"အသင် ကိန္နရာ ခင်ပွန်းမဟုတ်ဘူး အဆွေခင်ပွန်း မိတ်ဆွေလို့ ဆိုလိုတယ်"
သုမဏိရှင် ယုဒ္ဓဓနုကိုပြုံး၍ကြည့်ကာ ယုဒ္ဓဓနု ဆံနွယ်လေးတွေကို ကိုင်တွယ်လိုက်သည်။ဆံနွယ်လေးတွေက နူးညံ့မနေဘဲ သန်မာနက်မှောင်၏။
"မိတ်ဆွေမဖြစ်လိုဘူး"
သုမဏိရှင် စကားကြောင့် ယုဒ္ဓဓနု ခပ်ရွဲ့ရွဲ့မေးလိုက်၏။
"မိတ်ဆွေမဖြစ်လိုတော့ အသင်ကဘာဖြစ်ချင်နေသလဲ"
"ကျွန်ုပ်က အရှင့်ရဲ့အချစ်ဖြစ်လိုတာပါ"
ယုဒ္ဓဓနု သူ့ဆံနွယ်တွေကိုကိုင်တွယ်နေတဲ့ကိန္နရာရဲ့လက်တွေကိုရိုက်ဖယ်လိုက်သည်။
"အချစ်ဆိုတာ ဘာလဲ ကိန္နရာ ငါ့အသက်က ဆယ့်သုံးနှစ်ပဲရှိသေးတယ် အချစ်ဆိုတာကို ငါမသိဘူး မင်းပြောတဲ့အချစ်ကိုလည်း ငါမပေးနိုင်ဘူး"
ကိန္နရာက လေးလေးနက်နက်ပြုံး၏။ယုဒ္ဓဓနု မျက်မှောင်ကြုံ့လိုက်သည်။ထိုအပြုံးကို ယုဒ္ဓဓနု မကြိုက်။သူ့တစ်ကိုယ်လုံးကို ဖောက်ထွင်းသိတယ်ဆိုသည့်အပြုံးမျိုး။
"ထားပါလေ ဒီလက်ကဒဏ်ရာကို အရင်ဆေးစည်းရအောင် ဟောဒီ ဒေဝဒါရုတောင်ဟာ နတ်တောင်ပဲနတ်ဆေးမြစ်တွေရှိတယ် အရှင့်လက်က တစ်ခဏအတွင်းပျောက်သွားလိမ့်မယ်"
သုမဏိရှင် မင်းသားငယ်လေးကို ဆွေ့ခနဲကောက်ပွေ့လိုက်သည်။ယုဒ္ဓဓနု လန့်သွားကာ သုမဏိရှင်လည်ပင်တိုင်ကိုခပ်တင်းတင်းဖက်လိုက်သည်။သုမဏိရှင် မင်းသားငယ်လေးရဲ့အပြုအမူကြောင့်စိတ်ထဲကျေနပ်သွားပြီး တောင်ပံကိုဝံ့ကြွားစွာခတ်လိုက်သည်။သုမဏိရှင် မင်းသားငယ်လေးကိုပွေ့ကာ ပျံသန်းလိုက်၏။
"အားးးး ဖြည်းဖြည်း"
ယုဒ္ဓဓနု ဆံနွယ်တွေကလေကြောင့်ရှုပ်ထွေးနေပြီး မျက်လုံးသေချာမဖွင့်နိုင်ဖြစ်နေသည်။ကြောက်ရွံ့မှုကတိုးဝင်လာကာ မသိမသာအောက်ကိုငုံ့ကြည့်လိုက်သည့်အခါ ယုဒ္ဓဓနုရင်ထဲအေးခနဲဖြစ်သွားပြီး မျက်လုံးမှိတ်ကာ သုမဏိရှင်ကို ခပ်တင်းတင်းဖက်ထားသည်။
"ငါ ပြုတ်ကျလို့ကတော့ အသင့်အမွေးတွေအကုန်နှုတ်ပြီး ငှက်တောင်ပံကင်စားမယ်"
YOU ARE READING
အချစ်နှင့်ကိန္နရာ( Completed)
Fantasy"ကျွန်ုပ်ဆုံးရှူံးခဲ့တဲ့အရှင့်ရဲ့အတိတ်ဘဝလည်း ကျွန်ုပ်အပိုင် ယခုဘဝလည်း ကျွန်ုပ်အပိုင် အရှင့်ရဲ့သံသရာ အဆက်ဆက်ဟာ ကျွန်ုပ်အပိုင်" အချစ်ကြီးပြီးအစွဲအလမ်းကြီးတဲ့ကိန္နရာနဲ့ ရေမြေ့သခင်ရှင်ဘုရင်တစ်ပါးတို့ရဲ့ လှပသော ဆွယ်ပျံ့ဖွယ်အချစ်ဇာတ်လမ်းလေးအကြောင်း St...
