رواية
" مُلاذ أمن "
الحلقة السابعة " 7 " ✨
- ملك ( متوترة ) : كلموني عيلة نسرين يلي خطبناها ل قصي ، قالولي تعالو خودو حاجتكم وكل حد ف طريقه ، اني مش فاااهمة حاجة بس قصي يحبببها يحببها ،
- لجين & سبين : مستحيييلا
تلفتتلهم غزل وانتبهت معاهم بس هما سكتو ولجين قعدت تغير ف الموضوع
- لجين ( تحك ف جبتها ) : ءاا اني بنجيبهم الحاجات لا انتِ لا سبين
شبحولها ملك وسبين كيف توترت وضحكوا رغم وجعهم ع قصي
- سبين : زيزي ، احني توا بنطلعوا بنجيبوا حاجة نفطروها مع بعض ونجوكم
- غزل ( تشبحلهم وكإنها تقوللهم انقذوني من ماما وخالتي ) : متعطلوش بس
- ملك : تمام ، حصص ممتعة مع خواتي
طلعوا هما التلاتةووقفوا ف جيهة بعيدة ع حجرة غزل
- ملك : اني مش عارفة كيف حنقولو ل قصي
- سبين : كلمتاها نسرين ؟
- ملك : كلمتها قريب خمسة مرات امس مردتش عليا
- لجين ( طلعت تلفونها وهي متعصبة ) : خلي نجربهاا اني.. ناس قليلة اصل
- سبين : مافيش اصحاب باهية ، نسرين مقدرتش صحبتها هي وغزل ، اصلا موقفتش معاها ، لو تعرف غزل تزيد تتعب
- لجين ( حطت ايداها ع راسها ) : ياربييييي معاااش نبي ننصدم اكتتر ، وووه ووه
قعدت لجين تحاول لين ف الاخير ردت علاها
- نسرين ( خطيبة قصي وصاحبة غزل ) : الو
- لجين : أيوا ، اكيد عرفتيني ؛ مش معقولة حادفة ارقامنا وحاجاتنا قاعدين عندكم ،
- نسرين ( بصوت عادي جدا ) : لجين ؟
- لجين ( فتحت المايك ) : اهلك مرضوش ب قصي ؟
- نسرين ( بلامبالاة ) : ليش يهمك ؟
- لجين : مرضيتيش بخالي من غير ايد انتِ ولا اهلللك ؟
- نسرين : اني
لحظة صمت ع الكل ، ملك وجعها خوها وقعدت تتخيل ف ردة فعله ،
نفس الشي سبين فكرت شن ممكن يصير ل قصي يلي دامت علاقته معاها لسنتين وفرحان بيها
اما لجين كإنها استمدت قوتها من كلمتها ، كل شي الا حد يوصل ف عيلتها
- لجين : قلتي لقصي ؟
- نسرين : مش ملزومة نقوله انتو عيلته
- لجين : مستووعبة نسرين شن تقوولي
- نسرين : اي مستوعبة ، منرضاش بواحد ناقص زي قصي ، متخييلة روحك تقدري تعيشي مع راجل ناقص ؟ كان انتِ ترضي اني منرضاش نتقزز من الشكل هكيي
ملك & سبين : 🤐
- لجين ( بصدمة وردت بقوة وبصوت كل شوي يعلا ) : خليك عارفة ومتأكدةةة حيجييك يوم وحتقعدي زي الكلبة ، خليييك عااارفة انكك خسرتي راججل يا كلبة يا مغروورة ، وحيجييي يووووم نتشمت فيك يوم يلعب بيك عيييل يا مضحككة ، وتييلي حاجاتنا كلهههم بنحاااسبك عليهم بالجرام ، جايااتك هييي وربي نبهدل فيتك كلها تنقصي حاجة يا كلبة يا حششرة يارخييصة
سكرت لجين ف وجها وهي من الجيهة التانية تلعلع ومسكتتش بعد سمعت اهانة من لجين مسحت بيها الارض
