𝑲𝒊𝒏𝒈𝒅𝒐𝒎 𝑶𝑭 𝑱𝑬𝑶𝑵 (Completed)

Chapter 4

Unicode

ဘေးတစ်ဖက်တစ်ချပ်မှာရှိသောအပျိုတော်များနှင့်အစေခံများမှာတော့ အမှုမဲ့အမှတ်မဲ့ကြည့်မိလျှင်သူတို့ခေါင်းပြတ်သွားနိုင်သလိုမျိုး ထိုမြင်ကွင်းအားမကြည့်နိုင်ပဲ အံ့သြမှင်သက်ရသည်။

အင်ပါယာကြီးရဲ့ဝမ်ဂျွန်က ဒီလိုမျိုး တခြား အလှလေးတစ်ယောက်ကိုစိတ်ဝင်စားပြီဆိုရင်တောင်မှဘယ်တော့မှ အနားကပ်ခံတာမဟုတ်ဘူး....။အခုတော့ ကြည့်ပါအုန်း..အစိမ်းရောင်မျက်ဝန်းပိုင်ရှင်တစ်ဖက်နိုင်ငံကကောင်လေးကို ကိုယ်လုပ်တော်ယွန်းလက်ထဲကနေ ကယ်တင်ပေးရုံအပြင် ရင်ခွင်ထဲပါထည့်ထားသေးတယ်....

ဘေးနားမှခြံရံလိုက်ပါလာသောအထိန်းတော်များ သူတို့နှစ်ယောက်ကိုစေ့စေ့မကြည့်ဘူးဆိုတာသိသော်လည်း ထယ်ယောင်းအလွန့်အလွန်ပင်ရှက်ရွံ့နေကာ အငွေ့ပြန်ချင်စိတ်ပါပေါက်ပါသည်။

လက်နှစ်ဖက်ဖြင့်ဆုပ်ကိုင်ထားသော ဝမ်ဂျွန့်နဂါးဝတ်ရုံကြီးရှိ ရင်ဘတ်နေရာအား လွှတ်လိုက်ပြီး လေသံလေးဖြင့်သာ ထယ်ယောင်းသတိပေးလိုက်သည်။ဒီအချိန်မှာ ဧကရာဇ်ရဲ့မျက်နှာကိုလဲသူမကြည့်ရဲဘူးလေ...။

"အ..ရှင် လွှတ် လို့ ရ ပြီ"

ကိုယ်ကိုကျုံ့ထားသောကြောင့်ယောင်းငယ်ခေါင်းကတော့အရှင့်ရင်ဘတ်ပေါ်တွင်ရောက်နေပြီး ထို့နောက် သူ၏နားဝသို့ တိုးညှင်းသောစူးရှသည့်အသံခပ်သြသြရောက်ရှိလာ၏။

"ဝမ် လွှတ်လိုက်ရင် မောင်မင်း ထွက်ပြေးသွားမှာပေါ့"

ပန်းနံ့တစ်မျိုးအရှင့်ဆီမှသင်းသင်းလေးရနေသည်။ဝမ်ဂျွန်သူ့မျက်နှာရှေ့သို့တိုးကပ်လိုက်သည့်အချိန်က ထိုရနံ့ကိုသူသတိထားမိသွား၏။

ဝမ်ဂျွန် အားမော့ကြည့်ကာ ဂတိအထပ်ထပ်ပေးနေရသည့်အဖြစ်ကလဲ တံတိုင်းကြီးသူ့အပေါ်ပြိုကျလာမှာကို တောင့်ခံနေရသလိုပဲ။အဟင်း! ဧကရာဇ်အရှင်က တအားဆွဲဆောင်မှုရှိတယ်လို့..

"အာ ကျွန်တော်ထပ်ပြီး ထွက်မပြေးတော့ပါဘူး။
ကတိ ကတိ!အရှင်မယုံဘူးလား ဟင်"

သံမဏိဖြင့်ထုဆစ်ထားသောနှုတ်ခမ်းတစ်စုံဟာ အထက်သို့အနည်းငယ်ကွေးတက်သွား၏။အရှင်က တည်နေတဲ့အချိန်နတ်ဆိုးတစ်ကောင်လို ဆွဲဆောင်နိုင်ပြီး ရီလိုက်တဲ့အချိန်မှာတော့ နတ်ဘုရားတစ်ပါးလိုချောသည်။ဒါ သူ အပိုပြောနေတာမဟုတ်ဘူး...ခင်ဗျားတို့လဲ မြင်ရင်အဲ့ထက်တောင် အမွှန်းတင်နေအုန်းမှာ။