رواية
" مُـــلاذ أمـــن "
الحلقة الثامنة والعشرون " 28 " ✨
الجزء الاول ✨
خشت للمحل وخدت هلبا حاجات وروحت بيهم للفيلا وحطتهم ،
قالتلها امل ان لجين ف الحمام بس مقالتلهاش اي حاجة
طقت سبين ع باب الحمام ومردتش علاها لجين
طقت اكتر من مرة ومردتش ولا في صوت ف الحمام ، خافت سبين فجأ وحست ان في شي صار ل لجين .
كانت اطق بالشوية ومتبيش تخلي الامهات يحسو علاها ...
- سبين ( مقربه من الباب وتوشوش) : لجيين ردي عليا ، مافي حد هني
- لجين ( جمعت انفاسها وهي واقفه قدام المرايا وتحاول ترد قوتها بس كل ماتشوف مكان الكف تقعد تبكي ) : لحظة
كانت لجين تغسل ف وجهها للمرة العاشره ، مسحت وجهها بالفوطة وكان وجهها احمر .
فتحت الباب وطلعت وهي منزله راسها وسبين تشوفلها بتفحص ولما مقامتش راسها مسكت سبين وجهها وقامت راسها ..
ولجين بعدت ايدها بلطف ومشت للدار ...
مشت وراها سبين وسكرت الباب .
- سبين : خيرك ؟ خيرك بكيتي ؟
- لجين : اطلعي وخلي الباب مسكر بنرقد ..
- سبين : نوضي .. بنفهم منك .
- لجين : سبيييين ، خلينييي واطلعي
قالت لجين كلمتها الاخيرة وصوتها هرب من عبرتها 💔.
- سبين : تكلمييي لجين شن صار معاك مش حنخليك ع راحتك هالمرة
- لجين ( مسحت وجهها ووقفت وطلعت من الدار بسرعه وهي تخلل ف شعرها بايداها وتحرك ف راسها يمين ويسار بحركة سريعة ) : خليييني
طلعت لجين من الفيلا ومن جنان الفيلا من غير حجابها ومن غير شي ف رجلها ...
استغربت فيها امل وكلمتها بس لجين مردتش ..
طلعت سبين ورا لجين ولما شافت لجين طلعت بسرعه قربت من امل وخدت منها وشاحها يلي ع رقبتها وطلعت ورا لجين يلي كانت ماشية ورا الفيلا وين مافي ممر معشب وفيه كراسي خشبيات ..
قعمزت لجين ومكانتش طايقة شي ..
قعمزت وعيونها دموع وكانت متمنية متحكيش حرف ل سبين بس مش متزيدش تبكي !
وطلعت من الفيلا بس مش متفقدش سيطرتها ع دموعها قدامهم ...
كانت مبلولة وحوايجها جفو علاها وشعرها كيف بادي يجف وكله ويفي ونازل ع وجهها وهي منزله راسها
- سبين ( فتحت يداها ومسكت لجين وقربتها لحضنها ) : تعالي تعالي
حضنتها سبين ولجين كانت متماسكة بس قلبها بيتقطع ومش متحملة ،،
سبين كانت تمسح ع شعرها وتكلم فيها .
- سبين : هاذه هشام وله ؟ ليش هالبكي هذا كله يا جيحي ليش دايره ف روحك هك ؟
- لجين : سبيين بالله اسكتي
- سبين : احكيلي نفهم ..
