أريد حريتي

أريد حريتي ٨

أريد حريتي..

البارت الثامن....

عجيب... ليش الناس تحب تألف قصص... والادهى مو اي قصص...قصص تمس شرف واعراض العالم ...وتسولف بيها بكل صلافة ولا كأنما كاعد تغتاب وتنم ...وتنهش بلحم ميت.... غثني الحجي واستفزني... فطلعت مختنكة بس العبرة هضمتني....الحجي قاسي ....انه خاسره زوجي...وطفلي... وبمكان غريب. ... واسمع هيج حجي يمس عرضي وسمعتي شلون اكدر افوتها.... لو اسكت ....

.نوراي... العفو انتم عن منو تحجون..... اذا عليه .... فانه محد لامسني غير زوجي.... ولا احد اعتدي عليه او اغتصبني....او اي شي .... ليش تألفون ...هذا عرض....

يمكن اسلوبي جان خشن وبصوت عالي شوية ومنفعل ...بس اظن هذا من ابسط حقوقي... وما تفرضه الطبيعة علبشر المعصب ....

العجوز...يمه ....شلون السان.... صلافة بنات بغداد ... حبيبة مو يمج الحجي... روحي روحي جملي اجلج ولبسي بنطلونج ...الميت الج فرخ بط مو زلمة معدل.... روحي ياخايبة....

نوراي....ما اسمحلج.... نعم انتي مرة جبيرة .... بس ما اسمحلج تجاوزين عليه....

وحجاية مني وحجاية منها علا الصوت واجت ام علي والحجية ام ذو الفقار دخلوا واعتذروا مني ومن المراة الجبيرة.... وام علي دخلتني للغرفة ...

ام علي.... خية صدك جذب ....نور شبيج ...
نوراي.... اجاوزت وحجت علشرفي وعرضي ...ما سمعتي شنو تكول..... والله غثتني...
ام علي... ارتاحي ...لا يصير بيج شي .... هي هاي الوادم ماعندها غير العرض تلوج بيه....

شالت صينية الاكل وطلعت وانه اطحن بروحي ومغثوثة وضايجة ...وابجي بخنيك...ليش عادل تسوي هيج بيه....ليش.....
بجيت لمن خلص دمعي وغفيت .... اسمع صوت خرخشة وانه فزيت مفزوعة حسبالي فار .... اباوع الضوا خفيف....
واشوف علوش... واكف بالزاوية....
نوراي....علوش ....تعال حبيبي شبيك.....
علوش....وسن تكتل...ني
نوراي...ليش حبيبي.... شنو سويت...
علوش ...بولة....
نوراي تقربت اله واشوفه خطية بايل علروحه وهدومه كلهن رطبات .... ضحكت.... ولزمت ايده وكلتله
نوراي...عادي حبيبي بس بعد لا تسوي هيج انته كبير...
يالله تعال دليني وين غرفتك خل نبدل هدومك....
علوش...ما خلين وسن تبسطني....
نوراي....ههه لا حبيبي.... ما اخليها...
اخذته ومشينه الهول كله عالم نايمة تحتارين وين تمشين..... الظاهر فواتحهم تطول اكثر من اسبوع....
وصلنه للغرفة بيها بس كنتور وهم مليانه ناس نايمة .... تمشيت للكنتور وهو وياي دلاني ... بس فتحت باب الكنتور طاحن الملابس كلهن بوجهي.... اخذت الي اجه بيدي واخذته ورحنا للحمام غسلت اله وبدلت ملابس.... وبوست خدوده التفاح بس مشكات ....
اجه وياي ونام يمي.... انه ما حسبت ولا فكرت غير هذا الطفل سكن كلبي....
للصبح واسمع هوسة وصريخ ....يا ساتر.... شصاير....
طلعت اريد اشوف واسمع ذو الفقار يأذن بالبيت صوته عالي وحاد ويرهب ....

ذو الفقار..... ولكم وين راح ....بيت متروس نسوان وبنات طفل ماتدرون بيه....
بيني وبين نفسي غميت روحي شلون مافكرت بهاي السالفة ....انه محد يعرفني واكيد محد راح يفطن يمي
لزم البنية الي ضربت علوش البارحة وشالها من ملابسها يكول ريشة