أريد حريتي

أريد حريتي ب٢١

البارت الواحد والعشرون....

واكفة اغسل الملابس وادردم ... عود ليش ما يفتح الباب شنو بيها الغرفة....
.... ما بيها شي وداعتج....
كمزت يمه ....هو يمتى يجي ....
ذو الفقار... شبيج....
نوراي... عود انته ليش ما ينسمعلك صوت من تجي...
ذو الفقار... هه.... اويلي بعد كدامنه طريق طويييل... اذا ما تحسين بيه من اجي....
نوراي.... وشلون اعرف اذا انته لا حس ولا صوت....
باوعلي وضاج... حط سلة الملابس وطلع .... شلت هدومه افتشهن واعزل الابيض عن الالوان.... وشميت ريحتهن.... الريحة.... صدك عطره مميز... شلون ما انتبهت من زمان... اذكرت من اجي قريب عليه راسا يعرفني... من عطري... ضحكت... لهذا قصد طريق طويل.... عطره شي من الخيال... شميت ملابسه... ترست رياتي بريحته....
بعدين انتبهت انه شكاعد اسوي.... كملت فرز وشغلت الغسالة ورحت للمطبخ واسمع تبسبس بالترك... مشيت وطبعا عرفت منو هناك....
دخلت عليهم وهالمرة لزمته....
نوراي...انته واحد ادب سز وطايح حظ... لك هاي دمك ...لك ابوها ابن عمك.... احترمه شوية... اذا تحبها دك الباب ...ومحد يردك.... ليش هيج تسوي....
وسن....انت.... ما خليتها تكمل.... جريتها من ايديها ودخلتها وبصوت قوي....
انتي ولا حجاية حسابج وياي بعدين.... والتفت عليه... اما انته قسما بذات الله اذا شفتك هنانه الا والله احركك لو افضحك وانت بكيفك.... ويالله ولي....
حسن ....يمة خوفتيني...هم تعصبين انتي... اوووي فدواي.... هز بيده ويضحك وراح....
نوراي... شوف الادبسز.... ولج انتي ليمتى تظلين غبية.... هذا ما يحترمج....
وسن.... انتي شعليج....شعلييييج....
نواري... لا تعلين حسج لا اكسر راسج....
وسن... مالج شغل بيه....
نوراي... الي شغل وغصبا عليج....
وسن... وليش عود....
نوراي....لان احبج...لان انتي صديقتي...اختي....بنتي... وسن انه احبج...وتهمني مصلحتج... والي انتي تكولين عليه يحبج طمعان بيج وبجسمج... يكضي وقت ويروح... ما تكليلي شنو مانعه يتقدم الج... وسن... حبيبتي... صدكيني الي يحب يصبر... ولعلمج ...حتى انتي ما تحبينه هاي شهوة وغريزة مراهقة ... وتخلص..
ما حجت شي عافتني ومشت....
نوراي... وسن.... راح احميج...لان انتي مهمة عندي... وانه احبج....
ما جاوبت راحت لغرفتها وسدت الباب....
استغفر الله هذا شسويله بالله ما كافي اخوه الي حطم حسنه... انوب وسن....
اختنكت ...ضجت... رحت للبستان يم السدرة الي صارت مكاني المفضل....
كعدت صافنه علمي شلون حلو صدك الجو حاررر.... بس المكان مريح نفسيا... سمعت صوت كلت هو... التفت والابتسامة شاكه وجهي...
واشوف الكلب حسن...
نوراي... شعندك هنانه...
حسن... اكلج ياحلوة شنو رايج اعوف وسن بس بشرط...
نوراي...لا والله فوكاها تشرط جنابك...
حسن.ههههه انتي...
نوراي... شنو ....
حسن... خطية كسرتي خاطري... صارلج جكد ما ذايكه...ال....الحب... وتحسدين وسن عليه...تدرين شلون اريح....
يحجي بنبرة مزعجة وحركات منفرة.... عصبني... وصار دخان يطلع من راسي... رفعت ايدي اهدده... اشو هذا تقرب مني ردت اطيح....
حسن... ايدج ...تعاي خل اسولفلج شسوي بيج اذا كضيتج.... ال....
وما خليته يكمل شلت ايدي اضربه راجدي بس لزم ايدي ولواها....
حسن... ايدج لا اكسرها...ولو راح اكسر هواي اشياء بيج... وتجيلي تزحفين صدكيني.... باي حب...
نرفزني...وعصبني... واحس روحي شاغت....
كعدت مرعوبة وارجف... ورجعت سمعت صوت كمت متنرفزة كلت الا افلش وجه... التفت وشفت ذذو الفقار... وانه عيوني صارت بهامتي... وبقيت ارجف... كلت شافنه وافتهم غلط....
ذو الفقار... كلت اسوي صوت حتى لا تجفلين ...اشو هم خفتي...
اتنفست... يعني ما شاف الكلب...
نوراي... اي....
ذو الفقار... شبيج....مو على بعضج...
نوراي...ماكو...اريد اروح....
عفته ومشيت...شحجي...شكول....
وصلت للبيت خلصت شغلي بدون صوت اليوم كله ...جكد سوا علاوي وكاحة وكل شوية اخوانه يشتكون بس ما حجيت ...ابراهيم وعادل يسالوني بيج شي ... صاريلج شي ما جاوبت...
انه شعليه بوسن...شعليه بيهم.... ياحب ...يا عيب... اشرد منانه بروحي العزيزية.... حسن وعوف وامثالهم ما ينقرضون....
كاعدة بغرفتي... ودخلت وسن.....
وسن.... شراد منج حسن....
نوراي....سأليه ...ليش جاي تساليني....
وسن... ادري شيريد منج...
نوراي...ها.... وهسة شتردين....
وسن...راح تسوين الي يريده...
طفرت من مكاني... ولزمتها قوي من زنودها...
لج...اني مو رخيصة... ولا اخلاقي تسمحلي ارخص نفسي... بعدين انتي ناسية ..اني مرت لابوج....
وسن... بس انتي وابوي ما بيناتكم علاقة وكلها تعرف...
نوراي...اذا تدرين هذا الشي ليش محاربتني... وسن...ليش...جكد حاولت اتقرب منج ...جكد ...
وسن...انتي ما تعرفين شي ...انه... حسن ...
بقت تبجي... عفتها مادري ليش ما رق كلبي الها...
كملت وعيونها تدمع...
....حسن عنده صور وفيدوات....
نوراي ...صخام الصخمج.... يا معزاية...
وسن... انه...
نوراي...انتي غبية...انانية...حمارة...جكد قباحة الفيديوات....
وسن....هواي....
نوراي...استغفر الله.... هو هذا النذل منين يدخل للبيت...
وسن...من ظهر البستان اكو فتحة بظهر خن الدجاج... يدخل منها....
نوراي...ها.... زين الفيديوات والصور بتلفونه...
وسن....اي...يمكن...مادري....
نوراي... طلعي خليني افكر....
وسن...مو....مو....
نوراي....مو شنو....
وسن.... عنده..... ما كملت ودخل علوش...
علوش... وسن بابا يصيحج...
مسحت عيونها وخشمها وطلعت وخلتني بحيرتي.... يمتى ينقرضون هذول النماذج ويعرفون البنات مو لعبة والله يمهل وما يهمل....
اكل باظافري واروح وارجع...بالغرفة. واسمع ضحك... وهوسة ....شصاير منو يمنه....
طلعت واشوف ذو الفقار يلعب طاولي ودومنه ويا الاولاد... مشهد يخبل... وكفت مبتسمة وفرحانه... باوعلي بنظرة خطف... وغمزلي بخفة ... ورجع منسجم وياهم... صفنت عليه... انه احبهم...هو ..ابراهيم...عادل ...علوش...وسن...
لازم انقذ وسن... شسوي... شنو الحل... شلون اكدر اوصل لتلفونه....
.......
ثاني يوم من الصبح خذيت العدة ورحت للسياج واشوفه كله مفتوح بس ما يبين ... حطيت المسامير ودكيته كله....
وطلعت الولد يجيكون السياج كله بحجة الدجاج كاعد يختفي....
خلصت شغل وردت ارجع واشوف ذو الفقار... يحش خضرة..جان زارع انواع الخضر ورا البيت رحت يمه حبيت اساعد ....
مشيت علكيفي... ظهره عليه...بس وصلت ...
ذو الفقار...هلا بنور...
نوراي....هههه علفكرة اسمي نوراي....
ذو الفقار...نور واحد يكفي ...
نوراي....اساعدك....
ذو الفقار...اي... ياريت...
بديت اكطع الخضرة بس هو لزم ايدي ....مو هيج ...تموت هيج
علمني شلون اكطع الخضروات بدون ما تضرر لزم ايدي وعلمني شلون ويا كل لزمة ايد يصير بيناتنا شرارة ...
خلصنه وكالي تعاي وياي...
مشيت وياه وداني للبيت الزجاجي... فتحه وانه فتحت عيوني...
ذو الفقار...صل على محمد ...عيونج عيون بزون بسرعة يحسدن...
نوراي...اني...اصلا ولا احسد... اللهم صل على محمد واله....
دخلنه والمكان ما شاء الله محمل خضار باذنجان علخيار وطمامة.... يجنننننن.
اخذنه الي نريده وطلعنه... قبل لا نطلع شفت ورد ... ردت اقطف وحدة بس بزتني شوكة فرفرتني...
حط السلال بالارض ولزم كف ايدي وباس مكان البزة...
رجفت ورجف كل جزء من جسمي...
ذو الفقار...هسة صارت زينه... الورد الحلو مليان شوك...
نوراي... ذو الفقار...
ذو الفقار... نعم...
باوعتله... بعيونه... اريد اكضي عمري وياك.... بس ما كلت هيج للاسف... ماعرف شلون انعكست الكلمات ...ماعرف شنو الي خلاني اكول غيرهن
نوراي... اريد اسافر.... احتاج اسافر...لازم اسافر...ماكدر...
تغيرت ملامح وجهه وعقد حواجبه...والحزن بان على عيونه... بس رغم كلشي ابتسم وهز براسه...
ذو الفقار...خير ان شاء الله....
وطلع يمشي سريع...رحت وراه ردت اصحح الجملة بس ما ضبطت وياي....
سبقني .... وسبقتني كلماتي ...
......
الوقت وكف احسه ما يمشي ... لان ما اشوفه..اسبوع ...ما شفته... بس اولاده يشوفوه ببيت الحجية ...حتى مبيت ما يبات بالبيت... مخنوكة...ماكو هوا...
......
اسبوع ما تحملت...يومية اسهر ..بلكي يرجع واشوفه... وماكو...
.....
شلون اذا سافرت وبعد ما اشوفه... اسبوع... اتاكدت مليون بالمية انه احبه.... وحبي اله واصل للوله... اعشكه... بقيت احلم بيه...صوته...حضنه... عيونه...
......
كاعدة انتظره بالهول...عسى ولعل يجي... وغفيت علقنفة...
فزيت الصبح مرعوبة...انه بفراشي... شلون اجيت هنانه...جنت احلم... لو هو اجه...
..... صبرت روحي كوة ... وبقيت اردد انا اريد اسافر...اريد حريتي... اريد حريتي....
وسن تغيرت وياي ... تشتغل وتسولف... ومن تشوفني صافنة تسالني شبيج...
اهز راسي واسكت....
بيوم واكفين انا اطبخ وهيه تثرم سلطة....
وسن...تحبيه....
سؤالها صدمني....
نوراي...شنو...
وسن...تحبين ابوي....
تنهدت وهديت الملعقة من ايدي.... وسكتت بس عيوني... نطقن ...حجن... اي احبه...اي اعشكه....بس للاسف...ماكدر اكمل....
وسن...خل نروح العصر لبيت بيبي الحجية يومية هو يجي يكعد يمها ....
نوراي... روحوا انتم ....حبيبتي... مالي خلك...
وسن...نور....
نوراي...نعم....
وسن....اريد اكلج شي ...بس مو تزعلين....
نوراي...شنو....
وسن...انه...جنت اكرهج هواية وحسبالي تردين تاخذين ابوي منه.... بس انتي هواي غيرتيه وصار احسن ويانه....
ابتسمت ودخلت ام علي... سلمت وكعدت... تهفي من الحر....
ام علي ...وسن كلاص ماي عمة بارد....
نوراي... الله يساعدج...
ام علي... العصر تعالوا بيت الحجية عازمين بيت عمي كاظم وجايين هواي شيوخ واقارب للمضيف....
نوراي...بيها مجال اعتذر....
ام علي... شكول ...مريضة....
نوراي...ام علي مالي خلك... كلش ... وما اتحمل حجاية وبصراحة اكيد جنان راح تجي...
ام علي...اصلا هي بيت امي الحجية... من الصبح...
نوراي... كليلهم مريضة....عفية....
ام علي... نور شبيج...مو على بعضج....
نوراي... مشتاقة لاختي.... هواية...
ام علي... سودة عليه ...كلي لذو الفقار يسفرج شوية هم تغيير جو وهم تشوفيها....
نوراي...هي بالمانيا وماكدر ادخل هناك....
ام علي... مادري شكلج... زين وامورج شلونها ويا ذو الفقار....
نوراي... ام علي... حبايب...ما كل شوية نعيد...انه ما انفع مرة اله...ولا بيوم راح اصير زوجة اله... ماكدر...ما اتحمل...
شفته بوجهي... اسبوع كامل ما شايفته...اسبوع يومية اكول لنفسي انا قوية اكدر ويجي اخر الليل مخدتي تنكع دمع..... اسبوع يومية احلف بس اشوفه اشمر روحي بحظنه واكله انه الك.... تالي احجي هيج....
واكف يباوعلي وعيونه مليانه استغراب....