أريد حريتي

أريد حريتي ب ٢٣

ليش لا تصويت لا تعليق... ما استاهل علتعب... هذا بارت اضافي للكل من شجعني وصوت

البارت الثالث والعشرون

غثتني...
نوراي... حقيرة....
وسن...لا تضوجين ...
واكفة اغسل مواعين واسمع ضحكهم بالهول... وسن صبت شاي وودته....
انه بقيت انظف وارتب المواعين...خلصت ... وطلعت لغرفتي... اندك الباب ...
نوراي...منو....
امل...انه...دخلت وسدت الباب ... وكعدت علجرباية...
امل... شوفي يا بت الناس ادري بيج انتي ماعندج شي وياه واول وتالي رايحة لذلك لا تأذيني... لان ترا بين يوم ويوم اجي اشوفه واجيبله اكل... يريد يجرب اكلي ...
نوراي... اي...
امل... شوفي انتي انفرضتي علينه كونج جتي بخطر... ابن عمي محمود كال... وبعدين...انتي مو اخذتي عادل عن حب وقصة وغرام.. وطبه وطلعة ...فأكيد ماراح تنسينه بسرعة... وانتي هم لا اولاد لا شي وراج... انه عندي اثنين اطفال... وزقار... وبركبتي... فلا توكفين بطريقي... ولا تنسين انه دمهم وبت عمهم يعني ماراح يفرطون بيه..
نوراي... اكلج...انتي كاعد تهددين ...تسولفين...تسالين... شنو بالضبط ...اشو كانما محفظينج الحجي... بلا زحمه اريد ارتاح طلعي وسدي وراج الباب... وبالنسبة لذو الفقار ..هو يقرر يزوجج لو لا...
طلعت وطبكت الباب وراها شلون ادبسز
فورت دمي .... ولت هية وامها وسوسة البلا جنان ... اخذتلي فرة بالبيت لملمت غراض فارة البيت علوش... وام علي اجتلي المغرب سلمت وكعدت تسألني عن شنو صار ... سولفت الها وهي تستغفر وتهز براسها...
ام علي... ولا جوز هاية شبيها وياج... عوفج منهن يخوطن بصف الاستكان...هو ياهو خاطبها غير بعده لا حاجي لا كايل لا مشينه.... طيح الله حظهن ام تدلل ببنتها شكدسليمة اي والله شبيهن هذن ....
نوراي...يعني هو ناوي يخطبها صدك...
ام علي... والله يا خيتي مدري... هو عمي كربسها براسه ...ومحلفة ...وبعد مادري...
نوراي... يمتى تخلص سالفتي واسافر كون كبل عرسهم...
ام علي...ها نقزج كلبج... ما تحملتي... جا ما شوية تفكين ... شفتي كاتلات روحهن عليه..امل وجمانه... واسيل ...وبعد وبعد...
نوراي...شنو شنو من اسيل هايه....
ام علي...عوفج منهن ...نوراي احجي وياج جد ...انتي مقتنعة بحجتج اريد اعيش واطلع و... وبصراحة...ما اعتقد انتي مقتنعة لان صارلج اشهر وانتي هنانه متحملة.. وتشتغلين واحسن شغل والاولاد يحبونج حيل ...حيل ما تطيحين من لسانهم... ولج خية الطيبون للطيبات والله جمعكم انتو الاثنين لان يعرف انتم شنو .... والله لايكين لبعض... والحب بيناتكم مبين... بعد شتردين....
كمت صبيت الشاي وكعدت ما حجيت بس اشارت براسي مادري....
بقينه نسولف للاذان صلينه وراحت وانه دخلت للمطبخ...
لليل اجه ذو الفقار... ورا ما الاولاد تعشوا وناموا....
نوراي... انه خلصت شغلي تريد شي اصبلك ... بكلبي ابو بطن... احجي من ورا خشمي...
ذو الفقار ...اي والله كون هسة فطاير...بزززززز .نوع من الحلويات كنافة...حنافة ... يعوج بحلكه بطريقة موتتني ضحك عرفت يقلد...
نوراي.... لا ماكو روح للمعدلة النادرة ...مرتك المستغبلية...
ذو الفقار..هههههه ها صرت ربع الغين والقاف .....اسالج معروف وما ترديني ...
نوراي...شنو...اذا اكدر بسيطة...
ذو الفقار ...اريد اغير الغرفة واحتاج رأي ثاني ... تعاي ويياي للغرفة....
نوراي...يعني ماتريد عشى...
ذو الفقار... لا ...تعاي....
رحنا للغرفة... وكفنه باوع وكلي يالون نصبغها ....
باوعتله...بنظرة مستفزة... لعروسك الجميلة اسود مصخم...
ذو الفقار...خههههه ...عوفج من الشقى انه سالتج معروف... اذا جانت الج...
نوراي.... رصاصي...فاتح...او وردي وسخ... او فستقي....فاتح الوان مريحة للعين ...
ذو الفقار... فستقي ...حلو عجبني.... والاثاث ...
نوراي...مو المفروض تسأل خطيبتك....
ذو الفقار ... اريد اسويها مفاجئة الها...
يباوعلي وبعينه نظرة ضحك ...
نوراي...ها...اي... سوي لون الحايط بني فاتح والاخشاب صاج ...لو الحايط رصاصي فاتح والاخشاب رثاص شي تركي .... لو الحايط ابيض والاخشاب ابيض ... وفرشة بيضا وبيها تطريز فضي... تيبل لامب وردي او احمر او بنفسجي... او اصفر... وكوشيات هم نفس الالوان والبردات ايضا.... والحايط ورا الجرباية فوكاه صور كبار ثلاثة...
وبالزاوية خضار نبات ظلي يطي اوكسجين...او اصطناعي... والارضية سيراميك شوية لونه غامق ....
و.....
جنت مسترسلة وهم صافن عليه مصغي.... كطعت حجي وباوعتله .... شبيك... محلو ....
ذو الفقار ...لا بالعكس... ممنون منج ....
ابتسمت وردت اطلع....
ذو الفقار...ممكن خدمة بعد....
نوراي...اي ....عادي...
ذو الفقار...اريدج ترحين ويا ام علي تشترين هاي التجهيزات....
انصدمت من جراته...عود صدك...اندقيت وانقهرت...بس ماكدرت ارفض... اظاهرت بعدم الاهتمام وافقت ...
نوراي...عادي اخذ وسن وياي ...
ذو الفقار...اي عادي بس تشترون نفس الاشياء الي كلتي عليها لان عجبني التنسيق....
طلعت اقلد عليه عجبني التنسيق..... ورحت لغرفتي ادردم وعصبية واروح وارجع بالغرفة.... هسة انه شبيه.... شعليه بيه.... يطبه طوب.... هو وهاي السعلوة...
اذا ما اشتريلها ورد احمر واصفر واخضر...مثل لون دشداشته خل تعتب عليه....
لا بالعكس يمكن يعجبها هيج اشتريلها اسود احلى....
اووووف .... شبيه تسودنت.... لا وليش اسودن انه زوجته ...اي زوجته.... ياربي الغيرة راح تكتلني...
ما دري شلون نمت وكعدت الصبح علتلفوني يدك ... ام علي...
ام علي...ها نوراي جاهزة امرلج انه ببيت امي الحجية...
نوراي...ليش بيش الساعة وجاهزة لشنو...
ام علي...نروح للسوك ...ياع....شني هاي...جا ذو الفقار ما كالج...
صكعت راسي ااوووه نسيت ومطفية المنبه....
نوراي...ها لا اي كالي... ١٠ دقايق واخلص ... تعالي...
ام علي...خوش امي الحجية تسلم عليج.... وعطور همين هنانه اليوم....
نوراي....الله يسلمهن.... يالله بسرعة ابدل تعالي....