أريد حريتي

أريد حريتي ب ٢٩

البارت التاسع والعشرون

أريد حريتي ...انت ما مستعبدني... وانه حرة بروحي...
لزم ايدي قوي وجرني اله ووجه معبس...
.... انتي صرتي ملكي... الي.... وبكيفي....
هديت ايدي.... وطلعت من المطبخ... صار بوجهي احمد خطية.... شايل صينية وخايف يدخل...يمكن سمع الصياح ....
عفته ومشيت ....طلعت من البيت لشجرتي...ما رجعت... الجو بارد شوية . بس حلو منعش... وكفت هناك صافنه على صوت الماي....
ماكو افكار...ماكو صوت...بس الفراغ براسي.... بس الفراغ....
رجعت لغرفتي... ووسن دخلت....
نوراي.... خير...شبيج عابسة وجهج....
وسن... احجي وما تعصبين ....
خزرتها....شنو.....احجي بسرعة....
وسن... احمد ابن عمي يريد يخطبني
ابتسمت... وليش اعصب...
وسن... رفضته....
نوراي...وعمه ليش ولد حباب وحليو وشاطر...عنده مستقبل وعمرج....
وسن... لذلك رفضت...انه شنو... لا شهادة لاجمال... ولا حتى...
قاطعتها.... لا تحجين هيج على روحج...ابد....ابد.... واذا صدك رايدج يقبل بيج مثل ما انتي... سولفيله...بس لا تكوليله منو....
وسن... يرفضني وفوكاها يحتقرني...
نوراي... شدراج.... يجوز ...العكس...
وسن...وامه...مدرسة ومعاونة بالمدرسة وفد شايلة خشمها جا هو عمي ليش عزل وابتعد من وراها....بعد مو تزوجه بنت اقبال...الي جانت تكرهها....
نوراي... انتي اعرف...
وسن...خو ما ضجتي...انتي بياحال وانه اجفص...
نوراي...لا حبيبتي انتي...بالعكس ...افرح من تحجين وياي اسرارج...
شبكتها وطلعت ... فتحت حجابي وكعدت...
ام علي خطية يومية يمي... ما قصرت ...حتى حجي ويا ذو الفقار ما تحجي زعلانه عليه....
اسبوع ملتهين وراها خفت العالم ...وطبعا يومين نحمل صناديك البيبسي والعصاير لان انترس البيت... وطبعا غير الذبايح...يكول ميت وعدل من جديد...
جكد حبيته...عشكته...صرت اكره اسمه...جانت ترد روحي من اشم عطره... ظليت اختنك من قربه....
صافنه واشم ريحته عرفته جاي يهيني ويطلع... ...فتح الباب ودخل....
نوراي...ها خير....
ذو الفقار... شنو ...غرفتي وبكيفي...
نوراي...شنو غرفتك....غلطان.... ذيج غرفتك...
ذو الفقار... لا ...يمكن اريد اخذ حقوقي الزوجية...
نططت عيوني...حقوق زوجية شنو... من كل عقله.... كمزت وكفت ولميت دشداشتي لجسمي... ادنه عليه وحصرني علحايط وشم ركبتي ... وانه دفعته بكل قوتي... وصرخت بوجه.... شكاعد تسوي... اذا باقيلك شوية ...نتفة احترام يمي لا تخسرهم...
ذو الفقار... ليش انتي تحترمييني.... لو ما اعجب...
نوراي....بس.....بس.....بببببببس....اطلع...اطلع .... ارجوك تطلع....
انهاريت وكعدت ابجي... وهو كعد يمي ...
ذو الفقار... انتي ليش تنكرين ...اعترفي... وكليلي منو... منو هذة.....
نوراي...هذة شخص...يريد اذيتي واذيتك...
ذو الفقار... كومي وياي ....
نوراي....وين....
كومني كوة ومشيت وياه وهو ساحلني من زندي بهدوء... طلعنه للسدرة.... وكف ....
باوعلي... اذا اكتشتف الصدك وعرفته منو وثبت علاقتكم شسوين....
نوراي... واذا عرفته منو وثبتت براءتي شراح اسوي....
ذو الفقار ...الي ترديه يصيرلج شنو تطلبين.... بس اذا العكس... اريدج تجين هنانه وتغركين.... ماريدج بحياتي بعد لا من قريب ولا بعيد
رفعت حاجبي ووافقت التحدي ...انه بريئة ...وربي راح يثبت برائتي....
نوراي... بكل الاحوال ما راح يكون الي علاقة بحياتك بعد....تريد شي لو ارجع...
اشرلي لا.... رجعت وانه رافعة راسي.....
بطريقي للبيت شفت احمد سلمت عليه...
احمد ...وين عمي...
نوراي...هناك يم السدرة الجبيرة... شنو اجيبلك تشرب...
كلش حبيته رغم معرفتي بيه قريبة... هادئ...وحباب ...
احمد...اكدر احجي وياج شوية ...قبل لا اروح اطي التلفونات ....
نوراي ...اي كول ....
احمد....عمة حبوبة احجي ويا وسن.... خليها تحجي وياي ...بس كليلها احمد يعرف كلشي... لازم احجي وياها
نوراي... احمد شنو الي تعرفه...
احمد ...اكلج بس حلفي ما تكولين لاحد.....
نوراي...والله العظيم.... وروح امي وابوي....
احمد....حلفي بالعباس ابو فاضل....
نوراي...ههه والعباس ابو فاضل....
احمد...عمي اطاني التلفون مالتج جه اعرف بيهن ...ورجعت كل المحادثات والمكالمات والصور... كلشي جان ممسوح رجعته.... وبالصدفة والله بالصدفة عرفت .... دنك..... واستحى....
نوراي....شنو عرفت ...احجي بوضوح خل افهم....
........ سكت وسمعت صوت ذو الفقار يسلم ....
احمد من يمتى انته هنا....
احمد...توي وصلت.... جاي خالة حبوبة راسي راح يطك.... وعافني ومشى...
يعني بينت برائتي ووسن راحت بيها ..... صخام.... صخام.... واكفة مصفصفة... ومجمدة شسوي....
دخلت ركض صحت لعادل...ودزيته لبيت الحجية يخاير على ام علي تجي هسة ضروري....