رواية
" مُلاذ أمن "
الحلقة التاسعة عشر " 19 " ✨
بعد لحظات سكتو هما الزوز وقعدو يسمعوا ف صوت خطوات رجلين حد يقرب من الباب ، وبعدها سمعو جرس الحوش ..
وقفت سبين ومشت قدام الباب
- سبين ( بتركيز ) : مني ؟
- محمد ( ابتسم وحط يديه ع صدره وحاس في داخله معبي مشاعر فرحة وحب بس لان بيسمع صوتها ❤) : سفيان قاعد ؟
- سبين ( حست انها عرفت الصوت بس تكدب ف روحها ) : سفيان طالع
- محمد ( حط ايده ع لحيته الخفيفة وزادت ابتسامته ) : يوسف ف الحوش ؟
- سبين ( حطت يداها ع وجهها وتشوف ل لجين يلي تشوفلها وواخدة رايكش متاع " مين هذا " ) : يوسف راقد مني نقوله ؟
- محمد ( سكت شوية ورد بصوت هادي ❤) : محمد ، قوليله محمد يبيك
سكتت سبين وقعدت توخر ، اما لجين حاطة ايداها ع فمها وشادة ضحكتها وتخبط برجليها ع الارض .. قعدت سبين تأشرلها تسكت ولما خلاص معاش قدرت قعدت تخبط ف وجهها وخشت تجري ل يوسف تنوض فيه 😂❤
اما لجين خشت وراها وركبت ل دار سبين بعد ماقالت ل أمل ، قعمزت ع سريرها واطربقت ضحك ع وجه سبين يلي قعدت مسبلة عيونها وولت حمرة فجأ
- سبين : يوسف يووسف يوسف نووض جاك محمد صاحبك
- يوسف ( فتح عين ومسكر عين ) : من محمد وينه
- سبين : نوض صحصح قال محمد و يبي يوسف نوض هيا
قعمز يوسف وصحصح كويس وطلع فتح الباب محمد وسبين ركبت تجري ل لجين
- محمد ( قرب منه وسلم عليه بالحضن ) : ها يا غالي منور
- يوسف ( مستغرب في نشاطه ) : بوجودك صحيبي ، خش خش تفضل
- محمد ( خش للجنان ) : شن امورك والوضع العام
- يوسف : رايضة محظور في الحوش والله ^ وضحك ^ هي خش للمربوعة
- محمد ( شاف ع يمينه وين مافي كراسي ) : استنى خليك هني شوي وطالع
- يوسف : خش قعمز هي .خلي نخش للحمام ونجيك هي
قعمز محمد اما يوسف خش للحوش طق ع الباب وقال : امل ، سبيين ، متطلعوش الجنان معاي الولد
سمعاته امل وحنين واما سبين كانت ف دارها مع لجين
قعمز محمد وهوا يضحك بروحه بروحه وفرحان ومش عارف يعبر ع فرحه بكل 😂❤
قعمز بالضبط ع الكرسي يلي كانت فيه سبين ، لمح تلفون مدرق بالمخدة الصغيرة ع الكرسي الاكبر ،
شاف بعيونه يمين ويسار وقام التلفون
قعد يشوف للتلفون ولما شاف الصورة تفكر وعرفه تلفون سبين
كانت سبين مدايرة صورة بوها خلفيتها وعلاها قلب أحمر ..
قعد مبتسم ويشوف للتلفون ..
فجأ التلفون قعد يرن ، ورقم غريب !
حط التلفون ع الكرسي قدام عينه وقعد يدور بلكي حد جي ..
اما عند سبين ولجين
- سبين : اسكتيييي بلا عااار ليش الضحك
- لجين ( تضحك بدموعها ومتكية ع السرير وتخبط برجليها ) : وربييييي ماننسى شكلك كيف قعدتي حمرا يا كدااابة ووووه عليا 😂😂😂
- سبين : يااسر قتلك ، باهي وييين التلفون هي اسكتي
- لجين ( سكتت وتمسح ف دموعها ) : مجبتاش اني منظرك مسمحليش نبطل ضحك 😂
- سبين : نهاري منننك تلفونك جبتيه وتلفوني خليتيه نوضي معاي هي
- لجين ( وقفت ) : باهي هيي ، خلي نبيتو عليه ف المربوعة وتسمعي صوته ونشوف بو نسيب معاك
- سبين ( خبطتها ع راسها ) : نقعد كلبة كان مزال نحكيلك حاجة انزلي انزلي
- لجين ( تحاول متضحك بس تضحك ) : هلبا عليا من توا بتتغيري خلي لين تبدي تقولي ختشيبي قبل
- سبين ( واقفة قدام باب المطبخ ) تعالي نطلعو من المطبخ وخلاص اسكتي يا بنتي متندنمنيش
- لجين : تمام هاا سكتت
