رواية
" مُلاذ أمن "
الحلقة عشرون " 20 " ✨
- غزل ( ردت بعد ماكانت تفكر ) : عندي فكرة لو خايفة !
- سبين & ملك : شني هيّا ؟
- غزل : انك تحكي ل خوتك توا غلطة را ، يعني شوفي يوسف حالته قاعد يمرض ، سفيان من جيهة يدور عليكم وع امه والمستشفى ، من غير موضوعه من نهال
- ملك : يعنييي ؟
- غزل : اني متأكدة متااأكدة لو محمد شاك ف شي ولو عرف سيف الدين وهوا يحبك متأكدة حيبعتلك ولا يكلمك مهم متأكدة انه حيسألك
- لجين ( شافت ل سبين ) : اني مع كلام غزل نتوقع هكي
- ملك : بالضببط لو هوا يعني فعلا يحبك معناته حيسألك ولا حيدور وراك ! بس تقريبا يلي داره سيف مش حيعرفه
- غزل : منتوقعش يعرفه ، متلا بيوقف ع امن الكلية ووولاد فيها الله اعلم من وين هما ! مش حيعرف بالشي هذا لو سأل عليك ، ونتوقعه يسألك انتِ لو شاك
- لجين : وكاننن سألك جاوبيه عادي
- سبين ( شافتلهم كلهم ) : لا طبعاا مش حنجاوبه مليشي اي علاقة فيا ومش ملزومة نحكيله شي
- غزل : يا بنتي انتتتِ تبيه الولد ولا لا
- ملك : بلا جو سبين قلنالك شوفيه اعطيه فرصة تتعرفي عليه لامتى هكي ؟ حتى التخرج معاش مزالك هلبا بتقعديي هكي ؟
- سبين : اني مش جاهزة للفكرة هااادي ومنحباش اصلا
- لجبن ( قعزت كويس بعد ماكانت متكية ودايرة رجل ع رجل ) : بسسسس ترتاااحيله سبين خيرك ، حني التلاتة عارفين انك ارتحتي كان هذا راهو توا محمد ف البلوك
- غزل ( بهدوء ) : صدقيني مدامك مرتاحة فكري ف الموضوع بجدية
- سبين ( تنهدت وشافتلهم ) : مش وقتتته
- لجين : كل شي يجي بالشوية وهوا يحبك يحبببك غيرك متمنيين كلمة منه
- ملك ( بمدح ف محمد ) : جماله مميز من غير اخلاقه ويخدم ديما ومش متكاسل وراجل قد روحه
- لجين : و ي ح ببب ككك يحببك يحبك يا بنتي ، بكريي راسه لوطه ويضحك ركززت فيه يضحك بحب والله مش اي راجل يعرف يحب يا سبين
- سبين ( حست روحها توترت وكانت تبي الحوار يتم ) : واني شن عرفني حقا يحبني ولا غر حروف هكي ! اهو سيف ع قولت نحبك نحبك بس أذاني لما جتله الفرصة ، اني تفكيري صعب اي راجل يتحمله .. اساسا نحسهم يكدبو مافيش راجل يعرف يحب بجد
- غزل : متأكدة ان حيتغير تفكيرك بمجرد ما تتكلمي معاه وتسمعيه ، اني أحمد كل مرة اني نزعله واني يلي يلي نغلط فيه بس لانه يحبني ميرضاش نقعد ساعة زعلانة منه كنت نتعارك معاه بس لانه يحبني هلبا كنت نحس انه يمثل عليا بتصرفاته بس مع السنين عرفت حبه ليا ، متقوليش مافيش راجل يحب لان اني حبني أحمد لدرجة قعدت مصدومة ف كمية حبه ليا ودرت عليها مشاكل ،.. الله يرحمه ويغرفله 💔
كانو البنات كلهم يعرفو كمية حبهم لبعضهم وكيف كان يعشقها ويتصرف بافعاله 💔
- البنات : الله يرحمه
- لجين : اني مقتنننعة ان في رجالة تحب بس ها نااادر بكل وكل واحد وطبعه وطريقة تعبييره ، شوفي توا اني حاسة ان محمد فعلا يحبك شوفيه انتِ
- ملك : شلة منحوسة ، بالله نوضي من قدامي وانتِ النكد عامي عيونك ، نوضي جيبيلي امية
- سبين : نوضي بروحك بالله مافي حد ف الحوش ،^ شافت ل غزل ولجين ^ توا من رايكم كيف نتصرف
- ملك : نوضي خوك قاعد ف الحوش كيف مافي حد
