𝑲𝒊𝒏𝒈𝒅𝒐𝒎 𝑶𝑭 𝑱𝑬𝑶𝑵 (Completed)

ကလေးဆန်တဲ့ဧကရာဇ်အရှင်

//Extra// (အချပ်ပို ၂) unicode

ဆောင်းတွင်းသို့ကူးပြောင်းလာသည့်ကာလမို့ ရာသီဥတုကသိပ်မမှန်ချင်။ထို့ကြောင့် နဂိုနုနယ်လှသည့်ကိုယ်ခန္ဓာမှာ အပူအအေးတစ်လှည့်စီဖြစ်နေတဲ့ရာသီဒဏ်ကိုမခံနိုင်ပါ.....

တစ်ယောက်ထဲနေတဲ့အချိန်တွေဆို ထယ်ယောင်းမှာ ဘာကိုမှသတိမရတော့ဘဲ ပျင်းရိစွာအချိန်ကုန်တော့၏။

အရှင်ကလဲ သူ့ကိုဂရုစိုက်ပါတယ်လေ....
ဒါပင်မဲ့ ဒီရက်ပိုင်းကိစ္စအသေးလေးတွေကနေပဲ ကတောက်ကဆဖြစ်နေရတယ်...

ရာသီဥတုလေးများ အေးလာလို့လားမသိ အဆွေးဓာတ်ခံလေးက အာဏာပြချင်လာပြီ။ကိုယ်ကချူချာသည်မို့ စိတ်ကလဲ အထိခိုက်လွယ်သည်။

ဒီရက်ပိုင်း နန်းတော်ကြီးကလဲခါတိုင်းထက်အလုပ်ရှုပ်နေသည်မှာသိသာသည်။မင်းသားလေးဝူယောင်းရဲ့ မွေးနေ့မင်္ဂလာ က နောက်အပတ်ဆို ရောက်ပြီမဟုတ်လား....။ဘာလိုအပ်ချက်မှမရှိတဲ့ ဝူဝူးလေးကို ဘာပေးရကောင်းမလဲလို့စဥ်းစားနေတုန်း....ကိုယ်မှာဆောင်ဖို့အတွက် အမွှေးအိတ်လေးတစ်ခု ကိုယ်တိုင် ပြုလုပ်ပေးရန် အကြံရသည်။

ဒါကြောင့်ချည်ထိုးအမွှေးအိတ်တစ်ခုရဖို့ထယ်ယောင်းကြိုးစားနေရပါသည်။မလုပ်တတ်တဲ့အစပိုင်းမှာ ထယ်ယောင်းလက်တစ်ခုလုံး အပ်ပေါက်ရာများဖြင့်ပြည့်နေတော့သည်....။

ဂျွန်နဲ့ရန်ဖြစ်တာ အဲ့အမွှေးအိတ်ကိုလက်ဆောင်ပေးဖို့ပြောရင်းကနေ ထယ်ယောင်းအနာတရဖြစ်မှာဆိုးလို့ ဝမ်ဂျွန်ကတားမြစ်တာကနေစတာဘဲ...။

အခုက ထယ်ယောင်း တစ်ယောက်ထဲ ဝမ်ဂျွန်မသိအောင် ခိုးလုပ်နေခြင်းဖြစ်ပါသည်။

ဒါကြောင့်ဒဏ်ရာတွေကနာတဲ့အကြောင်း အရှင့်ရင်ခွင်ထဲတိုးပြီး ချွဲပြလို့မရတော့ဘူး...ဟင်း..

"ထယ်ဂွန်းငယ်..."

လက်ဖက်ရည်ဆောင်ထဲမှာ မလှုပ်မရပ်ငေးနေပါသော သူ့ကလေးငယ်...။ဂျောင်ကုလာတာကိုမြင်ပုံမရ....။

အနောက်ကနေ ခြုံလွှာတစ်ခုကို ထယ်ဂွန်းလေးကိုယ်ပေါ်ခြုံပေးရင်း သိုင်းဖက်လိုက်တော့မှ ခေါင်းလှည့်လာပါသော ပေါက်စလေး...။