#البطل_المغمور2 "زهور القمر"
#جمان_فريد
#النهاية "البطل المغمور"
قبل لتقروا الجزء اي حد فاتاته صلاة او جي بيقرا في وقت صلاة سيب كل شي وبرا صل وبعدين اقرا...
الصلاة اولا..
وصلوا ع الحبيب💖
أنتم الآن مع نهاية رواية #البطل_المغمور
💐💐💐💐💐💐💐💐💐💐💐💐💐💐💐💐💐
بعد مرور شهر...
"سارة حبيبتي"
سارة من الحمام بتعب؛هاني طالعه فاتح..
غسلت فمها بالميه...
بعدين مشت للباب فتحاته وطلعت..
هو تلقاها وحاوطها وقعد يمشي بيها وهو يقول:عيوني نرفعك للعياده خير!؟
سارة حركت راسها بالرفض وقالت:لالا مش لازم اللي اني فيه شي طبيعي فاتح..
خش بيها للدار وهو يقول:من الصبح وانتي ترجعي ماخليتي في بطنك شي خايف تصيرلك حاجه ..نرفعك يديرولك تغذيه ع الاقل..
وقعمزها ع السرير ..
سارة؛خليني توا نرقد شويه بعدين ساهل..
فاتح بإستسلام؛ع راحتك عيوني زي ماتبي..
وساعدها بش ترقد وغطاها...
بعدين مشي قعمز ع الكنبه وقعد يراقب فيها..
🍁🍁🍁🍁
"لالالا حمل توا لا لين ندير امتحان الدبلومه"
نسيبه؛احسن مادا بيك تعيشي حياتك شويه مش من الاول حمل زي ماصار مع سارة اهي قاعده تعاني في الوحم وهمه
عفاف بضحكه؛اني في حملك بسيرين تعبتي هلبه وكرهتي الحمل في جرتها..
نسيبه؛ايه والله وماصدقت جبتها ماتعبتش في خالد هكي..
تهاني؛بطن عن بطن تفرق..
نسيبه؛صح..ايه قوليلي شن دايرة مع زياد وحوش خوي..
تهاني:الحمد لله كل شي تمام..وعمي هيثم ربي يحفظه مساعدني ع الاخر والبنات حتى هما..
عفاف بإبتسامه:الحمد لله...
نسيبه بإبتسامه؛يدوم عليك ان شاء الله..
تهاني بإبتسامه؛آمين...
🍁🍁🍁🍁
"خوك لمن طالع هكي مش عارف اني والله مع امكم ماكنت هكي"
جنان وهي مقعمزة حداه وشاده كتابها قالت بضحكه؛هو هكي طبعه شويه جاف..
هيثم؛قولي هلبه بالذات مع هالمسكينه..
ضحكت جنان..
هيثم؛وين اختك..
جنان؛في الدار تتفرج ع مباراة..
هيثم؛بدال ماتلهى بقرايتها مش حاسه بكل انها شهاده السنه هادي!؟
جنان بضحكه؛لا بابا الحق تقرا اني نشوف فيها..
تنهد وقال؛ان شاء الله...ايه سارة مااتصلتش اليوم..
جنان:لا اليوم مااتصلتش بابا..
هيثم؛نفكر بعد العصر نخطم عليها نشوفها..
جنان؛كان صارلك ارفعني معاك.
ابتسم وقال:تمام...بالله بابا نوضي ديريلي شاهي اخضر..
حطت كتابها ع تركينه وقالت؛حاضر..
ومشت للكوجينه..
وين قربت توصل فيها وقفت لما سمعاته سؤاله..
"ماتقوليليش اختك ريحان وين غاطسه"
التفتت شبحتله شويه بعدين ابتسمت وقالت؛تتفرج في دارها ع مباراة..
ناض وهو يقول؛وقت مباريات توا..ومشالها الدار...
وهي معاه بعيونها...بعدين مشت خشت للكوجينه..
غمضت عيونها بشدة وقعدت تبكي شويه وهدت وحاولت تتماسك..
وبدت ادير في الشاهي...
🍁🍁🍁🍁🍁
طلعت من الكوجينه بعد ماضمتها..
ومشت لوسط الشقه..
لقاته مقعمز يشرب في الشاهي ويتفرج ع التلفزيون..
مشت قعمزت جنبه..
هو مدلها يده...هي ابتسمت وشدت يده وقالت:امتى بتولي للخدمه..
جهاد ؛مليتي مني..
رتاج بضحكه؛مبردك جهاد..اني نسأل بش نشوف اموري..
ابتسم ع جنب وقال:الاسبوع الجاي ان شاء الله..
تنهدت وقعدت ساكته..
جهاد؛حاس في فمك كلام..
رتاج شبحتله شويه وقالت؛استاحشت كنعان..
شبحلها وقال؛قولي لخاله يجيبه..
رتاج؛يعني عادي عندك..
رفع حواجبه وقال؛شن تقولي انتي!..اني كان نلقى يجي يعيش معانا مش غير زياره بس..
رتاج بإبتسامه؛يعني مش حتضايق منه..
جهاد؛ربي يهديك ماعندي مانرد عليك الحق..
ابتسمت وقالت؛ربي يخليك ليا ومايحرمني منك..
جهاد بإبتسامة:ولامنك ياحلو...ايه حقه بعد العصر وتي روحك بنمشوا لحوش امي..
رتاج هزت راسها وهي مبتسمه..
🍁🍁🍁🍁
الساعه الثامنه والنصف مساءا..
ملتمين ع سفرة العشي ويتعشوا..
كان يراقب في ولده ومرته طول الوقت..
يشوف لتهاني كيف تاكل وهي متحشمه..
وزياد ياكل بشهيه ومش مهتم لأمرها بكل..
هيثم؛تعشي بنتي..
تهاني بإبتسامه؛ناكل عمي..
زياد؛هادي ماتعرفش تاكل تنقش تنقيش ديما هكي..
خواته قعدوا يشبحوله..
وتهاني انحرجت وقعدت ساكته..
هيثم تنهد ورجع ياكل....
••بعد العشي...
في دار هيثم...
زياد؛خير بوي..
هيثم بعد تنهيده عميقه قال:الجفاء وقلة الاهتمام يخلقوا فجوة كبيرة بينك وبين زوجتك..
زياد؛ومن قال اني جافيها ومش مهتم بيها قالتلك حاجه هي!؟
هيثم؛مش لازم تقولي ياولدي معاملتك واضحه حتى لخواتك الصغار..
زياد؛اني والله معاها عادي جدا ومانشوفش في روحي نعامل فيها معامله مش كويسه..
هيثم؛الاهمال ولدي اسوأ معامله وانتم مازلتوا عرسان كان من بدايتها مالا بعدين كيف..
سكت زياد وهو محرج من بوه..
هيثم؛اكيد متفكر كيف كنت زمان نتعامل مع امك...المراة تبي كلمة طيبه تطيب خاطرها وتزيد ثقتها بنفسها واهتمام زي الوردة المراة بالزبط لو هملتها تذبل ياولدي..
زياد؛ماكنتش نحساب روحي واحد جاف لهالدرجه مش حاس انك تبالغ شويه بروف!؟
هيثم:ابدا يخي مازال ماقلت شي..خل نعطيك مثال ع روحك بش تفتح عيونك وتشوف اللي حني نشوفوا فيه..مسكينه وين نتلاقوا ع الماكله قاعده تتحشم واضح انها تاكل وهي منحرجه..
