البارت السادس عشر....
...يمة...اسم الله انته منين تطلع....
ذو الفقار....هه شنو جني....
نوراي...رحمه الله
ذو الفقار ...شنو .....
نوراي....لا ...هيج ....
ذو الفقار...اي ليش ماعندج حظ....
نوراي... ههه ششوف انته...
ذو الفقار... يعتمد علنظرتج للمسألة.... شلون انتي تشوفيها... بس ااكدلج الحظ ماله شغل...مرات القدر والمقسوم وحكمة رب العالمين هي الي تمشي الامور... بس البشر شلون يباوع الها تفرق...
نوراي.... صح ...وجهة نظرر...
تمشيت شوية وكعدت يم السدرة قريب عليه.... من اصير يمه احس مغناطيس يجذبني....
باوعلي ابتسم...ورجع يباوع للمي.... انه هم ما حجيت شي...بس كعدت وسكتت....لحظات ما طولنه...ودك فونه...شاله جمانه...امها متخربطة...
ركض لبيت الحجية ... وانه رجعت يم علوش اخاف يفز...بس كلبي ما مرتاح حاسة اكو... شي غلط ...غريب بالموضوع....
...... الصبح بدلت لعلوش ... واخذت ملابسس ورحت لبيت الحجية...ما لكيت احد... سالت الحجية...
الحجية... جنان وجمانة راحن للسوك....
نوراي...ام جمانة شلون صارت...
الحجية.... شبيها جا هية جنه صل... راحت تزور بيت عابد اقاربنه عازميها علغدا....
نوراي...البارحة ...خابرت جمانة علساس امها مريضة...
الحجية.... ها اي شوية داخت... هاي سواليف جمانة... تحوص علذو الفقار.... من تصير هنانه ما تعوفه... يووو لو شايفة كبل شسوي....
نوراي... احس دخنت.... حجية ليش ما يزوجهها اذا هيج يحبها....
الحجية... هيه تحبه ولج...هيه ....وسوت العجايب وبعدها تسوي حتى تجيبه.... ووليدي...اخ حسرة كلبي عليه... لا تهنا بالاول ولا بالتالي ....
ضجت...شنو تقصد ....انه شنو ذنبي....
الحجية... وانتي يالفاهية ظلي لابسة اسود ودشداشتج اعرض من دشداشتي... ووجهج يابسة يكول نومية... واربعة وعشرين ساعة لاوية بوزج عليه... وخسريه...
نوراي...حجية ...انتي كلش زين تدرين وضعي هنانه
الحجية... ليش يالغبرة...وين تلكين زلمة معدل مثله...ها...وين تلكين...جمال مثل جماله... وهيبته...وطيبته... وكبر كلبه.... ابني نشمي...وهنياله الي تاخذه... بس شكول... ماعنده حظ... من اقبال ...الج...
نوراي....حجية...هسة انه شمسوية...ترا انه مو .... اذكرت...حجي ام علي... لا تكولين للحجية زواجكم بس ورق....
الحجية....يمة الرجال شما كبر...يريد دلع...ومرة تحبه...تحسسه هو الملك.... ياعع جا الحجي الله يرحمه لحد كبره..يدلع عليه...وما ينام الا وراسي بحضنه...وعلي... الف رحمه علروحه....
نوراي...هههه شلون رومانسي... حجية جنتي تحبيه...
الحجية... ي لا تهيجين مواجع كلبي... لفت شيلتها علوجهه وظلت تبجي.....
نوراي...حجية والله ماقصدي...
اندك الباب ودخل ذو الفقار....
ذو الفقار ...شبيج حجية....خيرج....
نوراي...والله مو قصدي...جنه نسولف وذكرت الحجي الله يرحمه...
وجان يطكها ضحكة... اول مرة اشوفه يضحك...حتى ضحكته رزنة ياربي غير البشر....
ذو الفقار... ها حجية...جنج تردين رجل...
الحجية...ياع ...ولك هو اكو رجال يساوي اظفر الحجي....
ذو الفقار... اي والله صادكة... يمة تشتاقيله....
الحجية اتنهدت.... اي يا يمة...جاشلون ...
ذو الفقار... وعود جايلج خطابة... وانه كلت نسيتي ...
الحجية...ياع...صخام...تالي عمري....
ذو الفقار...يلاشيها ويضحك وانه متونسة علضحكهم وحجيهم... لوما علوش اجه ويسحل بيه... مادري شيريد...
رحت للمطبخ وياه يريد ازبري مسوية زينب ومخليه بفريز الثلاجة...
نوراي...وين شفته...
علوش ....عمه ذنب...
نوراي...حبيبي...بعده ما جامد بس يجمد ناكل انه وياك...
فديت الخشم...ابوس بيه وادغدغه... وهو يضحك...
بالاخير شرد....
ودعم بذو الفقار... صفن عليه وشرد... علاقة ذو الفقاربعلوش شبه معدومة.... مرة سمعت حجي النسوان يكولن لان زوجته اقبال ماتت وهي تولده... فكره...كد ما جان يحب اقبال....
امسح بالكاونتر طايح عليه دبك....
ذو الفقار واكف بصفي يحمي الشاي... ما يوم طلب مني كله هو يصب لنفسه....انه جنت ضايجة...علمود البارحة اكيد جان يمها....
صبله كوب...وكعد ...يشرب ببطئ وهدوء... انه احوص بالمطبخ...احضر للغدا... باميا ولحم... اريد اكعد عالميز اكرطف الباميا... اشيله واريد اروح وارجع ... ما اريد اصير كباله....
بالاخير كلت عليمن... شنو هالتاخير... رحت حطيت الاغراض وكعدت اكرطف بيها....
ذو الفقار... الاربعاء اروح لبغداد... تردين ترحين تزورين ام اصالة....اكثر من مرة سألتني علييج.
نوراي.... صدك... عادي اروح الها....وعوف...
ذو الفقار... خير شنو مو بعينج...
نوراي...لا مو قصدي.... بس يعني...
ذو الفقار...عندج للاربعاء قرري واطيني خبر...
عصب شمر الكوب بالسنك وطلع وهاي ابد مو من عوايده...هسة انه شكلت...بعدين انه الي لازم اضوج....
شغل اليوم كله... لل٢ الظهر... انظف المطبخ... زينب طبخت وخبزت...وخطية عندها طفلين واحد يرضع والثاني توه يمشي وكل شوية تركض وراه تخاف عليه يوكع ينتل ....
اخر شي كنست ومسحت...واشوف جنان وجمانة دخلن محملات علاليك.... شمرنهن بالكاع... وكعدن....
جنان... يمة...هلكت...
جمانة... هلو..نور....
نوراي.... هلو.... بكلبي لا هلا ولا مرحبا لفن الحيايا....
جنان كامت تفتح بالجدورة الي بيهن حصتهم من الاكل...
جنان...منو طابخ...
نوراي...زينب....
جنان...اووف الحمد لله حتى اكل....
جمانة... اغسل واجيج....
جنان... حبوبة... جربي...هذا اموت واشوفه عليج شايله علاكة بيها ملابس ..وداعتج ينجلط اذا شافه علكيمر....
نوراي هذن يكلبن بالملابس وانه خلصت ردت اطلع
جمانة...حبيبة...نور...اذا ما تصير زحمة... حمي الاكل... بس اجرب هذا وهم تطيني رأيج... بالملابس...بعد انتي بت بغداد وذواقة....
نوراي... مو علوش...
جمانة... شالقصة شطالبه انه....
ضجت بس استحيت ارفض.... حميت المركة وثردو خبز رادن تشريب... كاعد احضر بالصينية... وهيه تلبس وتجي... وواحد احلى من الثاني...كلهن حلوات وهيه جسمها كلشي يصير عليه حلو....
جنان اطفر واتكمز وتبسمر بيه.... تلف خبز وخضرة وتاكل وتحجي....
جنان... ولج والله اذا شافج الي بالي يسودن...غير يتخبل...مصيبة...شنو هالجمال....انتي الله عليج جربي...هذا ....
جمانة... ياع ولج هذا ثوب نوم.... لا لا يدخل احد...
جنان... محد هنانه...مو نور...ماكو احد....
نوراي...لا ماكو ...هذا الغدا صار جاهز اروح انه... وبالعافية كلهن حلوات....
جنان...اي جا شلون غير عروسة.... يمة واخيرا راح تنجمعون....
جمانة.... بس هذاه اخر ثوب ... هزيت براسي واجتفت... واتجيت علكاونتر... جمانة راحت تبدل... وجنان....تاكل منا ومنا وتكتب بالفون...
ما شوف الا ذو الفقار دخل يكول صاروخ من باب المطبخ... باوعلي وباوع لجنان...
.... وين هية ...وشبيها....
جنان...جوا خوية روح شوفها ماعت روحهها عليك....
تقدمت خطوة ردت احجي امنعه.... بس كتمتها بصدري... وسكتت.... ليش اوكف بطريقهم الله يسعدهم... اختنكت...وكلبي انعصر.... دخل هوه بسرعة للهول....
وانة... بقيت واكفة بمكاني....
جنان.... يمة شوفي الحب... يموت عليها...غير الحظ..عود يردون يزوجون....وراها صارت سالفتج وخربت كلشي بس ملحوكة.... خو ما ضجتي...
..... اضوج ...لا شوية...كولي متي ...اندقيتي....
نوراي...لا عادي ...بقيت محبوسة...لا اكدر اروح للهول اخاف اشوف شي ما يسرني ...ولا اطلع من باب المطبخ... وين اروح...
هاي الحجي دقايق ... ورجع ذو الفقار... للمطبخ.... يباوعلي... تقرب مني.... ووجه احمر وحواجبه معقودة يخوف.... احس دخان من راسه يطلع....
ذو الفقار....خلصتي.... دخلت وراه جمانةلابسة..بدلة نوم ماروني...صدرها ورجليها...زنودها...كلها طالعة....
أنت تقرأ
أريد حريتي
Romanceقصة تتحدث عن امراة تطالب بحريتها من قيود زوجها وتنهي معاناتها معه ..... تابعوا احداث التحول في حياتها.....
