رواية
" مُلاذ أمن "
التفاعل ف النازل ولو قعد هكي حنوقف 💔
الحلقة السادسة " 6 " ✨
- سبين : يارب يارب يارب مافيها شي يارب لجييين خيييرها خيييرها
- لجين : غززززل غززززل متمشيييييش الله يربحك متخلينييييش
- بو غزل : انّا لله وانّا اليه راجعون 🤦🏻♂️ يارب بنتيييي
- سفيان ( يراقب ف جهاز التخطيط ولانه دكتور أطفال عارف الطب كويس ) : استهدوا بالله النبض قاعد مستقر يا عمي صبر بالك ، ممكن ردة فعل ايجابية
وكإن ام غزل حسّت بكل شي وفيقها قلبها ع بنتها ،
جت ليهم وهيّ ترعش : بنييتي خييرها خيييرهاا بنيتي صغيييرة يا ربي متاخدهاش مني يارب 💔
كانت تتكلم وتخبط ف رجليها وتبكي ، تلفتولها سبين ولجين مع بعض وسكتوها ،
- لجين : خااالتييي كلنا محروقيين اسكتي متعيطيش مامتتش هيّ اسكتييي الممرضين يطلعونا من عياطك
- سبين( رغم حالة غزل المتوترة في العناية .. ، ودموعها ورعشتها من الموقف قدرت تسيطر ع روحها مش تحاول تخفف عليهم رغم انه النار يلي ف قلوبهم عندها زيّها 💔،، شبحت ل لجين كيف دموعها ينزلوا وتكلم ف خالتها بتنبيه قوي وحاد ) : اششش خلاص خلاص يا خويلة اذكري الله استهدي بالله بسس يارب
كان الكل ع اعصابه والنساوين كلهم يبكوا ونفس الشي بو غزل دموعه ينزلوا بحرقة ع بنته ، كيف تخض والممرضات شادينها..
وبو غزل وخوفه وتخيل يفقد حنينة حوشه وروحه خلاه يطبس كإنه يركع ويبكي ويدعي 💔
كانو 5 دقائق بس كلهم حسّوا انهم ساعات ،
5 دقايق ووقفت خضة غزل والدكتور سيطر ع وضعها ،
" كانت ردة فعل ايجابية ، حتفيق من الغيبوية ممكن كم ساعة تكون فايقة بادن الله " هكي قالههم الدكتور !
رغم فرحتهم مقدروش ع شي الا انهم يبكوا اكتتر ،
هكي مش تشائم ولا يأس ، بس كانت فرحة ♥️
لجين وسبين حضنوا بعضهم فترة قصيرة وقعدوا يبكوا يبكووا بالصوت ويتكلموا بصوت مش مفهوم من عبرتهم ،
بس كان كلامهم كله يعبر ع فرحتهم بفيقت اختهم من غيبوبتها ♥️
______________________
تاني يوم في الصبح
الساعة 15 : 10 Am
كان يوسف ومحمد حيكو مع هشام في الليل بس ف اخر لحظة تراجعو ، حسّو انه هشام مش حيستوعبهم وهو قاعد عليه أثر السكير ،
رقدو هما التلاتة وقبل مايرقدو سكروا باب الاستراحة بالمفتاح خايفين ان هشام يطلع وهما راقدين .
مقعمز محمد ع كرسي ف المطبخ ويوسف يطيب ف قهوة وهشام مقعمز وحاط راسه ع الطاولة ويحرك ف رجله كإنه متوتر
- محمد : هشام ، شوف بنفتحولك موضوع يلي كنت بنقولهولك امبارح كانك مستاقض مش سكران ،
- يوسف : يلي حنقولهولك يا هشام حيقعد بيناتنا و مش حيطلع منا ، وهاده عهد منا
- محمد : خليك عارف ان نتكلموا لمصلحتتك ومصلحتك من مصلحتنا ، انت خونا ومنبوش نخسروك
- هشام ( يحاول يركز فيهم ويشبحلهم وموقف تخبيط راسه ) : شن بتقول
- يوسف : انت مصدوم ، والصدمة مأترة ع نفسيتك ، هشام انت بضيع ف الحرام ، مدامك شربت مرة تشرب مليون مرة ومنبوش نشوفوا بوك مكسور ويصير فيه زي خالك ، لقدّر الله ،
هشام يا غالي منبوكش تتعصب وترفض ، انت لازم تتعالج عند دكتور ، والعلاج مش حرام ولا عيب، متبيش حد جنس مخلوق يعرف منخلوش حد يعرف ، تبيني نسفرك نسفرك ، تبي ف ليبيا وبعيد ندورلك واني ومحمد معاك
