رواية
مُـــلاذ أمـــن
الحلقة الرابعة والعشرون " 24 "
كان حيطلع من الحوش بس فجأ وقف ع صوت امه تنادي فيه
- محمد ( تلفت لامه ) : صباح الخير
- امه : صباح النور ، وين ماشي من السته ؟
- محمد : ماشي للورشه في خدمة
- امه : من امتى الورشة تفتح بكري هكي ؟ اسمع يا محمد انت كبير وعاقل يا ولدي بلا هالحركات عليا
- محمد ( وقف كويس وشاف لامه ) : حركات شني ؟ شن درت اني ؟
- امه : شن عاجبك فيها البنت ؟ شن مدايرتلك مش مولي هك
- محمد ( تنهد وقرب من امه ) : مش مدارتلي شي ، هي متعرفنيش ولا شابحتني ، بنت كويسه انتِ ظلمتاها بشي مش دايراته زيك زي الناس بالضبط ، واني متأكدد لو تعرفتي علاها وع امها حتندمي ع كلامك هذا يا امي ، اني بعقلي ونعرف شن نختار واني يلي بنعيش
- امه : لالالا متحاولش معاي ، يا سُكينه بنت خالك يا لا
- محمد ( صحك بهزوة ) : بنت نجم الدين باخلاقها واحترامها متجيش ظفر سكينه وحااشاها منها ، شنيي هي بالمنااظر والشكالات ؟ سكينه مش مخيليه ذكر مش مكلماته تجي تقنعيني بوحدة زفته زيها ، لو تقعد اخر بنت الله مانخدها
- امه ( بعناد ع كلامه ) : لو تقققعد سبين اخرر بنت مانك واخدها يا ولدي وبرا توا تربح
خشت امه وهي متعصبه وتقربع ف المطبخ
اما محمد مكانش اقل منها تعصيب .. طلع وهوا صدره ضايق ومش متحمل شي
وصل للورشه وفتحها وقعد يشوف ف كل شي ف الورشة بعد غياب اكتر من اسبوع وباااله وتفكيره ف امه يلي مسكره راسها ع سبين
بعد ساعه ونص جي المعلم واستغرب ف وجود محمد
سلم عليه محمد وقاله ان خلاص تمت ايام الراحة يلي خداهم ورجع للورشه .
وطلب محمد من المعلم ان يبات ف الورشه .
- الراجل : عادي مش مشكلة لاكن شن صاير محمد ؟
- محمد : متعارك مع بوي وامي ، وج وي متلخبط معاهم ومنبيش نرجع الحوش توا
- الراجل : عادي يا خوي مش مشكله اقعد وروق متفكرش
- محمد : صحيت الله يبارك فيك
فرح محمد وقرر ع الظهر انه يروح لحوشهم ياخد لبستين يمشي بيهم ايامه الجايه وياخد معاه وسادة وبطانيه وشحنه وبس .
______________
- سبين : كملتي ؟
- حنين : كملت مزالت نحط مواد تنظيف بس
- امل : مش لازم خودو من غادي
- حنين : ف الحالتين شانبوهاتي بنرفعهم اصلا شن عرفني نلقاهم متوفرات ولا لا
- سبين ( تفكرت ان حنين معالجه شعرها وعندها شانبوهات خاصه ) : ااه عادي مش مشكله ارفعي من هني
- امل : وتيتي شنطت امي سبين ؟
- سبين : وتيتها اي ، حنين نبيك تتأكدي من الادوية وتقاريرها الطبيه كلها ، اني جمعتهم كلهم بس منعرفش في غيرهم ف مكان تاني ولا لا
- حنين : تمام
- امل : الطيارة امتى قال سفيان ؟
- حنين : الساعة 10 الصبح تطلع
- سبين : توصلو ع خير
- امل & حنين : ان شاء الله
- سبين : انادي عليكم انزلو مش تتغدو ، بنشوف الطنجرة اني
- حنين : تمام
- امل : شوفي سفيان قاعد مروحش را
- سبين : تمام
