أريد حريتي

أريد حريتي ب٥

أريد حريتي

البارت الخامس

مرت ايامنه حلوة هو من الشغل للبيت وونسة وضحك ... هادىء وما يقرضم اظافره ولا يعصب ويهز برجله مثل قبل .... بس انه بديت اضوج بالبيت كلش اختنك ... انا ما اطبخ واصلا مو هالكد حيالله اكلي بيضة اسلك بتيتة ....اكلي اشياء جاهزة ...
والشقة ما تتوسخ هواية يعني ماكو شي التهي بيه ...
ونساوتي صارت مو من اكل ولا شرب بالعكس كلشي اكل واموت علريحة الاكل يعني من نطلع نتمشى وانا بنهاية الشارع اشم الاكل ....هههههه.... صرت عتوي مطابخ .... بس اضوج من ريحة الدخان والتراب والمنظفات ...والتايد مالت الملابس من اشغل الغسالة اسد خشمي .... من ريحة البخور.... الجكاير ....اي شي بيه دخان لو ريحة معطرة اسودن منها .....

....كعدت الصبح طاكة روحي وين اروح باوعت الساعة ١١ الظهر ... كمت خذيت فرة منا منا ماكو شي ....
جعت ....وماكدر ادخل للمطبخ لان شغلت الغسالة .... دكيت على عادل يكطعه معناها مشغول .... ضجت ....
كمت بدلت ونزلت اتمشى للمطعم .... العمارة تصير ثالث شارع من المطعم ....
وصلت باوعت من الجام .... بيه زبائن ولجحت حبيبي واكف يم جماعة ويضحك وياهم بقيت واكفة وصافنة عليه اوووي فديته كون يطلع ابني يشبه .... بس نسيت الرومانسية من شميت ريحة الاكل ....اويلي تجنن ....ريحة كبة .....اشمشم وادردم ...اي كبة ...

فتحت باب المطعم ودخلت ....التفت عادل عليه ورجع لزبائنه ....شوية ورجع يباوعلي ومدهوش وانه واكفة مبتسمة يم الباب ....
خطوات وهو يمي مبتسم بالاحرة كاتم ضحكته ....
عادل .... البزونة جوعانه
نوراي....ههههه كول العتوي الي ببطني جابني جفي ...خابرتك ليش ماترد....
عادل .... عندي ضيوف من المحافظات ....تعال وياي ....
كعدني علطاولة وجهي للحايط وراح ...دقيقة واجه الويتر ...
الويتر ....تفضلي ست ....شنو تطلبين عندنا.....
نوراي ....كبة .....ام....كبة وياها هواي سوب احمر وطرشي حار ....
عادل ....معدتج ناقصني مخابيل ....روح حمادة جيب طلب ام جعفر ....
نوراي ....ام جعفر منو
عادل.... انتي ......هههههه شلونج اليوم
نوراي ....ضايجة ...ماله من البيت ...
عادل .... كومي خل نروح للمطبخ ...زحمه كاعد وياج حسبالهم صاحبتي ....
نوراي ..... ليش مسويها كبل 🤨🤨🤨🤨
عادل.... لا ما شوفين مستغربين كاعد وياج
نوراي😏😏😏😏 حسبالي ....كلهم مرتي ....
عادل.... كومي حياتي ...كومي لا ابتلي بيج

دخلنه للمطبخ وانه يكول داخله للجنه ريحة الاكل تجنننننن حرفيا .... كباب ....مشاوي .... مرك .... وريحة الكبة .....اشرد عالم ثاني .... خبال هذا مو حمل ههههههه
عرفني وكعدت علطاولة ....اجت يمي وحدة مدحدحة وكصيرة شكلها ينكرط ...بيضا وحمرة وتطلع بعمر ال٤٠ ....لابسة جبة وحجاب جبير لافته عيونها زغار عسلي فاتح والخدود حمر ....

عادل.... ام اصالة .... الي تجهز المطعم بالكبة ... زوجتي نوراي....
ام اصالة .... شقد اسمك حلو ...حبيبتي تشرفت بيكي
نوراي.... الي الشرف ...
راحت .... وعادل دنك عليه اكلي هنا والحساب علمطعم.... ويرفع بحواجبه .... ويكمل يكول ...عود من نروح للبيت اطالبج بحقوقي وتحججي .... يشاورني وانا شاركة من الضحك وعيوني تدمع ...من اضحك من كلبي عيوني تدمع ....
راح عادل والمطبخ كله حياة ....واحد يجيب الطلبات وواحد يجهز .... والمواعين تنغسل بسرعة مو طبيعية وصوت الماي ....والشوي ...والتواصل ...انا مستمتعة بطعم الكبة الي يجننن ....خيال .... واباوع متونسة يكول كاعدة بالسينما ....
مندمجة اكل واباوع وعيوني منا ومنا واسمع ....
ام اصالة.... ان شاء الله عجبتكي الكبة ....
نوىاي. يسلم الايادي.....تجننننن حرفيا.....
ام اصالة ....هني ومري علقلبك ....
نوراي..... صارلج كم سنة تسوين كبة
ام اصالة.....اوووه من زمان .... من كنت صغيرة ويا الستا ...بيبتي الله يرحمها ....
نوراي ....صارلج جكد ببغداد
ام اصالة ....من تزوجت قبل ٢٥ عام ....