أريد حريتي

أريد حريتي ب٤

أريدحريتي

البارت الرابع

اجت ايدين لوحده محملة علاليك وبوكسات اكل جايبة اشكال ....
دخلت وياي للغرفة ...
ايدين ... حبيبتي الف مبروك صرتي زوجة
نوراي.... ما صار الي ببالج .
ايدين .... شنو 😧😧😧
نوراي ....اي والله خفت ...
ايدين ....يا الي يسمع ضحكج وياه يكول .... عود صدك ....🤔
نوراي..... والله شبيج لا تخجليني ....
ايدين ....احس استعجلتي بالزواج ...انتي ما مستعدة ...
نوراي ....لا...مو هيج بس بعدني ما ماخذه عليه ويعني صعبة من اول يوم انزع هدومي .....
ايدين....خخخخخهههههههخخخخخخخ
نوراي .... اويي استحي ...ليش ما جبتي صطوفي
ايدين ....اشردي من الموضوع .... بقيته يم ابراهيم ...حياتي خل نطلع زحمه ...طولت انا اروح وانت حضري الاكل والف عافية ...
نوراي ....بعده وكت ...
ايدين ....حياتي زحمه الولد ضال وحده وتوكم عرسان...اروح وياريت اسمع اخبار حلوة منج...
بوستني وطلعت ...
دخلت للمطبخ حضرت الاكل ورتبت الطاولة ...وطلعت اشوف عادل ...لكيته سابح وكاشخ ومتعطر وريحة تجنن ... بقيت واكفة ووجهي فاهي انا بالبجامة وشعري مكفش ووجهي بس غاسلته ...والاحلى واكفة صافنة عليه وبوجهي ضحكة الهبلة ....
تقرب مني وكرص خدي وتقرب عليه وعيونه بعيوني ... جوعان.... تمشه للطاولة وانا باقية بمكاني مثل العوبة
عادل... ما تجين
نوراي....اي جاية بس اصب الجاي....
ياكل بهدوء ونزاكة ويا كل لكمة يبتسم الي وانا صافنة عليه ....🤪🤪 هبلة مو بيدي
... كفيت الطاولة وهو وياي يساعدني وصبله جاي وراح للهول شغل التي في ..... وكعد يباوع ...انا ركض للغرفة بدلت ومكيجت وتعطرت ..واجيت يمه ...
سوالفه تجنن وحلاوته اكثر ...من اباوعله احس اباوع ممثل جكد ما انيق ووسيم .... كلش معجبة بيه واحبه بس اكو خوف بداخلي ماعرف ليش ....
عدا يوم ويومين واحنه هيج وضعنه اكل وتلفزيون ونوم ماعرف ليش اخاف واشرد من تصير صدك .... خامس يوم هو نزل للشغل وايدين اجت يمي وهم محاضرة طويلة عريضة وبالاخير كالتلي عبارة استفزتني
ايدين... نوراي اخااف الولد يظن بيج مو بنية لو بيج شي شالقصة يا ماما ........ وبقت تحجي وتحجي وتحجي وانه بس اهز براسي بالاخير اجه عادل جايب غدا من المطعم والريحة اشرد سلم وخلا العلاليك علكونتر ....ايدين تسولف وياه وانه انبش بالعالاليك وجان اصيدها جايب من نوع الحلويات الي احبه برمة شامية وانه شايله العلبة واطفر واركص وايدين تأشر اليه وهو خربان ضحك .... فد استحيت
...والله شصاربيه .... بس اكلت الحلو قبل الغدا هم ☺☺☺

عدت الايام مسالمة هو الصبح بالمطعم يرجع ب٢ الظهر ويرجع يطلع ب ٤ونص يرجع مكانه القنفة نباوع فلم نسولف ننعس ونام ابد ما لح عليه او تطاول اكثر ...وانه هم بديت احس اكو شي بس استحي احجي ....
بعد يومين وتسافر ايدين لذلك رحت يمهم صفينه الاغراض والجنط وشبعت صطوفي بوس مال سنتين مقدما ....
احس صرت يتيمة من سافروا .... بجت بواجي عادل بيومها ما راح للشغل كابلني وكعد احتار شسوي حتى يرفه عني بس انه قافلة متت من البجي وغفيت بحضنه .... فزيت عطشانة بالليل ... بس هو حاضني قوي ماكدر اتحرك واخاف اتحرك ويفز بقيت بمكاني صافنه عليه .... وجه جميل وانفاسه حارة ... بدون احساس مني بديت ابوسه وهو بسرعة البرق استجاب يامعود ...درب ....صبر.... عطشانة ..... ماكو ما صدك اطيه ضوا اخضر ....ههههخخ.
باليلتها عشت احلى احاسيس ...واحلى احضان .... وصبحت زوجته ...
كعدنا متأخر طبعا بعد فعاليات الليل وانه هبلة اوزع ابتسامات وهو لا ما قصر يوزع بوسات ....يومين هو ماراح للشغل ...يكلي اعوض نقص الحنان الي عيشتيني اياه ....هههه
حنون وطيب ومدللني ...ايام تعدي بيناتنا واحنه صدك طيور حب
يطلع الصبح ... انا انظف الشقة واتريك واسبح ...واعتني بنفسي .... لان ما اطبخ هو يجيب الغدا من المطعم .... ومن يجي نتغدى ...و.....و.....ويسبح ويكشخ ويغني ويطلع وانه ارجع اسبح واكلب بالتلفون .... اراسله .... اخابر ايدين اشوفهم كاميرا ..اسولف ويا صطوفي بينما هي تخلص شغلها .....