رواية
" مُـــلاذ أمـــن "
الحلقة السابعة والعُشرون " 27 "
روح هشام العصر واول ماخش حوشهم شاف خالته ام لجين مقعمزة مع امه ف الصالون
سلم علاها وع امه وقعد واقف قدامهم يهدرز عليهم ويبين ان مافيشي شي مع ان كان واضح ان خالته عارفه .
ولانها عارفه قعد متعصب من سؤالها ..
⁃ هشام : امورك طيبة ؟
⁃ ام لجين : الحمد لله كان تقولي خيرك مزعل بنتي هااا ؟ خيرك معاها
⁃ ام غزل : هشااام خيرك معاها خيرك مرفعتهاش فعلت قيدها زيها زي اختك وملك ؟
⁃ هشام ( وحهه نقلب 🤨) : نعم ؟ خيرك يُما ؟
⁃ خالته ام لجين : نبصر عليك مدورش توا نلقوكم تبصرو وتضحكو ،
⁃ ام غزل : لالا عاد يتحشم شويه ويكبر وميحطش عقله من عقل لجين
⁃ ام لجين : حتى بنتي مش هوينه ديما تناشب فيه
⁃ ام غزل : ......
طلع هشام و سيبهم ف نص كلامهم وركب ل داره .........
استغربو فيه امه وخالته وحسو الاتنين ان شي كبير صاير وام لجين كانت عارفه بنتها هي السبب
ركب هشام لداره وهوا متعصب ، قعد يدور ف داره
كانت اعصابه متسنجه بعد كلام امه وخالته وهوا الشي مضايقه اساسا ، وجعاته من لجين يلي يعزها معزه خااصه وخذلاته .
ركب ل داره وقعد يدور ف الدار يتفكر ف لجين وكلامها والخوف يلي ف عيونها يلي كان واضح ليه هوا بس رغم القوه يلي كلماته بيها بس كانت خايفه منه ..
تفكر وزاد اضايق ..
خش للحمام ودوش وحاول يسترخى هلبا ويرخي اعصابه .
طلع من الحمام وكان جسمه فاشل ومش مصحصح
قعد يدور بين حوايجه يلي ف اخر الدولاب وكان حاط فيهم حبوب من علاجه . يلي قاله الدكتور يستمر عليهم ..
وكان داسهم لان محدش يعرف بالحبوب الا قصي و .. ولُـــجين .
خدي حبة وهوا مُستاء ومضايق من لجين يلي وجعاته منه بجد .
خش لسريره وبسرعه راح ف سُبات عميق .
_________________________
عند سبين ف دارها كانت تقرا وتفكرت غزل ..
اتصلت بيها وقعدو يهدرزو ع الكُلية وموادهم وكيف حيبدا والتوقيت وكل شي ع الجامعة .
كانو يهدرزو وكل مرة موضوع ومنسجمين
حكتلها غزل ع يلي صار ل لجين وهشام وسبين انصدمت
⁃ غزل ( تكلم ف سبين ) : تعرفي اول مرة هشام يمد يده نصدمناا
⁃ سبين ( بصدمة ) : كداااابه 😮😮😮
⁃ غزل : والله ، اني وملك قعدنا ع اعصابنا طول الطريق
⁃ سبين : لجييين هادي ربي يهديييها ليش تقوله هك؟!!!!!
⁃ غزل : متجيش بكككل ، هشام تخيلي يقعمز يحكيلها ويشكيلها وهي صدماته ، وخوديها مني هشام معاش يرجع كويس مع جيجي حيقعد يعاملها عادي زي بنات عمي مش حتكون جيجي زي اخته وصاحبته
⁃ سبين : لاااا ان شاء الله مش ميصيرش هك راهو هشام وجيجي زيك انتِ وملك معاه يعني عشره عمر مستحيل لالا
⁃ غزل : خوي ونعرفه توا تشوفي ، كان معجزه بس تغير افكاره !
⁃ سبين : متندريش مرات غر يخوف فيها ف لحظتها ولانها ووجعاته توا كم يوم ويتصالحو
⁃ غزل : ماعندي مانقول غير ان شاء الله بس
⁃ سبين : خير .. حقا بعدين افتحي نت مع 8 عندي صور ليك
⁃ غزل : كدااااابه . صور شنييييي بالله مذلينيش
⁃ سبين : 😂😂 متخافيش صور حلوة ، لقيتهم ف تلفوني ، لما جيتوني مصوره وطالعة حلوة 🤤
⁃ غزل : اييي صح نسيت نقولك ابعتيهم ، خلاص بعدين ابعتيهم ونهدرزو ع النت
⁃ سبين : تمام ، اصلا توا بننزل بنشوف يوسف ولا سفيان قبل مايطلعو يرفعونني ل جيجي نشوفها شوية .. شن رايك
⁃ غزل : منعرفش انت عارفتيها لما تنوض علاها تجيها عليا وع ملك وكلهمم الا انتِ تستقبلك ، ومش عارفه تلقيها نايضه ولا راقده اصلا
⁃ سبين : نجرب ن بعت مسج كان ردت نمشي وكان هذا نأجلها حتى بالتلفون بس
⁃ غزل : خلاص شوفي روحك . هيا سبين اني بنمشي نشوف العشي شن مدايره ماما جعانه وقاعده من غير غدي
⁃ سبين : ت كوووولي وانتِ وليتي حالة كولي
⁃ غزل : ناكل ناكل ، هيا خلاص نتكلمو بعدين
⁃ سببن : تمام زيزي ،باي باي
⁃ غزل : سلام
