أريد حريتي

أريد حريتي ب ٩

البارت التاسع....

مادري جكد مر وكت...مادري شنو صار.... فزيت على ايد صغيرة تمسد شعري.... فتحت عيوني علاوي كاعد يمي ....
علاوي...انتي ذينة...
نوراي...اي حبيبي.... لا تخاف
علاوي....انه جوعان...
نوراي...حبيبي.... هسة اسويلك اكل ....الحمد لله معناها صرت زين....يالله خل نكوم....
لبست جبتي وبوشايتي وطلعت وياه للمطبخ...واشوف حسنة واكفة بالمطبخ تبجي...
نوراي... صباح الخير...
حسنة.... خية يا صباح الساعة ب٢ الظهر....
نوراي .... ماعندي ساعة... وجان مغمى عليه...لوما علاوي كعدني...جوعان
حسنة...الله يساعدج ...الي مريته بيه مو شوية... تعال علوش انه اصبلك غدا...
علوش...لا...انتي عيعة...نورة تصبلي عمه....
حسنه...سليمة كرفتك...
نوراي...مساع سمعت صريخ...خير يارب...
حسنة...مو علساس مغمي عليج...
نوراي...هو من سمعت الصريخ اغمي عليه....
حسنه...اي...هاي ابن اخوي طاح وانكسرت ايده... وامه ظلت تصرخ...
نوراي...سلامته...يارب...الف سلامة...تعال علوش اصبلك عمعم....
حسنة ما طلعت من المطبخ...كاعدة...وتراقب ...استحيت اسال ليش تبجي ...صبيت اكل لعلاوي تمن ومركة فاصوليا ... ريحتها تجنن اشتهيتها بس استحيت اكل...

حسنة... اكلي خية...اكلي محد يفيدج...راح تنكطمين ...
نوراي...ما اشتهي...
حسنة... انت شمخلصه دراسة...
نوراي ...ثالث متوسط ....
حسنة....نعمه ...جا انه حتى سادس ابتدائي ماكملت...جنت اكره الدراسة...وهسة تندمت...
نوراي...اكو امتحان خارجي...قدمي عليه...انه هم تركت المدرسة ...بس رجعت امتحنت خارجي...
حسنة...خية ما يقبل خطيبي... وماباقي شي لزواجي بس تأجل من توفى عادل...الله يرحمه...
نوراي ...اسفة... ودمعت عيوني ...وبدون سيطرة بديت ابجي واكل ...شنو الربط مادري...عادل...وينك حبيبي.... مشاعر مختلطة...قاسية......
بقيت امسح بدموعي...خلص علاوي اكل غسلت اله وغسلت المواعين ورجعت للغرفة...
ام علاوي خطية اجت مشترية الي ملابس دشدايش وملابس داخليه وجواريب وحفايات...وحجابات
...بقت شوية وطلعت ساعة ورجعت الي بيدها تلفون....
ام علي...هاج خية هذا تليفون جديد وبيه خط وبيه واتساب وبيه رقم اختج ورجلها ...خابريهم ....تعال علوش...
من فرحتي...كمت شبكتها وبستها وبجيت ....انه ما جنت ابجي نهائيا من وفاة امي وابوي ...دمعتي عزيزة ...هسة صارت برخص التراب. ...

اخذت الفون وخابرت اول رنه واسمع ايدين تصيح
ايدين...نوراي....ماما حبيبتي .... وتبجي
وانه بدون حجي ...بس ابجي واناشغ...
ايدين ...ماما انتي زينة...ماماتي....نوراي ...بناتي سودة عليه حبيبتي... لا تخافين ماماتي احنه راح نرجع

نوراي... ايدين....انه تعبانة...ايدين راح عادل.... ابجي ضاع الحجي ...ماكدرت احجي....
ظلت تبجي وانه ابجي ...فترة ورجعت احجي وياها وهيه تصبرني وتهدأني...
ايدين... والله اسودنت من جنت اخابر وما احصلج ولا احصل عادل.... وحتى ابراهيم ...مابقى احد ما خابره...واصلا من غيرنه ارقامنه اغلب الارقام ضاعت...ومن ضمن الارقام الضايعة رقم ذو الفقار...
نوراي... وبعدين...شلون حصلتوني...
ايدين...ذو الفقار ربي يحفظه رايح لجامعة بغداد ولرئيس القسم صاحب ابراهيم ومن واحد لواحد محصل رقمه وخابرنه وبلغنه بالي صار... هاي البارحة واليوم الحمد لله انه احجي وياج... حبيبتي...لا تخافين احنه راح نرجع باقرب وقت ...
نوراي... وين ترجعون...حتى البيت بعتوه....شلون...
ايدين ....عمري لا تحاتين تنحل....
نوراي.... ايدين.... انه خسرت كولشي بابا ماما...ابني...زوجي...
ايدين...لا حبيبتي...انه وابراهيم وصطوفي موجودين....
حجيت وياها قرابة الساعتين.... بالاخير يالله سديته وانه ماريد اسده ولا افاركها ...
ام علي اجت وقت العشا تبلغني بالعشا مصبوب وبس بنات بالبيت ... ما اشتهي مو بكيفي...
ام علي... كومي... راح تنكطمين بالنص... يالله قوي روحج واكلي ...شتكول اختج من تجي موتينج من ااجوع....
نوراي... ايدين ابد ما تكول هيج.... لان تعرفني اكلي قليل ...ماحب الاكل...احب النمنات ....
ام علي....بسيطة ...بعدين اسوكلج من المحل انت وعلوش...
نوراي...مشكورة ماقصرتي...انه ماعرف شلون اشكركم ...وجكد اكول شكرا مو كفاية ....