uni
ထယ်ယောင်း ဝမ်ဂျွန့်ကိုသွားတွေ့ရမလားလို့ တစ်ယောက်တည်းတွေးနေမိတယ်။ဒီလိုမျိုးမပြောမဆိုနဲ့အပြင်ခိုးထွက်သွားတဲ့အတွက်သူမှားတယ်ဆိုတာသိပါတယ်....။
မေးထောက်ကာ အတွေးလွန်နေသော ကောင်လေးမှာ မိုးချုပ်ကာ တော်တော်ပင်နောက်ကျနေပြီကိုသတိမပြုမိသေး...။မီရာကတော့ အနားနားမှာခစားနေပင်မဲ့ သူမ အိပ်ချိန်ရောက်ပြီဆိုတာကို သတိပေးဖို့ ချင့်ချိန်နေသည်။
ဒီလိုမျိုးကြည့်နေရင်းမှာ ရုတ်တရက် တံခါးနှစ်ချပ်ဟာပွင့်လို့သွား၏။
"အရှင်က မွန်မြတ်ခြင်းရေစင်ကို လာခဲ့ဖို့မိန့်လိုက်ပါတယ်....။ကိုယ်လုပ်တော် ကင်မ် ကျေးဇူးပြုပြီး နောက်က လိုက်ခဲ့ပေးပါ"
ငယ်ငယ်ရွယ်ရွယ်ကောင်မလေးနှစ်ယောက်ဟာ ကျိုးနွံစွာ လာခေါ်တာကြောင့် မီရာနဲ့ထယ်ယောင်းတစ်ယောက်ကိုတစ်ယောက်ကြည့်မိလိုက်ကြသည်။အခုဆို ကိုယ်လုပ်တော်ယွန်းလဲမရှိတော့ဘူး.....ဒါကြောင့်လက်ရှိမှာ ထယ်ယောင်းကသာဘုရင့်အချစ်တော်တစ်ယောက်မှန်းအကုန်လုံးလက်ခံလိုက်ကြပြီဖြစ်မည်။
မီရာကတော့ ကာယကံရှင်တစ်ယောက်ထက်ပင် ပိုစိုးရိမ်နေပါသည်။ဟိုတစ်ခါကလို လိမ်လည်ပြီး ထယ်လေးကို ဆောင်ကြာမြိုင်ဆီပို့လိုက်ရင်ဘယ်လိုလုပ်မလဲ?? သူမစိတ်မချနိုင်ပေ။
"သခင်လေးကင်မ်သွားမယ်ဆို ကျွန်တော်မျိုးမပါ လိုက်ပါစောင့်ရှောက်ပါရစေ"
ကိုယ်ကိုကိုင်းလိုက်ရင်း လက်နှစ်ဖက်ယှက်လို့ခွင့်တောင်းနေတာကြောင့်ထယ်ယောင်း လက်ခံရန်သဘောတူပြီးမှ ကောင်မလေးတစ်ယောက်၏ကြားဖြတ်ပြောသံ။
"အရှင်က သခင်လေးကင်မ်တစ်ယောက်တည်းကိုပဲလာခဲ့ဖို့ပြောတာမို့...ကျေးဇူးပြုပြီးအခက်တွေ့အောင်မလုပ်ပါနဲ့ရှင်။ဒီကျွန်နှစ်ယောက်ကပဲ သခင်လေးကိုလမ်းပြပေးမှာမို့.. လိုက်ခဲ့ပေးပါနော်"
ဒုံမီရာတစ်ယောက်မကျေနပ်ပဲ တစ်ခွန်းထွက်ရန်ပြင်ပြီးမှ ထယ်ယောင်းမလိုက်ရန်တားလိုက်ရလေ၏။
"ကဲပါ။မီရာရယ်...တစ်ယောက်တည်းလဲရပါတယ်။စိတ်မပူပါနဲ့"
"ထယ်လေး...."
YOU ARE READING
𝑲𝒊𝒏𝒈𝒅𝒐𝒎 𝑶𝑭 𝑱𝑬𝑶𝑵 (Completed)
Historical Fiction"ငါကိုယ်တော် ချစ်မြတ်နိုးလွန်းလို့.. ထယ်ဂွန်းငယ်က ဆိုးနေတာ" ... #Warning# 𝐖𝐚𝐧𝐠 𝐉𝐞𝐨𝐧♡︎ 𝐊𝐢𝐦 acient historical fanfic both Z + U
