ချစ်​သော.......

Part 29

        Part 29

"ဆရာ.......လူနာက သတိမရှိတော့ဘူး shock ရသွားပီထင်တယ်.......ကိုယ်ဝန်လဲရှိနေတယ်လို့ပြောတယ်........"

တာဝန်ကျ nurseတစိယောက်က စစ်ဆေးကာ အသည်းအသန်အော်ထွက်လာပီး ဒေါက်တာကိုခေါ်လိုက်သည်။

"ချက်ချင်းခွဲစိတ်ရမယ်......လူနာရှင်ကဘယ်သူလဲ......."

ထိုစကားကို ကြားတော့မှ ထက် သတိပြန်ဝင်လာသည်။ဆေးရုံလာတဲ့လမ်းမှာတည်းက သတိတွေပြန့်လွင့်လာခဲ့သည်။ရိပ်နဲ့ကလေးသာ တစ်ခုခုဖြစ်ရင် ကိုယ့်ကိုယ်ကိုခွင့်လွှတ်စရာအကြောင်းမရှိ။

"ကျနော်ပါဆရာ.....အမျိုးသားပါ.....ကျနော့်ဇနီးနဲ့ကလေးကိုကယ်ပေးပါဦးဆရာ......"

ဒေါက်တာရဲ့ လက်ကိုကိုင်ကာ မျက်ရည်တွေစီးကျလာတော့သည်။

"လူနာက ချက်ချင်းခွဲစိတ်ခန်းဝင်ရမယ်.....ဒီမှာလက်မှတ်ထိုးပေးပါ......"
"ဟုတ်ကဲ့ဆရာ......"

လက်မှတ်ထိုးပီးသည်နှင့် ရိပ်ကို ခွဲခန်းထဲသွင်းသွားကြတော့သည်။

ထက်ရင်ထဲမှာ မီးစနှင့်ထိုးခံရသလို ပူလောင်နေတော့သည်။

ထူးမြတ်ကတော့ အမှုကိစ္စနှင့်ဆေးရုံကိစ္စတွေကို အပြေးအလွှားကူညီပေးပီးမှ ခွဲခန်းဆီသို့ထွက်လာခဲ့သည်။

ခွဲခန်းရှေ့ကထိုင်ခုံမှာ ထိုင်ရင်း ရိပ်စကားတွေပြန်ကြားယောင်လာသည်။

"အမုန်းတွေအတွက် ပေးဆပ်လိုက်ပါပီ...."တဲ့

ဘယ်လောက်ရင်နာစရာကောင်းလိုက်လဲ ရိပ်အတွက်။တကယ်တမ်း မြေစာပင်ဖြစ်ခဲ့ရတာ သူမသာလျှင်။

ထက်နှင့်ထူးမြတ်ပိုင် စကားမပြောဖြစ်ပဲ အတွေးကိုယ်စီနှင့်ငြိမ်သက်နေကြသည်။

"လူနာရဲ့အမျိုးသားရှိပါသလား......"

ခွဲခန်းတံခါးပွင့်လာကာ ဒေါက်တာထွက်လာသည်။

"ဆရာ.....ကျနော့်ဇနီးအဆင်ပြေတယ်မလား ဆရာ...."

မျက်ရည်စတို့ကိုသုတ်ကာ အားတင်းပီးမေးလိုက်သည်။

"ခင်ဗျားဇနီးကတော့အဆင်ပြေပါတယ်.....ဒါပေမယ့် ကလေးကိုတော့ ကျနော်တို့မကယ်နိုင်ခဲ့ဘူး.......လနုသေးတဲ့အချိန်မှာ ထိခိုက်သွားတာမို့ ကိုယ်ဝန်ပျက်သွားပါတယ်ခင်ဗျာ........"