أريد حريتي

أريد حريتي ب٢٦

البارت السادس والعشرون.....

نوراي...نوراي....انه.....

اختنكت ...اريد هوا واحس الدم صعد براسي ما مستعدة اسمعها .... قبل لا يكمل قاطعته
نوراي....وامل....
ذو الفقار... تعاي وياي....
كمت وياه وبعدني ما نازعة الاحرام.... خذاني للغرفة مالته فتح الباب واشرلي دخلي....
دخلت شهكت.... الغرفة صورة طبق الاصل عن الي تخيلته ...الالوان الاثاث...البردات....
اتلعثمت ....التفتت عليه اشرلي براسه اي ...
اقترب مني وعيونه بعيوني....
ذو الفقار...اي هاي الغرفة من البداية جانت الج... مافكرت بيوم ارجع ازوج...لحد مادخلتي حياتي....
نوراي... يعني....
ذو الفقار...نوراي... صيري مرتي .... وام بيتي....
نوراي...وامل....
ذو الفقار... شبيها
غندبت وبرطمت....يعني هم تتزوجها....
ذو الفقار ضحك ولزم اكتافاتي...وقربني اله ودنك عليه ... شتكولين انتي.... وكاتم ضحكة بوجهه....
عصبت.... وردت اطلع بس ما خلاني.... رفع وجهي لوجهه.... تدرين جكد حلمت ابوس هاي الشفه....تدرين جكد ردتج بحظني.... تدرين صبري خلص...
ذبت...وانثولت.... ونفسي ونفسه تغير... حرارة بوجهي... والدم صعد لراسي.... بس ماعرف ليش اخرب اللحظات الحلوة....
نوراي...لا تشرد وامل....
ضحك وابتعد عني.... شبيها معززة مكرمة ببيتها....
شهكت ولطمت صدري .... يعني تزوجتها...
ذو الفقار.... واذا ....شنو تغارين....
عصبت وخرته وطلعت.... وبرطمت...اكول ست الهانم جاية مسيطرة ... وماتحجي ومالها شغل بالغرفة...تالي الاخت مسيطرة....
رحت لغرفتي بسرعة ... وهو واكف كالي....
فكري....انتظر اجابتج....
التفت عليه.... وكلتله.... ما اعتقد ينفع.... راح ابقى لخاطر الاولاد.....
ضاج.... اطيني سبب.....ليش....
ماعرف شجاني.... ليش مافكرت.... شبيه....يكول مراهقة....
نوراي.... اسفة ماعندي مشاعر اتجاهك....
انصدم...انصعق.... وسكت....نظرة عيونه المتعجبة والمصدومة.... عفته حاير درت وجهي ودخلت للغرفة وكفت ورا الباب فترة اغم بروحي....
شسويت.... هو انه باقية ...باقية.... بس الي سويته صح... انا باقية لخاطر الاطفال....اي لخاطر...علوش ...وابراهيم وعادل..ووسن.... وبس....
خلي هو عنده ست امل... شنو اثنين.... ما اقبل احد يشاركني بحبي اذا حبيته....
كعدت بالكاع ....شنو اقشمر على روحي احبه.... ليش ازيف الوضع....
شكاعد اسوي.... طلع الضوا وانه على هاي الحالة... انفي وواكد.... لحد ماكعد علوش والاولاد التهيت وياهم ....
ورحنا لبيت الحجية.... كعدت يمها شوية.... بس هي تحجي وانه صافنه.... الي سويته صح....
الحجية....ولج نويرة مو احجي وياج....
نوراي...ها....
الحجية... وجعا.... شبيج صافنه ومسلهمة جنج عاشكة...
نوراي....شنو.... لا ....طبعا لا...ما احبه ...اصلا بالي مو يمه... واصلا هو عنده امل بعد شكو انه.....
الحجية حاطة شيلتها على وجهها وتضحك عليه ... احط نفسي بمواقف بايخةة اوي .....
الحجية... ولج يا العوبة ...ياهو تزوج امل...جا انتي ماتدرين....
نوراي...شدري.... شنو اكو....
الحجية... جا اذا انتي هيج تحبيه...شبيج نافرة منه....
استحيت هيج انه مفضوحة .... يبوووي.... والله عيب لا والاحلى بكل ثقة ماعندي مشاعر.... بايخة ....
الحجية... وليدي خوش زلمة معدل... ولج ما رضى يحط على راسج مرة ... ويوم عرف امل تطبخ وتسوي معجنات وكيك .... جهزها مطبخ كامل وتجهيزات كاملة واتفق ويا مطعم بالبصرة تجهزهم... الي يردوه . وشد راتب الها ولاولادها شهرية يوصل لبيتهم واذا قررت تزوج عن رضاة نفس مو علمود اولادها واذا تزوجت هو ياخذهم يربيهم ويا اولادنه.. وطلع من خطيتها اعتذر لابوها وكاله ما هاوي يزوج... وحرام يظلمها وياه... كد ما يحبج.... وليدي يحبج...لا تكسرين بخاطره...لا تعورين كلبه....
دمعت وحطيت ايدي على حلكي اكتم صرختي... وهي تحجي....
.... انتي خوش بنية .... والاهم الاولاد حبوج....ماجان يريد يزوج حتى لا يكسر كلبهم... ويوم اجيتي انتي صرتي بلسم الهم واله.... يمة نويرة حلفتج بالعباس ...صوني وليدي وحفظيه...وحبيه.... وسعديه...اخاف تغمض عيني انه مطمنة عليه لكى الي يحبها....
اثر بيه الحجي كلش وبقيت ابجي... طلعت منها للمطبخ... اشرب ماي وابجي... شسويت....
دخلت العلة جنان.... شجابها مادري... مو طارديها....
جنان.... هاي انتي هنا يا الصفرا... ولج متحلفة بيج تحلوف الا ابجيج دم....وعلي دم اسود....
ولا كانما تحجي عفتها تكرك لوحدها وطلعت اخذت علوش وللبيت خابرت ام علي.... اريد منها تجي اريد تروح وياي للسوك المدارس قربت واريد اجهز الاولاد....
اخابرها وتكطع الخط....مرة ومرتين....ماكو... التهيت اشتغل...
التهيت اشتغل ...دك الباب فتحت ام علي....
نوراي....خابرتج ماكو....
ام علي ...اي مو جايتكم بااطريق والتلفون بيد ابني يلعب بيه....
نوراي...هم زين اجيتي... اريدج تروحين ويانه للسوك اشتري ملابس للاولاد ...المدارس قربت .... وشصار من سالفة وسن....
ام علي...ما يقبلون اداوم ...وامتحان خارجي الا عمرها ١٨ سنه.... خطية....
نوراي... يالله ....اووووف.... اكلج ام علاوي حبوبة انتي كليله انه استحي....
ام علي ....يا ...ليش....يالله بعدين اخابره ...هو هسة بعده بالطريق ما واصل....
نوراي...واصل وين....
ام علي... لبغداد...جا انتي ماتدرين.... ما كالج....
نوراي....لا ....🙄
ام علي...ام اصالة مخابرته...مادري شنو صاير....
نوراي...يا ساتر... اخاف علمود بنتها....
رفعت اجتافتها بمعنى ما ادري... ودخلت تشرب ماي من المطبخ... اجت وسن وسولفنه الها ...ما ابدت اي مشاعر... سكتت وراحت لغرفتها....
ام علي خابرت ذو الفقار وبلغته .... وثاني يوم من الصبح انطلقنه للسوك....
اشتريت للاولاد وكل شوية اشوف الفون بلكي مخابر ماكو...
ام علي... خية المفروض انتي تخابرين تسالين ...تطمئنين.... شقصتج....
نوراي... ها....ي.... اكلج بعد شنو بقى....
ام علي...شردي ...شردي.... بقى الاحذية...امشي... منا اكو خوش محل....
خلصنه الولد كلهم...واشتريت لوسن بنطلونات وتشيرتات... ووكفت يم محل نسائي ... باوعت لام علي ...ضحكت ودفعتني دخلتني ....
باوعت...اشياء حلوة... اشتريت...ملابس ملونه... تراكين وبنطلونين..وتشرتات....ودراعات حلوة ومكياج ...عطر... كل شي احتاجه حاليا.... استحيت اشتري بدلات نوم ...بس ام علي لحت واشتريت واحد ستن اسود قصير.... واحد بنفسجي فاتح....
ام علي...ربي يسعدج ...تستاهلين...وهو بعد ...يستاهل كل خير....
كملنه... طلعنه المغرب من السوك ورا ما هلكنه...
رجعت للبيت... الاولاد فرحوا علوش الا يلبس ملابسه الجديدة....لابسهن ويفتر...يموت ضحك... وسن شكلها متغير وحزينه.... شافت الملابس ظلت تبجي...
يامعودة شبيج....شصاير.... تريد تحجي وتختنك بعبرتها ...وتركض للغرفة....
حجيت وياها واسيتها لان حسبالي علمود المدرسة...
ما حجت ....
ام علي راحت وهدء البيت...وانه لازمة الفون وافتر منا ومنا ...اكتب وامسح... افتح الرقم وما تطاوعني ايدي ادوس كول...واخابره...
طلعت ملابسي واشياءي جربتهن.... اووووف شكد يغير الشكل الاسود....
حطيت مكياج.... باوعت لنفسي بعدني حلوة....
لبست بنطلون وقميص ... ومكيجت...فتحت شعري... وطلعت للهول... سمعت صوت خشخشة رحت للمطبخ ماكو احد....
رجعت لغرفتي غيرت وغسلت وحاولت انام ماكو للوحدة اتكلب....
شنو صار...وينه هسة... علاوي نايم وكل شوية ضاربني بخاصرتي....
شلون اصحح الموقف وياه.... بس قبل لا اصحح لازم اتخذ قراري ....
اكون اله زوجة لو لا....
توضيت وصليت وسجدت وناجيت ربي يهديني...طريقي وياه... لو لا
خلصت ما اجاني نوم لاذان الصبح...صليت...وفتحت تلفوني... شفت اسمه.... بدون شعور دست كول... بس ما منتبه... نقرت بدون علم... واسمع صوته يصيح الو...الو... باوعت للشاشة هاي شسويت....
بلعت ريكي وحجيت....الو....بالكوة نطقت....
ذو الفقار... الو....
نوراي...الو ...تسمعني....
ذو الفقار ...اي...خير....
نوراي...حمد لله ...على سلامتك....
ذو الفقار... شكرا لا يظل بالج انا باقي هنا يوم يومين....
سكتت ضجت.... مادري شحجي....
ذو الفقار.... يالله سلمي على الاولاد...
ردت اسده ماكدرت.... رجعت بسرعة كلتله...دير بالك على روحك....ترجع بالسلامة....
ذو الفقار.... اففففف وتاليها وياج....
نوراي.... اصبر عليه.....
ذو الفقار.... صابر....صابر....شعندي غير الصبر....
نوراي..هههه الله وياك....
ذو الفقار... دير بالج علروحج والجهال... عينج على علوش....بوسي الي...
نوراي...وانته هم....
ذو الفقار.... شنو ابوس روحي....
ههههههه
عزة انه شحجي استحيت عود اركعها.... لا بس ....اقصد دير بالك على روحك....
ذو الفقار... ان شاء الله ....
........ سكتنه....ماعندي حجي... بس انفاسه....تكفي .... واخادع نفسي ما احبه.... شلون وانه مدمنه هواه.....
ذو الفقار.... نور...وياي....
نوراي....اي....اسمع انفاسك....
ذو الفقار... ولج لا تخبليني مو ارجع هسة للبصرة ....كافي الي بيه....
نوراي....ذو الفقار.... ارجوك....اصبر عليه....
ذو الفقار....افففففف صابر يا بت الناس وعلي صابر....
نوراي....هههه روح الله وياك.....
ذو الفقار.... نوراي.... .......... الله وياج.......
وسده.....
احبه.... بس خايفة من مصيري وياه.... ماريد الجم...وانجرح بكلبي.... ليش افاول على روحي مو يمكن انسعد وياه...واعيش مرتاحة.... مادام هو يحبني ...ويخاف الله... ميسور... والاهم انه احبه....
باوعت لروحي بالمراية.... اي انه احبه.... اعشكه.... يوم الي ما اشوفه اضوج ...ريحته ادمان .... صوت راحة... قربه مني امان.... نظرته تذوبني... دفو ايده يصهرني....
احبه..... لااكثر اعشك....
ربي عليك توكلي.... ابدي حياتي الجديدة بلطفك ورعايتك.....