس الشي سؤال وسولفتله على علوش ضحك... سكتت حاول يحجي اغلب الوقت ما اجاوب... اسكت... بالي يم وسن... شسوي...
ثاني يوم نفس الشي بس نايمة.... وما تاكل... ام علي كاعدة يمها وهم محتارة شسوي....
رادت تحجي ويا زوجها بس رفضت اخاف تصير مشاكل والبنية تنفضح....
حجيت ويا وسن.... توسلت...ماكو قافلة... لو تبجي...لو نايمة....
ام علي... ابو علي يتصرف وياه.... هالكلب...
نوراي...مادري...شلون...اخاف تنفضح... البنية...وتشوه سمعتها...
ام علي...اي انه هم مترددة... احجي وياه انه....
نوراي... شتكليله....
ام علي...اطيح حظه...الكلب....
نوراي.... شكلج...هو مسيطر...الله يعلم شنو عنده ضدها.....
لليل .... خابر ذو الفقار.... وبلغني راح يطول بتركيا الامور تعبانه....
ضجت وانقهرت ردت ابجي...انه بحاجته هسة...ووسن همين...... كاعد يحجي وياي .ويخفف عني واسمع صوت ضحك ابنية...ضحك سخيف...
وانه عصبت ....لهذا مكيف علتركيا...وكل شهر هو هناك...
ذو الفقار... شوية واخابرج....
اي طبعا.... ردت اسد الفون بس شفته ما ساد الخط...يمكن ما انتبه.....
واسمع يصيح على صاحبه....
لك انته ما تجوز....شنو هالعبان نفس...هاي القذارة شسوي بغرفتي...اخذها واطلع ....ميت الف مرة حذرتك عزيز اخذ البنية ووروح من غرفتي... اطلع....
شالقصة...ذو الفقار...هسة وين نروح...
اجر غرفة غير هاي واياني واياك تجيبها هنانه...ولي...ولي...طاح حظك....
اطمانيت.... برد كلبي ...لو اخاف يقشمر عليه... بس انتبهت... صدك انسد الباب... وصارت هدوء وصوت ذو الفقار يستغفر... ويتعوذ... سديت الفون.... وفرحت...حبيبي شريف...وطاهر...ونظيف...الله يحفظه اليه.....
رجعت خابرت بس رن جاوب....
نوراي... مو جني توي سمعت صوت بنية يمك....
ذو الفقار... استغفر الله.... اي هاي ضيفة جايه ويا عزيز شريكي...وراحوا.....
نوراي....ها.....
ذو الفقار...شنو ها.....
نوراي...مادري انه اسال....
ذو الفقار...لا اطمأني...ماعندي هيج سوالف...بعيدة عليه... الي عنده الشمس شسوي بالنجوم....
نوراي... دير بالك لا تحترك....
ذو الفقار...هههه تغارين ...
نوراي...اي...اقصد لا كرامتي.... تذبحني ماكدر اقبل ....
ذو الفقار ....اطمأني... لا اخلاقي...ولا مباديء تسمح الي.... لا قبل ولا هسة ولا بعدين...
نوراي... يارب.....
ذو الفقار... نوراي...
نوراي...اممم...
ذو الفقار... ليش وافقتي تصيرين زوجتي...
صدمني بسؤاله.... استحي اجاوبه... اصلا اتلوه من احجي وياه...ويتخربط الحجي ويطلع عكس ما اريد اكوله....
نوراي...لان....لان.... انته امان اليه...وجودك...اماني...
ذو الفقار... بس....
نوراي...لا تضغط عليه...انه ماعرف اصفط الحجي...ارجوك...خليها للايام تبين وتصير تلقائية....
ذو الفقار... صح....افضل...غلبتيني بهاي... شنو تردين اشتريلج من تركيا....
نوراي...سلامتك...ارجع سالم الي تكفي....
ذو الفقار... يلوموني ليش سنسنيورم....
نوراي...شنو هاية غلطة...
ذو الفقار...ههههههههههه ...صارلي ساعتين احفظ بيها ....
سكتت..... رغم انه فهمتها يقصد احبج...بس غلست....
نوراي.... يمتى حبيتني....
اتنهد.... بيوم الي احتركت شقتج....
اتعجبت.... ليش شمعنه.... حب معطب هذا...هههخ ضحكت بعدين حسيت بروحي سفيهه والرجل صادق... سكتت....
ذو الفقار... بيومها خفت اخسرج... افقدج.... رغم ما جانت مشاعر واضحة.... بس اكو شي صار بكلبي ذاك اليوم.... ومن سمعتج تدكين على الباب مال الكاونتر... وفتحته الج وشلتج.... باوعت اليه وكلتي ...انته اماني... دريت راح تنقذني....
صفنت اول مرة اسمع هيج ....
نوراي...انته مو كلت جنت اصيح عادل....
ذو الفقار...لا ما صحتي.... جنتي تدكين الباب .... وعرفتيني من فتحت الباب....
نوراي... ليش ما صارحتني بوقتها...
ذو الفقار...لان حاربت روحي ومشاعري... انتي امانة.... ومن رجعنه للبصرة وصرتي مرتي...يومية اشوفج... يومية تحلمين كابوس وانه يمج... جنتي تحظنيني... وتكولين انته اماني.... كبر حبج يوم ورا يوم....لحد ما استسلمت لمشاعري...
نوراي....متندم.....
ذو الفقار....ابد....ابد...انتي نعمه من الله اليه سبحانه راد يثبتلي الحب موجود.....
جكد حبوب وصادق...وحساس...رغم الي يشوفه يكول انسان جامد .... يحجي وانه فررحانه والوم نفسي جكد ضيعت وكت احارب مشاعري....
ضحكت سالني ليش تضحكين
نوراي.... غير انه طلعت مصجمتك.... هههه واتحرش بيك.... بس والله مو بوعيي....
ضحك... وضحك....وببالاخير كال.... احلى حرشة.... خاصة يوم تباوعيلي وانه اسبح....
يبوووي استحيت.... ضحكت.... ذو الفقار....
.....عيونه....كلبه.....
.....لا استحي والله....
....وانه انسمط ابو ابوي.... روحي لا تتنعوصين....
تصبحين على خير....
ضحكت .... وانته من اهله ...لا طول هوايه عفية....
ذو الفقار... اندعي تخلص وارجع.... سنسنيورم....
.........
يتبع.......