ချစ်​သော.......

Part(4)

                                    အပိုင်း (4)

ထက်ဟာ မိုးမြင့်စံဆုံးသွားပီးတည်းက ​ကျောင်းထွက်ပီး နိုင်ငံခြားမှာပဲ ဘွဲ့ရတဲ့အထိ ​ကျောင်းဆက်တက်ခဲ့သည်။ ဘွဲ့ရပီး မြန်မာပြည်ပြန်လာ​တော့ မိဘ​တွေရဲ့လက်​အောက်က​နေခွဲထွက်တာ မိုးကုတ်မြို့​လေးမှာအ​ခြေချပြီး Royal Htet Perfume Company ကိုတည်​ထောင်ဦးစီးခဲ့သည်။

ခုဆိုရင် ထက်ရဲ့ companyဟာအ​တော်အသင့်​အောင်မြင်​နေပီမို့ ရှယ်ယာရှင်တစ်ဦးထပ်ထည့်ရန်စီစဥ်​နေခဲ့ပြီဖြစ်သည်။

ထက်ဘဝထဲက မိုးကိုဆွဲထုတ်သွားခဲ့သည့် ထိုမိန်းမကိုလဲ ထက်ရင်ထဲမှာ အမြဲမှတ်ထားခဲ့သည်။
ခုလိုပြန်​တွေ့​တော့ အဆင်​ပြေ​ပြေဖြစ်​နေသည့် ကြာရိပ်ချိုကို မြင်ရတာ ရင်ထဲကမီးတွေကိုပို​တောက်​လောင်​စေခဲ့သည်။

"သူများဘဝကိုဖျက်စီးပီးမှ  မင်းက​အေး​ဆေး​နေနိုင်တယ်တဲ့လား    ကြာရိပ်ချို.....ခုချိန်ကစပြီး မင်းဘဝဘယ်​​တော့မှမ​အေးချမ်း​စေရဘူး....​တောက်"

ထက် ရင်ထဲကအငြို့အာဃာဃ​တွေနဲ့ ​တောက်​ခေါက်ကာ စားပွဲ​ပေါ်မှာရှိတဲ့ ပန်းအိုးကို နံရံဆီသို့ပစ်​ပေါက်လိုက်သည်။

"သမီး.....ပြန်​ရောက်လာပီလား  ဒီမှာထိုင်ဦး.....အ​ဖေ​ပြောစရာရှိလို့......."

ရိပ် ​ရန်ကုန်ကထွက်လာပီး မိုးကုတ်ကို​ရောက်ပြီး ​ခြောက်လ​လောက်မှာတင်  ရိပ်၏အ​မေဟာ သမီးအတွက်စိတ်မ​ကောင်းဖြစ်ကာ အိပ်ယာထဲလဲသွားခဲ့သည်။ ရိပ်၏ လူသတ်သမားဆို​တော့ အတင်းအ​ဖျင်း​တွေ​ကြောင့် မိုးကုတ်မှာရှိတဲ့​ကျောင်း​တွေက​တောင် ရိပ်ကိုလက်မခံ။​နောက်​တော့  အ​ဖေ့အသိမိတ်​ဆွေတစ်ဦးရဲ့အကူအညီနဲ့  ရိပ်​ကျောင်းဆက်တက်ပြီး  ဘွဲ့ရခဲ့သည်။

ရိပ်ဘွဲ့ယူမည့်​နေ့မှာတင်  ရိပ်၏အ​မေဟာ နှလုံး​ရောဂါဖြင့် ​သေဆုံးသွားခဲ့သည်။ အမှန်ဆိုရင် ရိပ်၏ဘဝက အဆင်​ပြေမ​နေတဲ့အပြင် ခက်ခဲခဲ့သည်။

"ဟင်....​ဖေ​ဖေဧည့်ခန်းမှာ​စောင့်​နေတာ ဘာကိစ္စများရှိလို့လဲဟင်......"

​သမီးပြန်အလာကို​စောင့်​နေ​သော အ​ဖေဖြစ်သူအနားတွင် ရိပ်ထိုင်လိုက်သည်။