أريد حريتي

أريد حريتي ب٢٤

البارت الرابع والعشرون

سد الباب وحصرني علحايط وعيونه حمر من العصبية....
فاتحة عيوني لاخرهن واحس راح انصهر من الخوف....
ذو الفقار...ليش تتدخلين.... شي ما يخصج ...ليش تتدخلين
نوراي... لعد شتريد يهينها وتسكت ...يأذيها وتسكت...ليش...شنو ما تكدر تعيش... ليش عندكم المرة رخيصة...
ذو الفقار...لا تحجين حجي اكبر من راسج ... انتي ما تعرفين تفاصيل...
نوراي... شعرف...ها...فهمني.... انته شايف حسنة شصاير بيها.... تذكرها قبل ... ها ... شايفها شلون صايرة جثة وتمشي ... ليش... لان ما وراها ظهر... لو....
ما كملت وسد حلكي بيده بقوة... وخنزر عليه....
ذو الفقار ...لا تحجين حجي تتندمين عليه... نور... انتي ما تعرفين شي ...سكتي ولا تتدخلين....
باوعتله وزفرت وهو ساد حلكي.... اشو هذا تغيرت نظرة عيونه ... وايده مشاها على خدي... دافية وشوية بيها خشونه... لزم خصل شعر ورجعها ورا اذني وضبط حجابي... ابتسم بعينه... وباوعلي... انفاسه تغغيرت... بصوت ناصي....
ذو الفقار...وعديني ...ما تتدخلين...لا توزيها....
جنت ذايبة بلمسته...بصوته...بقربه....بس ما اعرف ليش من احجي احجي وياه بنتر....
نوراي... وليش اوعدك.... ماكدر....
لمس شفتي باصبعه.... وانه نسيت وين جنت وبقيت اتمتم....
ذو الفقار...اعتذر لان مديت ايدي عليج....
رفعت تك حاجب...🤨 الغلطلن يكول اسف ....
ذو الفقار... وعديني ....
واتقرب اكثر واكثر... وقرب راسه من ركبتي وطخ خده بخدي....
بين جمال اللحظات وتمنيتها تستمر وبين عنادي وقساوة روحي.... دفعت بقوة... وهو مثل الحلمان وفز ....
ذو الفقار... الي كلته ما اعيده.... لا يصيرلي تصرف ثاني...
نوراي... شسوي يعني تضربني بعد....
ذو الفقار ...لا تستفزيني .... ولا تتدخلين.... وطلع ...
تنفست الصعداء... ونزلت على ركبي.... ليش ابعده....
بس هو هذا الصح ...بعد ما اتبع كلبي.... كافي اذاني مرة .... وحطمني... وهاي انه ارملة وطفلي راح ...
طلعت وحسنة ....كاعدة بالمطبخ...
نوراي... ششربين....
حسنة كامت وشبكتني.... ما بيج شي...
نوراي...لا ليش... شالقصة...
حسنة...خفت عليج والله.... اشرب خروع...
نوراي....يا ليش....
حسنة ...بلكي اجيب....
نوراي...اسم الله عليج سابع يالخبلة....
حسنة...اي...ما ريد شي يربطني بهذا... اذا رجعتله يمكن اكتله هالمرة...
نوراي...لا ترجعين... والله لا تستسلمين....
ولا كأنما توه استاذ زمجرة ناطيني محاضرة طويلة وعريضة....
للاسف... بيومها طلبوا من حسنة تحجي ويا محمود لوحدهم ... ورا ما رجعت... قررت ترجع....حسنة ليش ما تحجي... ولج ليش...ما تحجي... ليش خايفة...ماكو جواب... شنو كالج ما تحجي.... لبست عبايتها وراحت....
رجعنا بالليل للبيت وسن نظفت الغرفة وانه الممر والهول من الهوسة...
وعقلي يودي ويجيب... كاعدة بالمطبخ اشرب مي وصافنه... حسنة وراها سالفة... شنو هيه الله اعلم والله يستر...
رجعت افكر بمخططي شلون اطلع منانه....
شميت ريحته...عرفت جاي...
فتح الثلاجة واخذ بطل مي....
كعد كبالي.... وتالي يا بت الناس....
نوراي.... شنو....
ذو الفقار... انه مو ظالم ... ولا اريد ااذي خواتي... بس مرات تصرفات بسيطة تضيع حقج.... اليوم طلعها غلطانه ومقصرة بحقه ...امه وابوه واخوه شهدوا ضدها...
نوراي... وانته تصدك حجيهم وتجذب عيونك... انته ما شفتها...شصاير بيها....
ذو الفقار... خل تصبر ...مو كل مشكلة بين كل اثنين مزوجين...يصير طلاك ...ما تنحل الامور بهالطريقة....
واحنه عشاير والنه تقاليد واصول ...والناس تعيب بينه....
نوراي... اكو اكبر من الناس يباوع الكم ....
ذو الفقار.... ما نوصل لحل ...صح....
درت وجهي ...وسكتتت... ناس...عشاير..
.ومخافة الله وين ... والحق والعدل...
انتظرته يكوم ماكو.... كمت انه... بس هو سبقني ولزم ذراعي... لحظات...
ذو الفقار...ليش ما اخذتي اللحاف.....
نوراي... ماريد ...ومن اريد انه اشتري...
ذو الفقار... اعتبري عربون صلح...
نوراي... الناس تتأسف بالبداية...
هد ذراعي... وهز راسه...
مشى للباب والتفت عليه.... باجر هم ترحون لبيت الحجية ... الولد راح يكملون صبغ....
وطلع....
رجعت كعدت.... وصفنت.... شلون اطلع منانه...الوقت مناسب اخابر ابراهيم ...
رحت لغرفتي وسديت الباب وخابرته... جاوب بس صوته تعبان ... شبيك... كال ماكو ما نايم لان ايدين مريضة والاطفال شالعين كلبه...
استحيت اساله اي شي ... سلمت عليه ونهيت المحادثة...
مانمت بقيت احوس... رحت للمطبخ شربت ماي...باوعت كلها نايمة...
تمشيت للغرفةباوعت لون السيراميك حلو... اسودبيه لمعة فضيه....
اتجيت علباب وتنهدت... ارضخ لامر الواقع... واتقبل هاي العيشة... صحيح غيري يتمناها وامل اكبر مثال... بس اكو شي بداخلي يرفض ...
والي يكول بطرانه...وما عارفه قيمة النعمه....بيت وزوج ومصرف .....
بس اكو هواي اشياء بالحياة....اريد اجربها....اريد اسوق سيارة....اريد اطلع متنزه العب رياضة... اريد اسافر بالبحر... اريد اركب خيل....
يمكن بطر....ويمكن لا هي هاي الحياة... ماريد بيت ولا مسئولية.... ماريد انحبس بين ٤ حياطين...واتاني سي السيد يجي تالي الليل امرخله رجليه....
او يمكن بعدني ما حبيت صدوك....
رجعت لغرفتي ونمت اتاني اكعد ليوم جديد ونفس الروتين.....
ثاني يوم نفس الروتين وزاده ووجود الحية جنان... وكل شوية تغثني... بس انه ساكته ومطنشة... بالي بعيد افكر احجي ويا ذو الفقار بجدية واطلع منهم ...
واكفة اطبخ التمن... واجت جنان بصفي...
جنان... شخبار الحب....
ما جاوبتها لان ما اعتقدت متوجه الي الحجي...
رجعت سألتني مرة ثانية...ونفس الشي باوعت الها باستغراب...
كملت تحجي... حسبالج ما نعرف ليش رافضة اخوي خطية ... كلها تعرف بيج تحبين... اصلا مفضوحة... صفنه... وتايه.... ولعلمج اعرفه منو....
درت عليها واحس عروك وجهي راح يطلعن ....
نوراي....شوفي لج.... انتي هجامة بيوت...بس ادعي من الله الي تسوي بالعالم يصير بيج... وبالنسبة لحجيج هسة...راح افوته بمزاجي... لان مال خلك اتوسخ... ميلي من وجهي...
دفعتها وطلعت للحديقة اشم هوا نظيف ما بيه سم....
رجعت كملت طبخي وهيه رايحة تغث غيري... اعوذ بالله منها...
انسانه حاقدة وحقيرة لابعد حد....
خلصت طبخ ودخل ذو الفقار... جنت حيل مغثوثة...
ذو الفقار...خلص الاكل....
نوراي...اي...خلص...
ذو الفقار... ليش ما صبيتي ....هم يالله....
نوراي...والله البنغالية مالتكم تعبت ... وتريد اجازة....
وهذا الاكل جاهز صبوا واخذوه....
فتحت باب الحديقة وطلعت... تمشيت من ورا البيت ورحت للسدرة... بقيت ابجي....
اريد ارجع لاهلي...لحياتي... ماكدر اكمل.... اباوع للمي... يتحرك ببطء... والجو حلو .... تجيت راسي علشجرة وسكتت.... وكفت عقلي لا يفكر لا اسودن...
بقيت كاعدة هواي.... هواي... مادري ساعة مادري ساعتين.... وبالاخير رجعت...
لاكتني وسن وكالت مخلصين شغل نكدر نروح للبيت....
بيت....يا بيت....هذا مو بيتي.... رجعت وكلبي مهموم...مقهورة... خابرت ايدين عسى ولعل ... خطية بعدها مريضة...
خابرت ام اصالة ...مسافرة لابنها لاربيل....
باوعت تلفوني... بيه بس كم شخص... واغلبهم ضمن دائرة ذو الفقار....
سارحة بفكري.... واسمع دك علباب....
نوراي...منو....
ذو الفقار... تعاي للمطبخ...اريد احجي وياج...
نوراي...وانه ماريد...اريد انام...بلكي ما اكعد....
اشو هذا فتح الباب ودخل....
نوراي...انته.....
ذو الفقار قاطعني... بس... لا تحجين.... كتلج تعاي ماقبلتي...
نوراي...اختصر ....شنو قائمة الاعمال ....المطلوبة....
ذو الفقار... ترا انه ما جابرج تشتغلين جان كلتي من البداية... وانه اخلي غيرج يطبخ....
نوراي...هو بس الطبخ.... انتم ما فاهمين ....
ذو الفقار... فهمينا ست نور....
نوراي...ماكو داعي... مابقى شي وتخلص اوراقي واسافر... انتم تخلصون من حملي وانه اخلص من الحبسة...
ذو الفقار.... يا اوراق.... انتي شتحجين....
نوراي...ليش شنو نسيت انه وضعي مؤقت... وباجر لو عكبى اسافر....ولعلمك خابرت ابراهيم وما بقى شي ....
ذو الفقار مستغرب... اشو ما كالي....
نوراي...وليش يكلك... كافي ارجوك اريد انام...
ذو الفقار...نور... انتي الي ترديه شنو....
سكتت .... اجه كعد يمي على الجرباية.... وباوعلي ... ارتبكت....
ذو الفقار...باوعي بعيوني...وكليلي ...شنو تردين...واوعدج يجرالج....
باوعتله.... تخربطت اموري... دمعت عيوني... بين اريده...وماريد اعيش هيج عيشة....
حطيت ايدي علوجهي وبجيت... وخر ايديه ورفع راسي ...
ذو الفقار...فكري...وانه حاضر بالي تامرين بيه... بس كون عن قناعة.... وقرار نهائي....
وكف.... وراد يطلع....
نوراي...ذو الفقار...
على وكفته ووجه للباب... نعم...
نوراي....شكرا....ادري متعبتك....
ذو الفقار...العفو....
شنو اريد ...شنو اريد.... اريده.... اي انه احبه... بس ماريد تسلطه...ماريد اعيش هنانه...ماريد احد ينافسني عليه....
تفكير وتفكير ....راسي صدع اخذت حبوب ونمت....كعدت عيوني مورمة... ونفس الروتين نروح لبيت الحجية.... ونرجع ننظف ورا شغلهم....
اسبوع نفس الروتين... قليل اشوفه ... ومن اشوفه يصفن عليه وبعينه رجاء...
ام علي يومية تحجي براسي ...ووسن... الي وضعها رجع ينتكس وتخنس... وتختفي... ايدين الي طلبت منها تشوف شنو صار.... والي فهمته.... اوراقي بعد يرادلهن وقت ...وقت طويل....
المغرب واكفة احجي وياها بالمطبخ...واسمع صوت... عرفت ...وسن وحسن... مارحت...ولا حجيت... ولا سويت شي....
كملت التلفون... سديته ...كعدت علطاولة اشرب...مي....
دخلت وسن ...فزت من شافتني....
وسن.... من يمتى انتي هنانه...
نوراي....من زمان وسن...من زمان...
باوعتلها باشمئزاز ووكفت ومشيت... جرتني من ايدي...
وسن.... عفية...فهميني...والله غصبا عليه... عنده فيديوات وتسجيلات...الي.ووال....
نوراي...ولمنو.... كملي...
وسن... نور... يفضحني ويذبحوني... والله فهمي...
نوراي... وسن....بس...عفية انه ما طايقه روحي... شماسوين سوي....
وسن...ساعديني... حبوبة....
نوراي....شسويلج يعني...ها .... كليلي.... علا حسي وضربت بقوة علطاولة....
دخل ذو الققار .... شبيكم....
باوعتله بخزر... وعصبية.... انته السبب.... انته....الي يصير بالبيت كله من ورا عصبيتك...وعجرفتك...ياما حجيت اولادك مسئوليتك.... خلي ست امل تفيدك بلكي تربيهم....
وعفتهم وطلعت... سمعته يتصايح وياها وهيه تبجي انقهرت عليها...بس لازم يصير حد للموضوع...
كمل الغرفة...وفرشوها.... حتى ما انتظر يسمع رايي..يعني هيج لو هيج يزوج امل...عليمن انه افكر... ومتعبه نفسي...اشتغل لروحي... خابرت ابراهيم وتوسلت بيه وعدني يفكر بموضوع تركيا ويردلي خبر....
.....
امل ما اجت بعد.... ولا جنان وصلت للبيت بس ببيت الحجية نشوفها....
....
كتلني الفضول اشوف الغرفة.... دخلت الها العصر... لان محد موجود بالبيت بس وسن وظليت ما احجي وياها... ابد... كأنما ما موجودة.... وهي بالمقابل ٢٤ ساعة بغرفتها.... الغرفة تجنن الوانها مثل الي بخيالي...
وكفت مدهوشة.... ودمعت عيوني.... ليش...حتى افكاري يتمتع بيها غيري... هاي ست امولة راح تسكن بيها... ما لايكة الها...بجيت ...انقهرت...ردت اخربها.... ...دخلت خطوتين... وعرفت هو وراي... وكفت ساكتة دخل وسد الباب ودارني اله....
مسح دموعي... وصافن عليه....
ذو الفقار... ليش...ليش....
نوراي... ليش انته...هاي افكاري... غرفتي...
لزم وجهي بايده اثنينهن......
ذو الفقار....اي ...الج.... النه....
استغربت.... شيقصد وامل....
نوراي...وامل....
ذو الفقار... انتي بس كولي اي....
لزم شفتي باصبعه.... وحاوطني بيده....... عيوني ما ترضى تتحرك ثابته علشفته....
بس عقلي يشتغل... يعني شنو اي وحدة ترفض يقبل الثانية....
سحبت نفسي...
ذو الفقار....نور.... ليش....
نوراي....مادري... ما احس ملائمين لبعضنه.... انه اريد غير شي....
ماكدر امشي ورا كلبي....ماكدر.... عفته وطلعت....
وكفت ورا الباب وسديته واني ابجي.... ماريد احبك... ماريد اتأذى....
يمكن خوفي ردة فعل للي مريت بيه....مادري...يمكن الله يريد مصلحتي...
مشيت للمطبخ... واشوف وسن...تدور على علوش...
وسن...ما شفتي علوش...
نوراي...راح ويا اخوانج لبيت الحجية يلعب ويا ايوب ( ابن عم علوش)
وسن...ماكو اجوا الولد يدورون عليه....
نوراي....عزة بعيني ...وين راح...
دورنه البيت وذو الفقار طلع يدور بالحديقة... كلبنه البستان البيوت...علوش ماككو.... يمه روحي راحت مني... كعدت ادك والطم... ابني...ابني هذه .... صوجي انه ما اخليه يروح لاي مكان واذا راح اطيهم وكت محدد يرجعوه....
جكد انانية .... التهيت بنفسي ونسيت هذا الطفل امانة عندي...
بجيت ولطمت.... وصرخت... وطلعت حافية ادور...عليه... ذو الفقار يرجعني وارجع اطلع....
لليل وعلوش ماكو....
كالوا يمكن رايح للسدة وغركان وانه فقدت....
ماكدر اتحمل افقد عزيز بعد...
.......
يتبع......