أريد حريتي

يسعد اوقاتكم
كنت معكم وعلى مدار شهر كامل بقصة أريد حريتي
واليوم البارت الاخير على امل اللقاء معكم بقصة جديدة

كاتبتكم سراب سرمد

البارت الرابع والثلاثون
الاخير

ورا سنه ......
.......
واكفة ويا وسن اليوم عرسها تجنن طالعة ... البدلة والمكياج... خلصنه صور وهوسة وانه وياها غير امها...
رجعنه للبيت حتى تجي الزفة....
دخلتها ورحت للمطبخ البيت متروس خطار والبنات مشغلات دي جي... وحيل...ردح وركص...
اجاني علوش الي لابس قاط يجنن
علوش ...بابا يريدج يم السدرة...
نوراي...هسة....
هز براسه وطلع لازم ايد بنت عطور ويسحل بيها ....
ابو كفشة
اخذت كوب شاي ثكيل ومهيل وشلت قفطاني... ورحت امشي كوة من الكعب...
وصلت اله لابس شداشة ويشمغ... يتاني يسلم العروسة... لزوجها.... شافني.... ابتسم ....
ذو الفقار ...اه ..اجه بوكته....
نوراي ...علوش كال تريدني....
ذو الفقار... نسيت اكلج ...هذا الصبح ...شغله...
جنت حايرة بالقفطان ..ارفع بيه منا ومنا ....
عصب وصرخ بيه...ولج رجليج طالعة....
......حبيبي...راح يتلف القفطان غير ام العروسة....
ضحك بوجهي... وكلي احبج.... والله جنج اختها الزغيرة.....😒
ضحكت وعضيت شفتي...
تقرب مني ولزم حنكي رفع راسه وانه عاضة شفتي ... همس وهو يتقرب يبوسني ... لا تعضيها...ولج لا تعضيها ... وطبعا كمزنه علوش يركض ويصيح اجت الزفة... وخرت عنه...
وردت امشي ... صاح...
نوراي....
...عيونها....
....احبج....
ضحكت ومشيت سريع للبيت....

خلص...عرس وسن على خير ..الحمد لله... عرس جبير وطبخ ومعازيم... بالبيت ... وزفوهم للغرفة... بقيت ابجي وام علي تسكت بيه...
ام احمد...والله لو امها ما سويت هيجي انتي نعمه الهم... المعازيم يسالون عليه حسبالهم اختها الكبيرة
🤭🤭🤭
...... تمت ليلتها بسلام ...احمد يحبها...ويعرف هيه شنو... وسامحها على غلطها ..لان احنه بشر ونغلط... مثل ما الولد يغلط ويفتخر بعدد اغلاطه...البنية بدون مراقبة وحب وصداقة من الاهل هم تغلط بس هاي غير تتحاسب على اي شي....المسامحة اوجب من العقوبة.... وسواءا بنية لو ولد ...حبوا اولادكم... سامحوهم ...علموهم بحب...بصدق... وصبروا ...ثمار الزرع الي زرعتوه تحصدوه...
......
رجعت امسح بالمكياج وانزع القفطان الي مادري شلون افتحه ...ودخل حبيبي ...ذو الفقار... عيونه حمر...
باوعتله تمشيت اله وحضنته....
..... حبيبي...هي هاي سنة الحياة....
....ادري..بس مادري شنو دخل بعيني....
....ههههههه.... تعال افتحلي السحاب ..خل اسويلك اكل...
فتحه وباس ركبتي... وحضني ...شكرا....انتي نعمتي...
الي احمد الله يومية عليها... انتي رزقي الحلال الصافي... احبج....
ضحكت غيرت ملابسي وسويتله شاي مهيل وثكيل وباسطرما وبيض... كعدنه ناكل انه ما اكلت بالعرس والتهيت ويه وسن جنت لازمة ايدها واسولف وياها حتى لا ترتبك
..خلص طلع يدخن وانه اغسل المواعين صفنت اذكرت ....
....
شلون الايام تمشي ومانحس بيها... حياتي وياه جانت صد ورد ... من جنه معندين ..وكل واحد يجر لصفحته خربت ..ووصلنه لنهاية مسدودة...ويمكن جان بيها تصير خاتمة حزينة النه.... بس من تركناها لله وسلمنه امرنه اله ...جرت الرياح بما تشتهي السفن...
......
عشنا انا واياه فترة طويلة ...نتناقش بكلشي البيت الاولاد ...المسواك...نطلع ...نسافر... زيارة ...بس علاقة زوجية ما بيناتنا... بس الفترة الي عشناها مثل الاصدقاء جانت بمثابة فترة علاقة وخطوبة ... بحيث كلشي حجينه وتناقشنه وضحكنه... وصنفنه....
...... عرفنه كولشي عن بعض... الي نحبه ..الي نكرهه...الي يزعجنه ...وكنه نعالجه بهدوء مرة ومرة بهوسة وجدال ...بالاخير كان الاتفاق هو المسيطر ...بدون خوف من اخسره ..او شي من هذا القبيل
وهذن اهم بهواي من علاقة جسدية تجمع اثنين ويمكن تبرد وتنتهي ....
......
هواي مواقف ما تخلو من الغيرة .. العتب ...الاستعجال بالظن ...اذكرلكم منها.... جان كاعد بالمطبخ ويسولف بالتلفون ... سمعته وتقربت اصنت....هههه
... وانه بعد...شلون...من كل عقلج..يعدي الصيف وما شوف الخدود التفاح...لا...اي...اجي وانه بعد مشتاقلج...صدكين تحجين.... اي تمام....
وكف شعر راسي من القهر والهضيمة ...كلت لروحي انه يمكن بس صديقة ومربية للاطفال وهو حب غيري ... انه الي ضيعته...
التفت شافني... كمل يكول...
اي ونوراي هم مشتاقة الج ...هاي .هيه وياج...