أريد حريتي

أريد حريتي ب٢٥

البارت الخامس والعشرون

اريد اطلع ومحد يخليني.... كاعدة بالباب ما رضيت ادخل للبيت... اندعيت من الله مابيه شي ويرجع ابني...
الزلم كلها يم السدة ورادوا يطلعون غطاس... لان لاكين فردة تكرمون نعاله هناك....
خويت من البجي...اللطم... والقهر شلون صرت انانية ..وفكرت بس بروحي... شلون فكرت اعوفه واسافر... يمة علاوي....
الحجية اجت يمي كاعدة على كرسي وتندعي ... والكل التموا ...ام علي وجنان ...وعطور...والولد كلهم ....
انفركت روحي.... فرك.... اجه ذو الفقار
ذو الفقار...ام علي طلعيلي بطانية....
يمه انه سمعت هيج وانه صرخت ولطمت ودكيت علراسي والحجية تولول.... وتنعي.... راح ابني.... يمة علاوي اسبح واغسل واعلم والعب... مو اله اشيله ببطني يالله يصير ابني.... هذا الولد نعمه من رب العالمين اليه.... ياربي لا تأخذه مني.... الهي ما احمل هالالم.... هواي هواي عليه...
وسن... استخفر الله الدجاج انوب شبيه.... خبصنه....
وسن حجت هالجملة وانه وكفت لطولي.... ورحت امشي حافية واحجي ويا روحي...
اكو دجاجة كاعدة على بيض وقبل يومين فقسوا.... وعلاوي كل شوية يروح يكمش كتكوت وانه اخذه من ايده واكله خطية يبجي على امه....
علاوي هناك... امشي والكاع بيها شوك وكصب زلغ رجليه بس ما احس .... الالم بصدري اكبر ....
حسيت ايد سحبني.... التفت ...ذو الفقار... وين رايحة منا زلم... وحيل ما بيه ...نور احلفج بالله رجعي.... ما بيه حيل....اثنينكم....
شكله مكسور ودمعته بعينه.... باوعتله ابتسمت وعيوني تصب ....علاوي يم الدجاج....
ذو الفقار...شنو....
نواري....اي يحب الكتاكيت ....يم الدجاج.... اروح اشوفه.... عفية ....خليني اروح....
ذو الفقار...دورنه هناك.... نور....
عصبت وفلتت روحي وصرخت بيه اروح ابني هناك....علاوي هناك.....
مشى وراي... وضوا بالايت الفون....
رحت للقفص صحت علاوي...علاوي ....علوش....انه نور....علاوي حبيبي ....
علوش.... يمة علوشي....علايش....عليش.... يمة وليدي.... حبيبي ....
وبقيت ابجي... وما اسمع بس وشة باذني .... كعدت بالكاع وعيوني عمن من البجي .... وذاناتي توش... ذو الفقار كعد بصفي واسمع بس بجيه المكتوم....
هناك وطفر من يمي .... كلت راح وليدي ....
ذو الفقار.... علوش.... علوش بابا هنا هنا.... تعال انه اشيلك..... تعال.... حبيبي بابا.... اااخ .... واسمعه يصرخ ويبجي ويكول.... ولك موتتني....ولك شسويت بيه....
فتحت عيوني...ومسحت عيوني....وذاناتي ما مصدكة... شي تهلهل وشي تصلي على النبي.... والزلم والولد ركضوا يمنه.... اريد اكوم
.....ما بيه مشلول جسمي... كلت يمكن اتخيل .... لحد ما كعد بحظني.... لزمته.... اي هوه وليدي علوش ابو كفشة ....اي راسه....
لزمت وجهه اضحك وابجي اتهسترت.... شبكته حيل....حيل .... هو ظل يبجي ... وعمه طالب سحبه ...يكلي خوية علكيفج موتيه ......
باوعتله... وضحكت وكفت على حيلي واخذته من عمه وشلته شلعته من البوس والشبك....
وصلنه للبيت .... والكل ورانه.... شي تلوم... وشي تصيح عليه.... وهو ساكت.... شبيك....
اخذته شايلته للحمام لان كله ريش ووسخ ورجليه مطينه....
غسلتله ووسن اطتني ملابس اغيرله.... علوش حبيبي جوعان ...ما يحجي.... علوش عطشان ...ما يحجي...الولد مخلوس....
طلعته وشبكته .... حبيبي شلون عفتني.... انه اموت بدونك.... اموت اذا ما اشوف وجهك الحلو ....
تريد تنام .... تعال ....
باوعلي.... وعيونه بيها هم وحزن وخوف...رعب....
علوش...انتي تحبيني....
نوراي... اي احبك واموت عليك ...انته روحي ...وليدي الحلو.... حبيب كلبي....دلبي من جوه....
علوش... جا ليش عمه جنين( علوش يسمع الحجية تسميها جنين وهو هم يصيحلها جنين) تكول انتي راح عوفيني وتبيعيني بالسوك...جه انه اكلت الكيكة....
نوراي.... شلون.... يمتى هاي.... اهدى واحجيلي شنو صار....
وسن واكفة بصفي.... والبقية كلهم بالهول كاعدين... يسمعون الحجي بس مواضح لان كاعد يحجون....
علوش... عمه جنين... كالتلي انه لازم اشرد لان انتي وابوي...اردون ذبحوني... انه وكيح...وانتو ما حبوني...
وانتي اردين تسافرين بعييييييد وابوي زوج ومحد يحبني... كالتلي روح لامك.... للكبور...
وانتو راح ذبحوني جه كسرت ماعون الكيكة ....
....... اويللللي شكو قهر شكو حقد ...شكو ضيم... شكو ظلم ...الله خالقه بيه اجمع بذيج اللحظة ........
شلت علوش واطيته لوسن.... ورحت للهول عتيت جنين...من بين الكاعدين لا ومسويه روحه تتبجبج ويانه .... وتوليتها راجديات ورفس ودفر... هي اطول واضخم مني ....بس الكراهية تخلي الشخص هرقل...يردن يشيلوني منها يفكوها ماكدروا.... بالاخير ذو الفقار شالني شيل ... وانه اصرخ عليه...
واج سافلة....شرج للطفل وصل.... لو ميت...لو صاير بيه..شي.... واج ...ليش هالحقد.... عندج شي وياي ...الطفل شنو ذنبه.....واج حقيرة....
احجي واحجي واحجي وذو الفقار شايلني ويسد بحلكي بالاخير بالكوة كعدت.... وهيه تصرخ وتهوس....
ذو الفقاربعلو حسه....صرخ....ببببببسسسس.....
وانه كعدت انهت من التعب.... وايدي يعورني....كد ما ضربتها قوي.....