أريد حريتي

أريد حريتي ب١٠

البارت العاشر

نوراي....شلون
ام علي... اي والله وعلي .... الشقة والعمارة كلها لذو الفقار... وعادل بس شريك بالمطعم اذا الله ما يجذبني...
نوراي....شلون....
ام علي....جا انتي ما تدرين....
نوراي.... انه كلشي ما ادري ...جنت مخدوعة ...اكتشفت انه ماعرف عادل...
ام علي... سودة عليه خية ...

شسويت ياربي والله عيب ...والاتعس احجي بكل صلافة ويا الرجال.... شسويت ...زين هسة شسوي ...كل امالي اتحطمت....خابرت ايدين وابراهيم اريد اعرف شنو الاخبار
ايدين... نوراي حياتي شلونج
نوراي.... زينة انتي شخبارج وجههج منور.... شنو اكو....
ايدين ... نوراي... انه حامل....
ودمعت عيونها.... فرحتلها من كل كلبي.... وانقهرت علروحي يعني مية بالمية مايكدرون يجون بعد لان ايدين حملها اذية ....
باركت الها وسولفنه شوية وسديته....
اظلمت بعيني .... من القهر اخذت كود حبوب اجيب وابلع ونمت ... لليل فزيت عطشانة كلش ...خطية علاوي مادري ماكل لا ...جاي نايم يمي وانة ما احس...
ماي الغرفة مخلص... طلعت للمطبخ ...
شربت مادري جكد ماي واخذت بطلين للغرفة اريد اطلع واشوف ذو الفقار كبالي....
ذو الفقار... خير خوية بيج شي....
نوراي... لا ...بس عطشانة...
ذو الفقار....تمام...
راد يطلع مشيت سريع وراه هاي فرصتي الوحيدة احجي وياه....هو وكف فجأة وانه امشي سرعة ردت ادعم بيه ... صرت كلش قريبة عليه... وجهي تقريب بوجهه ...
نوراي... اسفة....اريد احجي وياك...
ذو الفقار ارتبك وحمحم وتراجع ....
دمعت عيوني وانه اصلا حيلي خاوي بديت ابجي واناشغ واتوسل بيه يرجعني لبغداد ماذكر شنو كلت ...شنو حجيت ... ... بس اذكر خوفي منه وارتباكي شخصية مخيفة وحادة وجدية ....
سمعت كال الله كريم ومشى... بسرعة....اختفى وانه رجعت للغرفة اكمل بجي ... صليت وتوسلت لله يرحمني...

ثالث يوم اجتلي ام علي....
ام علي... شنو خية ضجتي منه وتردين ترحين....جا مافكرتي بيه تعودت عليج ...مافكرتي بعليش وين يطي وجهه....
نوراي...شنو ليش وين انه رحت مو يمكم.....
ام علي... ذو الفقار جهزلج شقة ببغداد حتى ترحين هناك ....
فرحت.... وكفت لحيلي
نوراي...صدك ...حلفي... ارجع لبيتي ....
ام علي...لا مو الشقة القديمة... شقة جديدة ....
نوراي...ليش...
ام علي...اااخ ياكلبي شكثر يحمل هموم....مادري خية هذا الي كاله اابو ابراهيم

اسبوع وانه بطريقي لبغداد صافنة من الجامة ووجه علوش ما فاركني شلون يبجي ويلطم ويسحل بروحه احس دمع حار ينزل علخدودي ويجويني ....
وصلنه لعمارة متكونه من ٣ طوابق واشوف مرة بالباب واكفة اعرفها ...هاي ام اصاله ...نزلت وتلكتني سلام حار وبوس وبجي ...
ام اصالة.... ياماما يا حبيبتي ....
نوراي....شفتي شنو صارلي
ام اصالة ... اي ...اي.... الحمد لله والشكر على كل حال يابنتي .... تعالي تعالي ...تفضلي

دخلت وصعدنا الدرج ...انا شقتي فوك شقة بسيطة مكونة من غرفتين وهول وملحقات ... مفروشة جديد ونظيفة ....
ام اصالة وكفت ويا ذو الفقار الي صعد جنطتي وحافظات الاكل الي دزتهم ام علي خطية يكول مادري وين رايححة .... ذو الفقار يحجي ويا ام اصالة وهي تجاوب بصار وبلي ونعم وعد عيناك وتدلل ...
الرجل ما قصر بحقي ابدا بس يارب ثقيل ... مادخل للشقة ولا حتى سلم عليه ... احسن .
ام اصالة شرحتلي الوضع والشروط
ماكو طلعة وروحات اريد شي هي تجيبه .... يعني سجن ... ضجت وعصبت بس ما اهتميت لان مو ملزمة اسمع حجيه ....
نزلت ام اصالة وعافتني لوحدي ...باوعت للشقة خذيت فرة .... هنا راح تبدي حياتي الجديدة ... لازم اتعود على نفسي واعيش ...
لليل وانه اتغيرت افكاري وظليت ارعد من الخوف وارجف واتخيل اشياء والباب ينفتح ويدخلون الي كتلوا عادل ... تملكني الهلع وانكطع نفسي اريد اخابر اتصل بام اصاله ماكو بقيت اصرخ ... وما شوف الا الباب انكسر ودخل ذو الفقار ... ووراه ام اصالة
ذو الفقار يهدأ بيه وجابلي ماي وام اصله اجت يمي ... وهو يروح ويرجع ويمسح براسه ويتخصر ويضرب بالحايط ....
ورا ما هدأت ...
ذو الفقار... هذا الي عرفته.... انتي كفو تعيشين لوحدج.... هسة شلون ...اريد اوصل لحل ابري ذمتي ....