رواية
" مُلاذ أمن "
تعويض ع امس دمجتلكم حلقتين مع بعضهم ، يعني طويلة شوي 💙✨
تفاعلكم يبنات 💙.
الحلقة الرابعة " 4 " ✨
مروان : فاهم عليك ، حتى اني ملاحظ
- يوسف : وشن الحل
- مروان : نخلوه للوقت
- يوسف : لو فعلا يلي شاكين فيه عنده يعني حينضر هوا ؟
- مروان : هوا مش متأزم هلبا لين نشوفوله دكتور ، بعدين انت شايف عقل هشام يستوعب علاج نفسي ؟
- يوسف ( شبح لعيون مروان يحاول يفهمه ) : اول امس شافه محمد صاحبه وقال نفس الكلام، هشام يلود زي المتجقجق وعقله مش ف راسه ، كيف تبينا نخلوه هكي ، اليوم ليه اسبوعين خاشيين ف التالت بنفس الشكل ! ويلي يشوفه يقول خيره ولا زي المهبول !
- مروان : يستر الله توا بعدين ساهل
- يوسف ( فهم كإنه يوزع فيه ) : خلاص اماله يصير خير
- مروان : ع خير
سلم عليه ومشي لسيارته ويشبح ف هشام من بعيد يدخن ويخبط ف راسه !
بنفس الوضعية ..
هشام الراجل يلي من قوة شخصيته الكل يهابه ويديرله ف حساب وكل من حد ميعرفاش ويشوفه يقول : وصل الواعر !
كانت كلمته وشخصيته بارزة مع الكل وحنيته وحبه ل عيلته كانت اول حاجة في قائمة اهتماماته يلي ع وجه كل مايكلمه حد ولا يشوف حد يعرفه ،
كانت ليه هيبة بين احبابه ؛
بس توا !
كل شي انهار ، انسان ضعيف ومهموم وديمة يبكي ويخبط ف راسه ،وكان واقف فمعناته يفصل ف مكانه ويدور وبسس ويخبط ف راسه !
بدي زي المجنون ، يعاود ف الكلمة عشرة مرات ويلكلك ف كلامه ويخبط ف راسه من لما يفيق لين يرقد ، راسه كله مخبوط واحمر ومدمم من كتر الضرب !
خش ف حالة نفسية من المرحلة الثالثة ،
كلهم عرفو وحسو بيه ! حركاته مش حركات انسان فاقد وحازن علي حد بس !، هشام ف حالة نفسية ميطلعش منها الا بمعجزة لانه يشوف ف العلاج النفسي شي ك عار ، وكل حد من عيلته مش متخيلين الفكرة !
فكيف هوا بيستقبلها ؟!
" تطرق المتاهات بابنا ونستقبلها في ترحاب لتستقر داخلنا ! "
#مرام_معتوق 💙
_________________
- نجلاء : وين كنتي ادوحي للوقت هاده ؟ الحوش مش فندق لحضرة جنابك
طبست سبين ترمي ف كندرتها وتحول ف عبايتها وعلقتهم ع الشطار ومبتش ترد علاها
- نجلاء ( بصوت عالي ومسترجل ) : هييييييي نكلم فيييك يا حمارة ردييي
- سبين ( ببرود وهيا متلفتة ) : ملكش علاقة
جتها اختها نجلاء بعد كانت مستنية اللحظة هادي مش تضربها ،
قربت منها وشدتلها شعرها بايد وضربتها ع جنبها بايدها التانية
اما سبين نتشتها من ايدها بقوة مش تطلقها ،
عيطت نجلاء بقوة وحطت ايدها ع مكان النتشة وكانت بتقرب من سبين وتضربها اكتر بس سبين هربت منها وهيا تهزب فيها وركبت تجري ل دارها وسكرت الدار
