أريد حريتي

اريد حريتي ب١٧

اريد حريتي
البارت السابع عشر

شلون حلو توهان المشاعر... تحس بروحك مو مستقر عاطفيا ....ساعة ابتسم...ساعة...اتلمس شفايفي... ساعة احزن....
واكفة اطبخ... واكص زلاطة... ومبتسمة لوحدي حسبالي حلم ثاني... اشم ريحته...غمضت عيوني...وفتحت خشمي لوسعه اريد اترس رياتي من ريحته وعطره....
اخ كصيت صبعي... وانه ما احس حقهن جماعة زليخة كصصن ايديهن....
واسمع صوته... لزم ايدي ويكلي اسم الله وانه صافنه يعني ما جنت بحلم ...هو هنانه...
ذو الفقار...نور... شبيج...
نوراي... ها....لا .... والله عيب انتبه عليه صايرة ثولة....
ذو الفقار...شنو ها كاعد اكلج اضمد ايدج... يسحل بيه للسنك غسل صبعي ونشفه وجاب ضمادة لزكها وانه مخدرة... صافنة بيه...
ذو الفقار...انتبهي لا بيوم تكصين ايدج....
ياربي ثولة مو بكيفي مبتسمة بوجهه...
ذو الفقار...نور....نور....
نوراي....ها ...نعم.... صحصحت لروحي... شكاعد اسوي كحيت وعدلت روحي...
ذو الفقار... من تخلصين روحي لبيت اهلي جايين خطار...
نوراي غندبت. حجيت من ورا خشمي... هم من معجباتك السابقات....
وجان يطكها ضحكة خلاني فاكه حلكي يعني هو هم يضحك مثلنه مو كله صامت....
طلع وكف يم الباب... وكلي ... اي هالمرة انه احبها بعد واموت عليها....
ردت اموت... شنو ...يبوووي...لا ويريدني اروح اسلم عليها واخدم هناك....
ما صدكت خلصت شغلي... شسوي.... سبحت... وسرحت شعري.. ولبست كاب مكسم ام علي اطتني اياه كلش حلو عليه... وردت احط مكياج ما لكيت دورت على وسن عنده مكياج احسن مني...
اشو هاي ماكو ... صحت رحت لغرفتها.... رجعت للمطبخ اتاكد كلشي مطفي واسمع صوت بالتركة ...فهمت هيه هناك خانسة.... اكيد بايكه فوني....
تمشيت بهدوء بدون صوت ... وانصدمت من الي شفته.... ياريت ما رحت....
جانت نص هدومها مرفوعة وصدرها مكشوف... وهذا الكلب يسوي اشياء وهي تتاوه ... جان منظر ابشع من ان اوصفه بكلمات... لعبت نفسي ...بعدها طفلة... هذا جكاعد يسوي....
شلون اخلصها منه ....وهيه شنو هالطيش... ...
رجعت...للمطبخ.... اتنفس اريد هوا..... اروح وارجع...اروح وارجع.... ويمة شلت راسي واشوف ذو الفقار كبالي....
نشف الدم براسي.... تجمدت بمكاني.... اباوعله.... وهو صافن عليه ....هو وين ...وانه وين....
ذو الفقار.... نور وسن وين....
نوراي.... ها.... اممم.اه....وسن...بغرفتها.... اي بغرفتها....اي....
اعرف تصرفي مثير للشك وغشيم بس ماعرفت شسوي بوقتها....
ذو الفقار ...شبيج....وضعج مو تمام ....
نوراي... لا ...هيج تعبانة شوية.... واريد اروح لبيت الحجية .... وصلني...
ذو الفقار.... ان شاء الله طلعي كبلي... خل اجيب الكرك ورا البيت.....
يمة فتحت عيوني وسعهن.... عزا راح يكضها.... شسوي شسوي هو يمشي باتجاهي يريد يعبرني وانه متجمدة كبال باب الترك... بدون تفكير...بدون اي شي براسي غمضت عيوني وطحت بطيحتي ما حسبت حساب للكااونتر وطب يردم راسي.... . شالني واحتار بيه طلعني للهول وخلاني علقنفة... ويصيح نور...نوراي انتي زينة....
وانه متخدرة من الريحة الطيبة...ومن الالم الي براسي... طكطك علوجهي وفزيت... ياريتني ما فزيت... انه بحضنه... والوجه يم الوجه... شفايفه يم شفايفي... وايديه بشعري... للحظه نسينه كلشي... مغناطيس يجذبنه.... شوية لمس شفتي وفزينه علصوت وسن تصيح .... يبة....
ذو الفقار ابتعد بسرعة... وصاح بيها جيبي ماي لخالتج وكعت....
راحت للمطبخ...وهو باوعلي... مايريد يوخر عيونه ولا انه.....
جابت ماي غسلت وجهي وشربت.... هو من خجله ووجه احمر ... طلع برا شوية ورجع ...
ذو الفقار...ما صرتي زينة....
نوراي.... لا الحمد لله لا يظل بالك روح شوية ونجي وراك....
ذو الفقار.... اذا ما بيج لا تجين....
طلع وانه عدلت روحي ...اخ راسي....
وسن.... اي...
لزمتها من ايدها ولويتها الها....
نوراي...اول شي طلعي فوني.... ثاني شي...الي كاعد تسوينه... ما يضرني بشي ابد...يضرج ويضر ابوج...وسمعتكم كلكم....
وسن.... احبه ويحبني...ومابقى شي ويخطبني....
نوراي....ولج شيخطبج...من كول عقلج...هذا كاعد يلعب ويتونس.... لو يحبج ...يحترمج... ما يهينج ببيت ابوج.... ما يسوي وياج اشياء عيب وغلط ... فطني... محد يخسر غيرج... لو عرف ابوج.... ها شيصير مافكرتي.... بسمعته ...بكرامته الي مسحتي بيها الكاع... ببيته تجيبين صاحبج.... شكاعد تسوين اصحي لنفسج..... ما تخافين باجر عكبى يكولون لو متربية ما تسوي هيج....
وسن... كلتلج احبه وراح نزوج.....
نوراي.... خوش...تمام...يحبج... ويريد يزوجج... لا تسوين وياه هيج .... صبري للزواج.... خل يصبر لحد ما تصيرين حلاله....
..... انفتح الباب وقطعت حجي.... دخل عادل....
بابا يريد الكرك.....
وسن... بالترك...بالبداية يم الشبج....
اخذه وراح....
باوعت الها....البنية مغسول عقلها وهذا الادبسز مسيطر عليها بهاي السوالف....
نوراي....ما خسرانه شي...جربي واختبري اذا يحبج صدك يصبر عليج.... يالله خل نروح لبيت الحجية....
...... ما جاوبت ولا حجت عدلت هدومها وانه
عدلت روحي ونسيت شغلة المكياج وطلعت لبيت الحجية دخلت ولكيت مرة جبيرة كلش كاعدة سلمت عليها رحبت وهلت بيه شكلها محبوب.. سبحتها طين ببدها ووجه مبتسم... باوعت منا ...منا....ماكو غيرها ...رحت للمطبخ بس زينب...
نوراي.... اساعدج....
زينب... لا حبيبة خلصت...
نوراي...منو غير المرة جاي ....
زينب...محد بس عمتهم... ام كمال...
نوراي...ابتسمت وانشرحت اساريري...معناها ذو الفقار جان ينصب عليه....
بقيت شوية يم المرة والحجية وقبل الاذان ردت اطلع ....المرة لزمت ايدي وكعدتني يمها لان الحجية راحت تتوضأ.
ام كمال....شلونه وياج
نوراي...ياهو....
ام كمال... فقير....
نوراي...ههه زين ... التسمية رهيبة ...
ام كمال... ديري بالج عليه بروح اعزاز كلبج ... هذا فقير وطيب...ومن اهل الله...كلبه درة ...وعقله رباني... لا يعرف يخون ولا يعرف يغش....كريم وطيب اخلاق....
حبيه....خلي يعيش جم سنه من عمره متهني....
هيه تحجي وانه احلل هو مو كان يحب مرته ... اشو الحجي غير... شنو السالفة... غير جمانة كالت ازوجها باسبوع.... ..اكو قصة بالموضوع والي راح يحجيها الي ام علي....
نوراي...ان شاء الله.... كلت هيج وذو الفقار علراسي... مبتسم ويباوعلي....
ام كمال... تعال...
لزمت ايده وخلت ايدي بيده وعصرتهن قوي... وانه اباوعله...وهو هم صافن عليه....
ام كمال...الهم صل على محمد وال محمد... يابعد امك... لكيتها ...هي هاي .....محروسين بعلي واهل بيته... بام البنين...
بقت تحجي واحنه ايد بيد .... صافنين ببعض... عيونه تتنقل بين عيوني لشعري لشفتي... وانه احس عيوني جمدن ماريد ارمش.... اخاف اضيع لحظة من شوفته....
خلصت واحنه صافنين... شوية انتبهت استحيت وجريت ايدي وهو هم كمت وصارت وكفتنه سوا...
شلون بيه.... راح اضيع ....
سلمت علحجية وام كمال ...وطلعت....
سمعتها تكله..... دير بالك عليها.... ويالله استعجل جيبلك بنية وليد.... صخام.... عزا... هو يكله اي ان شاء الله قريب.... يعني شيقصد.... شنو .... شنو قريب....
مجرد التفكير...صخنت احس جمر بجسمي يمشي.... عركت...ركضت للبيت... غديت علوش والاولاد ووسن بقت يم زينب تساعدها....
غسلت وبدلت .... مددت بالفراش...كلبت بالتلفون وفتحت الكاميرا.... شفت روحي... عدلت شعري... عجبني اخذلي صورة كصيت صورة ....ودخلت للمعرض اشوف الصور.... هاي شنو وسن تارسته صور الها والي بدون مادري... عزة .....هاي وانه سابحة وجسمي طالع....
ولقطة... وانا نايمة...هاي شمسوية.... مسحتهن كلهن... سديت الفون... وكعدت اذكر الحلم... يجيي يوم ويصير حقيقة....
العصر همين رحنا بيت الحجية... والتمن البنات هناك... حسنة كلش متغيرة.... وضعفانة حيل....
نوراي....حسنة انتي زينة....
حسنة...اي زينة.... عايشة....
نوراي.... شبيج حبي....
حسنة... لا ماكو جه حامل تعبانة....
نوراي... ياعمري... وليش ما كلتي...يارب يسهلج ويكومج بالسلامة
حسنة... اي....
نوراي...شبيج ...وضعج ما عاجبني....
حسنة... مو وكتها.. خلينه نكوم نروح للهول....
سدينه الموضوع ورحنه للهول... وضعها ما عاجبني... شكلها مو تمام.... يارب سترك... ولو الي يزوج محمود شيتاني....
بيومها راقبتها.. لا تاكل...لا تشرب...منو هاي.... شنو صاير وياها وهيج مغيرها....
ام علي هم سألتها...ونفس الاجوبة....
نوراي... ام علي...شبيها....
ام علي...مدري والله....خليها براحتها....
نوراي...اي.... ام علاوي حبايب...اريد طلب....
ام علي...عيوني....
نوراي...لا ماريد عيونج عيوني حلوة.... وارمش بعيوني... وهي تضحك كملت.... اريد ملابس داخلية.....
ام علي... اي ...صار نفس هذيج المرة ....
نوراي...اي...قياسهم مضبوط...
ام علي...خل اشتريلج...الوان كافي اسود....
نوراي...لا ..خليني مرتاحة هيج....وبعد اريد تسولفيلي قصتج.... وقصة...قصة...زواج ذو الفقار الاول....
ام علي... هههههه قصتي انه اسولفها.... قصته...هوه يسولفها....
نوراي...شسالفة.... شنو بيها....
ام علي... هو هيج ما يقبل احديسولف بخصوصياته....
التهينه بالعشا جايبين كباب وصمون ... اكلت هواي مادري ليش جنت فرحانه ...ولمه وضحك وسوالف...
لليل علوش يبجي علموطا ومحد يرضى يروح...
ذو الفقار اجه من الديوانية
ذو الفقار...شبيك ...بس تصرخ وتبجي ...حسك واصل للشارع.... الطفل انخلس...
نوراي...راد موطا... ومحد يروح يجيبله....
ذو الفقار...الساعة بال١١ وين اكو محل هسة...اسكت وروح نام يالله .... ضجت من موقفه...
نوراي... ممكن اسال شنو سالفتك ويا اطفالك.... ترا هم مسؤوليتك...وهذا طفل... لا يوم شفتك تشيله...لا تدري بيه... لا موطا....
ذو الفقار... وهسة شنو المطلوب.... مخنزر عليه...
نوراي... طلعنه واشترينه موطا ...لا اظل ابجي وياه...
ووسن هم طفرت انه هم اريد ... وعادل هم...
ذو الفقار ابتسم.... يالله للسيارة
اول مرة نطلع وياه طلعنه للكورنيش... واكلنه موطا وشعر بنات... جكد مشينه... لحد ما نعس علوش ونام هنا... اطيته اله يشيله... نمشي وما شوف الطريق عالي وناصي ردت اطيح وهو صاح اسم الله ولزم ايدي... بس وسن اجت بيناتنا وظلت تمشي بالوسط... انه لزمت ايد عادل ومشيت وياه للسيارة ركبنه ورجعنه بالطريق... باوعت كلها نايمة ...بس انه واياه...
نوراي... شكرا ...
ذو الفقار... علشنو....
نوراي...علطلعة الحلوة.... فتح الراديو دور ماكو اذاعة ... شغل الفون مالته اغنية كاظم الساهر احبيني ....
يسوق والشارع فارغ وبس صوت كاظم ناصي ... وصلنه للبيت ...شال علوش وانه كعدت الاولاد راحوا كبل للفراش لا تغسيل لا تفريش اسنان....
انا كلي نشاط... غسلت وفرشت وبدلت... باوعت لروحي بالمراية... حبيت روحي من جديد... احس كلبي ينبض... ابتسمت لروحي... وطلعت للمطبخ... اشرب ماي...
ترست الدولكة... واريد ارجع وشفته يم الطاولة كمزت شوية ولزمت صدري من الرهبة ابد ولا اله صوت من يمشي...اقترب مني... وانقطعت الكهرباء... المطبخ اظلم... اظلم...جمدت بمكاني...
ذو الفقار...نور....
نوراي....نعم....
لا تتحركين هسة اجيب ضوا...
نوراي مشيت احاول اوصل للطاولة... ودعمت بيه...
ذو الفقار... لزمتج... هذذا الكرسي... ...لزمتيه...
انه احرك ايدي احاول اتلمس الاشياء .. بس هاي ايده مو الكرسي....
لزم ايدي قوي... وجذبني اله ...انه دخت بريحته وانفاسه.... تمنيت هاي اللحظات تدوم.... احس روحي بحظنه...بس الدولكة بيناتنا.... اجت الكهرباء... واحنه بنفس وكفتنا.... انه بحظنه تقريبا ... وقووة الجذب مشتغلة... وصلت شفايفنه عيونه بعيوني يريد تاكيد غمضت موافقة واسمع صوت علوش..
علوش...نور ...نور...
كمزت وابتعدت عنه وركضت لعلوش....خطية خايف....من منقطعه الكهربا
نومته ونمت يمه...احلم بحظنه ودفو انفاسه...
قررت اطي لنفسي فرصة واعيش ... بس لازم اتاكد الي بيناتنه حب لو مجرد رغبة.....
ثاني يوم الصبح... كعدت مليانة نشاط وحيوية ... رحت للمطبخ وسويت بان كيك للاطفال... وحليب حسبالي هو طالع للشغل...
واكفة يم الطاوة واحرك جسمي مرات اغنية اسمعها نغمة تجلب براسي.... واظل ارددها لحد ما تتكطع يالله ابطل واحول على غيرها....🤪
منسجمة واردد... والتفتت اشوف ذو الفقار مجتف وواكف يم الباب وانه ماكو كبر ادفن روحي بيه ...
هو هم ارتبك رغم ابتسامته فاضحته...غلست وسويت روحي ملتهية بالريوك ... الاطفال بالهول قدمت الريوك... وكعدنه كلنه ناكل وهاي سابقة بالنسبة النه....
بيومها اجتلي ام علي زيارة والله جابج....
ام علي... شلونج .... شنو الوجه ينور...
نوراي... وين... انتي صايرة كمر... تعاي وعد الحر دين سولفيلي.....
ام علي... شسولف...
نوراي... عن حياتج السابقة....
ام علي.... شني جا انه هسة ميتة...
نوراي... حياتي...ام علي... سولفيلي شوية.... اسويلها حركات دلع وتواسيل بوجهي...
ام علي...عني لو عن..... وترفع بحواجبها...
نوراي...ههههه كيفج شيطلع منج....
ام علي... انه ...سالفتي بسيطة زواجي...تقليدي ابن عمي وجان يحبني...وانه احبه ..بس جنت اعرف جنان تحبه لذلك رفضته... بس هو لح ولح... بيوم طالعة للسوك وكفني.... سالني ليش رافضته.... كلت اله جنان تحبه ولازم يخطبها.... تدرين شنو كالي .... كالي انتي الي... انتي الي .... انه طالبج من الله ورايح زيارة للعباس احلفه بعطش الحسين يصير واسطتي وتصيرين اليه ومشى ... ورا اسبوع كطعوا مهرنه.... جنت احبه بدون محد يدري... اسوي روحي عميه من اشوفه... جانت تكسر خاطري جنين.... بس هيه قسمة....
نوراي... الله.... الله يسعدكم....
ام علي... اما حبيب الكلب ...فقصته قصة....
نوراي... منو كالج حبيب الكلب...
ام علي... عيونكم مفضوحة....
نوراي.... ام علي تتوهمين....
ام علي...اي يمكن.... نشوف بعدين.... سمعي يا محفوظة السلامة....
فتحت عيوني وذاناتي وياها....
ضحكت وكملت.... ذو الفقار انسان عصامي... من جان زغير ...لا يوم طلب من احد ... ولا اعتمد على احد ...دومه مساعد نفسه...والناس تطلب مساعدته....حنين وحبوب ويساعد الكل... من شب وصار عمره ٢٠ امه الحجية كتلت روحها يزوج بس ما جان يقبل... ولدي عمي كالوا يحب وحده بالجامعة وياه.... بس هو ما جان يحجي ولا شكله يحب...باله بعيد...جان يريد يكون نفسه ويصير عنده فلوس صدك ابوي الله يرحمه ماقصر... بس هو طموح وجادود.... من زغره يشتغل ...وبس يصير عنده جم فلس يشتري كياعين....اراضي... وما يصرف...وراها اشتري محلات ...واجرهن... وظل هيج لحد ما صار عنده هاي املاكه... وخيره مو بس اله...كلنه هو مساعدنه ...ما خلا واحد ما ساعده.... فلوسه فلوس تعب وحلال ... مخمس ومزكي... فدوة لروحه الطيبة....
المهم... كلها لحت عليه يزوج.... احجي على قبل... جان ثاني لو ثالث كلية مااظكر... زارتنه اقبال ... وراها بيومين خطبها... وازوج باسبوعين بس... الناس كلها اتسغربت.... شنو الي صار .... ناس كالت حبها من اول نظرة....وناس كالت ساحرته....
نوراي....غريب.... انتي شتكولين....
ام علي... لا هاي ولا ذيج.... سرها ببطنه.... بس اخوي عمره ماقصر وياها... ولا بيوم شفتهم...مزاعلين ...متعاركين... ابد... رغم ما جان يبقى هواي ...اغلب وكته جان ببغداد ومنا ومنا حتى يلملم هاي الاملاك الي عنده....
والله رزقه بوسن... وسن اسبعية ... يمه انولدت بشهر السابع...جنها بريعصي... هسة صلوات عروسة.... وراها ابريهي.... فدوة انولد جنه دبة...يجنن ... وعدول...واخيرا عليش...الوكيح... بحملها بيه تمرضت...وتغيرت كلش... وصار عندها فقر دم... من جابته واجت طكها نزيف ما لحكنه عليها عمره اسبوع وتوفت....
نوراي.... شصار بذو الفقار....
ام علي.... يوووه .... خلص الفاتحة وسكن كربلا والنجف.... يكول هناك راحتي....
نوراي.... هالدرجة يحبها....
ام علي.... يمكن.... مادري... شكلج... بس هسة هية راحت لدار حقها... نوراي.... حبيبة... صيري زوجة لاخوي... الي اكدر اكوله الج... بانه انه ما بيوم شفت ذو الفقار يباوع لاقبال الطريقة الي يباوعلج بيها....ابد....ابد....
نفخت.... شالفايدة احس ميت الف حايط وحايط بيناتنا.... ام علي ...اريد اكلج على شي وتساعديني....
ام علي...كولي...
نوراي.... ووسن راح تضيع....
ام علي لطمت صدرها... اسم الله شلون...
واسترسلت اسولف الها الي صار...وهيه تلطم وتستغفر...
نوراي...لا تظلين تلطميين...ردتج عون...
ام علي... اكسر راسها وعلي... وهذا الادبسز افضحه الساقط....
نوراي... شتكسرين راسها...هيه مراهقة... وكلشي ما تفتهم... والمشاعر عندها بقمتها... وهذا الساقط احتمال جبير لازم عليها شي صور اصوات مراسلات
ام علي...جاشلون... بس هيه ماعندها تليفون...
نوراي... هذيك الفترة كلها تاخذ فوني وتراسله... شلون اتقرب منها...اصير صديقتها....مادري...
...........
هي هاي الطريقة الوحيدة... الي بيها اتقرب الها..كعدت افكر انا وام علي... وبالاخير توصلت لحل... اسويه يارب ويصير طريق الها....ام علي وافقتني الراي ....
بس تاخر تنفيذ الخطة.... لان ذو الفقار بلغني نروح لبغداد ووافقت .....