رواية
" مُلاذ أمن "
الحلقة العاشر "10" ✨
فتحت تلفونها وانصدمت لما قرت مسج يوسف
قعدوا عيونها مدمعات من الخوف ،
( ديري بالك ع الحوش وتنقصك حاجة كلمي سفيان وديري بالك من خواتك توا بيستغلوا غيابي ويضايقوك بس يديرولك شي بري ل سفيان يربيهم ، امي منوصيكش علاها ، اني ماشي للشرق مسافر بسيارة تلاتة اربع ايام ومروح )
قعدت تتصل بيه وترعش ، مكانتش تحسابه بيمشي مع صحابه ، كانت تحسابه بروحه وخايفة من الحوادث والخطف !
- يوسف ( قام التلفون وهوا ياكل في التوست وابتسم ) : عرفتها والله ^ فتح الخط ^ ايوا سبين
مجرد مسمع محمد اسمها قعد منتبه معاه وشن يقول ❤
- سبين ( كان صوتها حاد ) : يوووسف روووح لحوشك مش وقته السفر وتغيير الجو توا كيف تقرر هكي ع الفجر تبعتلي وتتسققد
- يوسف : غر فهميني شن نوضك ع الفجر انتِ
- سبين : نصليي نضت نصلي وبنولي بنرتاح نشوف المسج مش معقول انت يوسسسف
- يوسف ( كان يبتسم وفخور باخته 💙 ) : خليك ديمة مواضبة عليه وخييتي ، بعدين اني ماشي مع محمد وهشام وقصي ومش اني يلي انسوق اطمنيي
- سبين ( خبطت راسها وتفكرت هشام وعلاجه يلي حكتلها عليه لجين وغزل وملك ) : ااااههه حقق نسييت بس مفروض مترعشنيش ع الفجر ربي يسامحك بسس
وصلو الشارع ولقو هشام وقصي ومروان وبو هشام قدام الحوش يستنوا فيهم
- يوسف : هيي اني وصلت ، بنخلي المفتاح عند لجين اليوم تجي تاخديه وتمشي لحوشي اضميه ، طلعنا خلينا الطاولة زي ماهي ، وسيارتي كلمي سفيان يحطها ف قراج حوشي وسكري البيبان بالمفاتيح وروحي بسرعة متعطليش ،
درس محمد قدام الباب وهوا فرحان كإنه هوا يلي يكلم فيها مش يوسف 😂❤
- محمد : هاا شبيبة عطلناكم
- يوسف ( كمل المكالمة ) : في امان الله ، ^ سكر التلفون ونزل ويحط ف الشناطي في الكوفني مع مروان ^ هاك المفتاح يا مروان ، هاده متاع حوشي خليه عند لجين توا بعدين تجي سبين اختي بتاخده منها
- مروان : خلاص يوصلهم ، وانت ومحمد ديروا بالكم ف السواقة عارف الحوادث كاترة حتى توصلو بعد ٢٤ ساعة كاملة مش مشكلة سيارة كبيرة ترقدو فيها رقاد
- يوسف : متوصيش ان شاء الله سالمين ادعولنا بس
- مروان : منور خونا
بعد لحظات ركبو السيارة واول ماطلعو من طرابلس كلهم رقدوا ومحمد يسوق ويغني بروحوه 😂
كلهم سهرو ومرقدوش الا ساعة ساعتين الا محمد كان عارف انه بسوق ورقد من ٩ مش يقدر يركز ف السواقة
علي الساعة 10 شرين تلفون محمد وكان شخص مهم بس مش حيقدر يتكلم ومعاه هشام وقصي !
درس السيارة وكلهم فاقو من نومهم
- يوسف : شن فيي
- محمد : شوي بسس مكالمة وبناخد امية
