رواية
" مُلاذ أمن "
الحلقة الواحدة والعشرون " 21 " ✨
كانت سبين مقعمزة ف سريها ، ف ايداها شيت قوانين وملحوظات للجامعة تقرا فيهم للمراجعة
طق باب دارها وكانت حنين
خشت حنين للدار وجها ذابل وعيونها حمر كإنها باكية هلباا
مع انها الشي يلي مستحيل يطلع منها انها تبكي ..
- حنين ( بصوت مخنوق ) : سبين نايضة ..
- سبين : ايه
- حنين : ام خطيبي اتصلت بيا وقالت بتفسخ
- سبين : كنت متوققعة 🤦🏻♀️ .. وهو شني ؟
- حنين : كلمني اول امس يتكلم باسلوب زفت ويهين ونازل في عيلتنا وتعاركت معاه ، ومعاش كلمني
- سبين : فيه خيرة ليك يا حنين ، اني مش عاجبني وضعك معاه نهائي ، تحسيه مش انسان صافي ف نيته وحياته ، وربي مدارلك هكي الا فيه خيرة
- حنين : اصلا اني كرهته ومكنتش نبيه
- سبين : اماله ليش متأثرة
- حنين : مش متأثرة عليهم اني ..
- سبين : في شي ؟
- حنين ( مسحت وجهها وعيونها دمعو ) : مرة طلب مني 7 الاف وعطيته معاش عرفتت
- سبين ( بصدمو وصوتها كان عالي ) : شنييييي يا نهار احرررف
- حنين : اسسسسكتي راهو خوتك يسمعو بالله
- سبين : كييف كييف ٧ الافف كيف يا حنين وين عقلك
خشت عليهم أمل
- أمل : حكتلك الغبية هادي ؟
- سبين : حي ع الغبارة السوودة حيي
- أمل : هي تخدم وتتعب وكل مرة تبزنس ف خدمة ف الاخير يجيها ثور هكي عرضه يطلب فلوس تعطيه
- حنين : الموضوع ليه سننة راهو مكنتش عارفاته كويس
- سبين : مافيش مااديري توا الفلوس هووب معاش تحلمي بيهم
- حنين : بعتتله مسج يردلي فلوسي لقيته حظرني
- أمل : يا كبديييي مطيحنا فيهم
- سبين : قالتلك امه ع حاجتهم يلي جابوهالك ؟
- حنين ( بهزوة ) : هه طبعا
- سبين : اتصلي بيها قوليلها قفطان البيان والتلفون ويلي جايبهولك مش حترديه لين يجيبلك فلوسك
- أمل : توا تحسابك بخيلة فوتيها
- سبين : حقهااا حقها راهو سبعةلاف يا أمل ، القفطان والتلفون يلي جابوهولها حق الفلوس متاعها يمشو يملحو
- حنين : توا كان يقولو ل خوتي يبو حاجتهم اني شن نقول لخوتي
- سبين : سفيان حيقلب الدنيا ، لكن توا نتكلمو معاك
- حنين : راسي بيتفجر
- أمل : تستاهلي ، يوم قتلك افسخي انتِ قلتي لا
- حنين : منحسابش بصير هكي
- سبين : صار خير وربي يعوضك بغيره واحسن منه
قعدت حنين تشوف للارض ومتأثرة ، تسمع ف كلام سبين وتلوم ف روحها مليون مرة
طلعت امل من جنبهم وخدت وسادتها وبطانيتها ونزلت جنب امها
طلعت حنين ل دارها وراسها بيتفجر من التفكير والصداع
اما سبين كانت مقعمزة وشادة تلفونها وتفكر ف اختها
فتحت النت ولقت مسجات ع قروب من ملك وغزل ولجين ..
ويسألو فيها شن صار معاها
قرت المسجات وهي تضحك عليهم كيف خلاص يتكلمو ع محمد وبس ..
وبالعكس هي مزعجهاش الموضوع ❤
