رواية
" مُـــلاذ أمـــن "
الحلقة الخامسه والعشرون " 25 "
الساعة 12 : 2 الظهر
- امه : يا ولدي اني مش باهيه لين تروح الحوش ، شني قاعد تعدب فيا يا حميدا ؟
- محمد : خلاص يما قتلك فوتي الموضوع معاش نبي شي اني
- امه ( بصوت حاد ) : قتلللك رووح توا للحوش ، كان هذا يا محمد ندعي عليك طول اليوم ونحسب ربي فيك ولا ولدي ولا نعررفك كان متجيش اليوم
- محمد : حااضر حاضر غر معاش تقولي الدوة هاذي 🤦🏻
- امه : معليشي عاااد خليتك ع راحتك ومكلمتكش بكل ..ومع هذا ماتحشمتش ع وجهك ودرت قيمة لامك وبوك
- محمد : مافيش ماندير
- امه : انت لهالدرجة تحبها وميت فيها بعت امك وبوك ع خاطرها ؟
- محمد : واني ع خاطر امي قعدت نحاول ننساها ونرضي امي ،، وربي العززة البنت زي ماتتمني ، يا امي البنت لا سحرتني لا حاجة، من لما كانت تقرا ف الثاانوي اني نحبها ومش شايف غيرها ، وماعمرها شافتني ولا تعرفني الا توا توا بسس كيف عرفتني ، صدقي يا امي وماتكسرينيش ، اني بنتزوجها اني بنعيش عمري كلها معاها ، واني واثق انها حتشوفيها زي ماتشوفي ف بناتك غر تعرفي علاها وقرري
- امه ( كانت مقتنعة بكلام ولدها ) : انت تعالا تعالا تغدى بعدين نتفاهمو ،
- محمد ( يضغط ع امه ويتكلم بترجي ) : يا امي تربحي متكسريش ولددك
- امه : سكر علي الموضوع يا محمد مايجيش ف التلفون ، تغدى وبعدين ساهل
- محمد ( كان فرحان ويضحك وواقف برا قراج الورشة ) : شني الغدي ؟
- امه :كسكسي بالحوت يلي يحبه قلبك ، هي كمل ي ولدي و تعالا
- محمد : ناخد ادن المعلم ونجي مع الساعه 3
- امه : باهي باه ,
- محمد : توصي ع شي من برا ؟
- امه : جيب حوايجك هالمرة بتبات ف حوشك
- محمد : خلي نفكر قبل
- امه : شن قلت اني ؟
- محمد ( يضحك ) : خلاص خلاص مروح 😂😂
سكرت امه التلفون وكانت بين فرحانة وبين زعلانة
فرحانة بان ولدها بروح بعد غياب شهرين شافاته بس 6 مرات ممكن ومجرد لمحة ، لاحظت ارهاق وجه ، وقلة تنظيمه لشعره ولحيته يلي زادو كبرو ومحلقش .
لاحظت ضعفه الواااضح في الوزن وكانت ف كل مرة يوجعها ولدها يلي يعاند ويسكر ف راسه ع خاطر البنت يلي حبها عمره كله
وكانت زعلانه لان مش حتاخدله بنت خوها يلي عاجبتها ف الزين واسم العيله!
متحسابش ان بنت خوها اخلاقها ف الحطيط وميستهلهاش محمد .
خشت بنتها علاها ..
- اخت محمد : شني صار كلمتيه ؟
- امه : كلمته
- اخت محمد : شني قالك ،
- امه : قالي باهي
- اخته : بتخطبيهاله خلاص ؟
- امه : قاعده منعرفش
- اخته : يا امي اسمعي مني واخطبيها .. شوفي شهرين ضاع ولدك ف الخدمة وقله الماكلة ومنظره تقوول مش هوا محمد ، يهون عليك محمد ؟
- امه : وليدي ضاع بسببها يا سارة
- اخته : تبي الحق ؟ بسببك يا امي ، اهو بوي مشي سأل اقرب ناس وسأل ع بنات العيله هادي بنت بنت وكلهم يشكرو فيهم الا يلي نحبست ،، بعديننن بوي اقتنععع ومشافش للموضوع زي ماشفتيله انتِ
- امه : وسكينة بنت خالك يلي نبيها ليه ؟
- اخته ( تعصبت ) : مش مقتنعه ان سكينة الوقحة هاذي مش مخليه ولد ؟ ندورلك ادلة تصدقي بيهم ؟ امييي سكينننة بنت فاسدة ولدك محمد شايفلها سوابق كيف بتاخديهالها وهوا يكره النتيات يلي زيها ؟ مش كلها جمال واسم يا امي
- امه : باهي بااه بري امشي للغدي كمليه
- اخته : اهو ماشية ، وفكري ف ولدك وفرحته
