روايــــة
" مُــــلاذ أمــــن "
الحلقـة الثلاثُــون “30 “
والأخـــيــرة
الجـزء الأول
درس سفيان قدام حوش نهال ونزلو امه وخواته وهوا فرحان ❤️
هما خشو للحوش واستقبلوهم ام نهال واختها وقعمزو ف صالة ف حوشهم الصغير المتواضع .
كان سفيان كيف بيطلع ويدور بسيارته لين يتصلو بيه خواته ..
كان حيطلع بس انتبه
و رن تلفونه
⁃ سفيان : مني انت ؟
⁃ المُحامي : اني المحامي متاعك دكتور سفيان
⁃ سفيان : سامحنا والله مازبطت الصوت .. شني هذا رقم مني ؟
⁃ المحامي : هذا رقمي التاني ، في موضوع مهم قلت بنكلمك عليه
⁃ سفيان ( توتر وقعد يعرق وخاف ) : ان شاء الله خير
⁃ المحامي : اخبار مش لصالحك ، نجلاء متواصلة مع محامي وتعينلها محامي وهذا يخدم بالحرام ، يلي يقدر يديره يديره كله بمقابل فلوس ، والباين ان نجلاء عندها معرفه بيه ،
⁃ سفيان ( كان يفكر ف ورقة التنازل ع حصتها ف الحوش واسهم المصنع بمقابل فلوس ) : وقعت ع الورقة ؟
⁃ المحامي : للاسف رفضت وقالت حقي ف حوشنا يقعدلي
⁃ سفيان ( تعصب وتسنجت اعصابه ) : حقها ف الحوش متعباش عليه ، نبييي اي شي يخلينا نلغو نصيبها ف الحوش والمصنع
⁃ المحامي : مافيش حل الا واحد
⁃ سفيان ( حس بالامل ) : شن هوا ؟
⁃ المحامي : تبيعو الحوش يلي باسم بوكم . وتكتب نصيب خواتك وخوك وامك بشرع ربي ، وبالاثبات بورق تكتب حصة نجلاء ، ولو بتشرو حوش تاني اكتبه باسمك ولا اسم الوالدة ولا خوك ولا خواتك ، اهم شي ، ونفس الشي المصنع
⁃ سفيان ( زادت اضايق لما فكر بفكرة بيع الحوش ) : المصنع منقدرش نبوعو حصتناا ! الوالد الله يرحمه وصيته المصنع
⁃ المحامي : معندكش حل الا لو تكتب حصتكم ف المصنع باسمك ولا اسم خوك وتعطو حقها بالشرع والمصنع ليكم قاعد ، لكن مش باسم بوك . لما يكون باسمك ولا اسم خوك الموضوع مختلف ،
⁃ سفيان : هذا راي كويس ، لكن والله العظيم يا استاذ لين راسي نقلب ، هاذي لو تطلع حترجع لحوشنا ، ومحدش راغبها ولو شفتها بنشرب من دمها
⁃ محامي : وهذا احتمال كبير انها تطلع ف الجلسات الجاية .
⁃ سفيان : صحيت استاذ وبالله عليك اي شي جديد بلغني واني نتشاور مع العيله ويوسف خوي ولو قررنا نبيعو ولا اي حاجة نكلموك انت
⁃ محامي : تفضل ف اي وقت ، وان شاء الله خير
⁃ سفيان : صحيت بارك الله فيك
سكر سفيان من المحامي وكان مضايق
كان يفكر اكتر شي ف خواته وامه لما يقوللهم ع الكلام يلي صار ف التلفون
ولع سيارته وطلع وقعد يدور ف الطرق ويفكر
__________________
⁃ غزل : ويييينك انت
⁃ هشام ( يتكلم ب صوت عالي ) : تعااالي فوق ف الصاالة
