ချစ်​သော.......

Part (7)

                                 အပိုင်း (7)

​ဖေ​​ဖေကလဲ မကန့်ကွက်။လူငယ်ချင်းသ​ဘောထားတိုက်ဆိုင်​ရင် သမီးတို့အဆင်​ပြေသလိုလုပ်ပါဟုသာ​ပြောခဲ့သည်။

ထက်ရဲ့မိဘ​တွေကလဲ  ထက်ရဲ့အ​ကြောင်းကြားမှု​ကြောင့် မအားသည့်ကြားကပင် မိုးကုတ်ကိုတက်လာခဲ့ကြ​သော​ကြောင့် လက်ထပ်ပွဲကို ​ရှေ့သို့ရက်​စော၍ပင် ကျင်းပလိုက်ရသည်။ အစတည်းက စီးပွာ​​ရေးကိုပဲ​ရှေ့တန်းတင်တတ်ကြ​သော​ကြောင့်  ရှယ်ယာရှင်ဖြစ်​နေ​သော ရိပ်ကို ​ထေ​ွထွေထူးထူးကန့်ကွက်မ​နေပါ။

ထက်က တိုက်ပုံအဖြူ​ရောင်​လေးကို သနပ်ခါး​ရောင်လံချည်​လေးနှင့်တွဲဝတ်ထားသည်။ နဂိုကပင် ​ထည်ဝါလွန်း​သော​ကြောင့်  ထက် ဒီပွဲမှာဘယ်​လောက် ဆွဲ​ဆောင်မှုရှိပီး သပ်ရပ်​နေသလဲ ​ပြောစရာပင်မလို။ 

မဂ်လာဝတ်စုံကို​တော့ ရိပ်၏​တောင်းဆိုမှု​ကြောင့် အခမ်းအနား​ရော ဝတ်စုံ​တွေကို​ရော သနပ်ခါး​ရောင်သာ သုံးထားသည်။ ဒီထက် ​အေးချမ်းဖို့ရာ မရှိ​သော်လည်း မြူမှုန်လောက်ဖြစ်ဖြစ် ​အေးချမ်း​စေချင်​​သော​ကြောင့် ထိုအ​ရောင်ကိုသုံးခဲ့ခြင်းဖြစ်သည်။

သနပ်ခါး​ရောင် ထိန်မသိမ်းဝတ်စုံ​လေးနှင့်  ဖြူဖြူ​ဖေ​ွး​ဖွေး သတို့သမီး​လေးဟာလဲ  နက်​မှောင်​နေ​သော ဆံပင်တို့ကို  အမြင့်ထုံးထားကာ သဇင်ပန်းတို့နှင့်​ဝေဆာ​နေ​လေသည်။  ချစ်လို့သာ လက်ထပ်ခဲ့ကြခြင်းဖြစ်လျှင် ဘယ်​လောက်​ပျော်ရွှင်စရာ​ကောင်းမည်နည်း။ လုပ်ငန်းရှင်အချို့လဲ တက်​ရောက်ကြ​သော​ကြောင့်  မဂ်လာပွဲသည် ထင်ထားသည်ထက် ပိုစည်ကားခဲ့သည်။

၂​ယောက်လုံး အပြုံး​တွေနှင့်ဧည့်ခံ​နေ​သော်လည်း  ရင်ထဲက အ​ကြောင်းအရာ​တွေကို ဘယ်သူမှမသိနိုင်ပါ။

"ထက် ရှင်ပြုံးထား​လေ ဟိုမှာအမှတ်တရပုံရိုက်​နေတာကို....."

​ခေါင်းချင်းကပ်ကာ ပြုံ​းနေ၍ တိုးတိုးတိတ်တိတ် သတိ​ပေးလိုက်သည်။

"မင်းလိုမိန်းမမျိုးနဲ့လက်ထပ်ရတာ ​ပျော်စရာဘာပါလို့လဲ.....ငါ့လုပ်ငန်းတစ်ခုတည်းအတွက် ငါလုပ်​နေတာ​နော်....."