رواية
" مُلاذ أمن "
الحلقة السابعة عشر " 17 " ✨
كان قصي يلود ف المزرعة ويدور ف هشام يلي اختفي ليه اكتر من اربع ساعات ومن غير اي علم لقصي
فجأ لمح شجرة صنوبر ع حد المزرعة وكان جنبها فروع شجر بكمية كبيرة جنب مردونة للفحم .
قرب منهم بالشوية وكان خايف يكون في كلب ولا ذئب لانه كان في ذئاب هلبا ويشوفو فيهم من بعيد ..
قرب بالشوية وخاف من المنظر
كان هشام راقد ع جنبه ومربع ايديه ع بطنه ومتقرفِص ف نفسه ، قعد ف شكل خلا قصي يحس انه فيه شي صايرله ومغمي عليه
قفز قصي بقوة ويعيط وخض هشام بقوة : هشااااااام
نخلع هشام وقعمز بسرعة ويشوف لقصي بعيون نعسانة وكلها نوم ومتعصب .
مكانش يحساب روحه راح ف سابع نومة من غفوة خداها ع غفلة منه ، تفكر روحه وانتبه ع نفسه وتفكر انه كان يتمشى ف المزرعة فترة طويلة ولما تعب من المشي قعمز جنب المردومة والحطب .
استغرب ف روحه كيف رقد ع الارض !
بعد ١٠ دقايق من الاستغراب والكلام المتقطع بين قصي يلي ف قلبه اكتر من شعور متلخبط عليه بين الفرحة والارياحية من ناحية هشام وتعوده ورجوعه لحالته الطبيعية
- هشام : اعطينا التلفون يا راجل من الكساد فصلت المزرعة
- قصي : خلي نزيدو كم يوم
- هشام : نبي نكلم اميي بااه
- قصي ( طلع تلفونه من جيبه ) : كلمها وكلم يلي تبيه بتلفوني شد
- هشام ( سكت مع انه كان خاطره يرد ويناقش ) : هات هيي
خدي هشام واتصل ب امه يلي تكلم فيه بترحاب وصوت كله فرحة ، سألها ع اخته وقالتله انها عند لجين هي وملك ...
هدرز علاها ما ريح باله وطيب خاطره ، وصاها تسلمله ع بوه
سكر منها واتصل برقم غزل وزي كل مرة غزل ديما تلفونها صامت ومحدش محصلها ...
كتب رقم لجين واتصل بيها
اما قصي قعد يدخن بعيد ع هشام ويتمشى وكل مرة تحت شجرة من شجرات الصنوبر يلي ع الحد
كانت لجين ف دارها تتملل وفي داخلها تسحن في داخلها كيف روحو وخلوها ،
كانت تبيهم يقعدة ويهونو علاها ؛ او بالاحرى تفش غلها فيهم
كانت تلوم ف روحها طول الوقت ، طيحة راسها مكانتش متوقعة ولا كانت راضية ع يلي هي فيه .
شافت تلفونها يرن جنبها ، تكاسلت انها تمد يدها وتشوف من المتصل .
في نص المكالمة زعجها صوت التلفون ف قررت ان تشوف من صاحب الازعاج
قعمزت ولما شافت رقم قصي فرحت وارتاحت وحست بشعور غريب
فتحت الخط وردت بحماس
- لجين : هلااا يا خال العُروبة
- هشام ( ابتسم ) : معاك هشام ولد اخت خال العروبة
- لجين ( بصدمة وفرحة ) : هشوووم المعفففن ، غريببة متصل بيا من يوم سافرت ومفكرتش تكلمني يا بيوووع
- هشام ( يتكلم بصراحة واريحية ) : من قال ناوي نكلمك ! الحق ينقال فرفورة . شن امورك انتِ
- لجين ( فجأ قلبها قبضها وحست بروحها انخنقت بس كملت وتحاول متحسسش هشام يلي متعود معاها بالاسلوب هذا ) : كنت تبي خالتك ؟
- هشام : لالا نبي نششوف غزل شن وضعها قالت امي عندك
- لجين ( حست بروحها انغمت من المكالمة ) : املا روحت هي وملك كلم ملك توا تحصلها ، هيا هشام ماتبي شي
- هشام ( مستغرب وكإنها مش لجين يلي يعرفها ) : عندك ماديري ؟
- لجين ( مكانتش تبي توضح وحاولت تتكلم زي قبل ) : ماعندي ماندير بنسكر وبنرقد ازعجت سكينتي الحق
- هشام : هي يا حاجة سكينة.. سلمي
