ဤပန်းပွင့်ငယ်၌ အဆိပ်ရှိသည် (ဤပႏ္းျပင့္ငယ္၌ အဆိပ္႐ြိသၫ္ )

Part 12

မီဒီယာသမားများနှင့် လေးစားစွာဖိတ်ကြားခြင်းခံထားရသောဂုဏ်သရေရှိလူကြီးမင်းများက ယခုအခါ စစ်ကျုံး၏အနောက်ဆောင်ရှေ့တွင်ရပ်နေကြရင်း ဆူညံနေကြသည်။

လူတချို့က အမည်မသိခံစားချက်ကြောင့် နေရာမှထွက်သွားချင်နေသော်လည်း တုအိမ်တော်၏လူများကတားဆီးထားသောကြောင့် ‌ရေငုံနှုတ်ပိတ်ကာနေရာမှာပင် စိတ်ရှု‌ပ်ထွေးစွာရပ်နေကြရလေသည်။

ဥက္ကဌသွမ့်၏ တစ်ဦးတည်းသောသားက ပွဲတော်‌တွင်ဖျော်ဖြေရင်းပျောက်ဆုံးသွားကာ ဤနေရာမှလူအချို့က သခင်လေးသွမ့်၏ငယ်ဘဝက ပြန်ပေးဆွဲမှုအား ပြန်အမှတ်ရနေသောကြောင့် သူတို့ကစိတ်ပူပန်စွာ ကူရှာပေးခဲ့ကြလေသည်။

လူအုပ်ကြီးကအစောပိုင်း၌ ဥက္ကဌတု၏နောက်သို့လိုက်ကြရင်း ဤနေရာသို့ရောက်လာကြကာ ပိတ်မိနေကြတော့သည်။
အချို့သောရဲတင်းသူများကအဆောက်အဦးတွင်းဝင်ချင်သော်လည်း တားဆီးခြင်းခံရသောကြောင့် အားလုံးကနေရာတွင်ပင်ရပ်ကာ အခြေအနေကိုစောင့်ကြည့်ရန်သာတတ်နိုင်တော့သည်။

မကြာခင်တွင် တုအိမ်တော်၏ခေါင်းဆောင်က မှောင်မဲကာအေးစက်နေသည့်အဆောက်အဦးထဲမှ ထွက်လာကာ နေရာတွင်စောင့်ကြပ်နေကြသည့် အစောင့်များကသူ့ကိုဦးညွှတ်ရင်း အခြေအနေကိုရှင်းပြနေကြသည်။

တုကျစ်ရှဲ့ကိုအာရုံစိုက်နေသော လူအုပ်ကြီးက မကြာမီတွင်သူ့လက်ထဲ၌ တယုတယချီထားကာပွေ့ပိုက်ထားသော အရာတစ်ခုကိုမြင်သွားကြလေသည်။
မီဒီယာသမားများက ရုတ်တရက်သတင်းယူရန်မေ့လျော့သွားပြီး အနှီအရာကိုသာကြည့်နေမိကြတော့သည်။

သွမ့်ဟွားယွဲ့၏ ခန္ဓာကိုယ်တစ်ခုလုံးက တုကျစ်ရှဲ့၏လက်ထဲတွင် ထွေးပိုက်ချီပိုးခြင်းခံထားရကာ သူ၏ခန္ဓာကိုယ်ပေါ်တွင် တုကျစ်ရှဲ့ဝတ်ဆင်ခဲ့သော ကုတ်အင်္ကျီအရှည်ကလွှမ်းမိုးထားလေသည်။
သွမ့်ဟွားယွဲ့၏ မျက်နှာကအတန်ငယ်နီရဲနေကာ ချွေးစို့နေပြီး သူ၏နှုတ်ခမ်းများက စေ့ပိတ်နေရာမှ အနည်းငယ်ပွင့်ဟလာကာ လေပူတချို့အားမှုတ်ထုတ်လိုက်လေသည်။

အဖြူရောင်ဝတ်စုံကိုဝတ်ဆင်ထားခဲ့သည့် အနှီကောင်လေး၏အင်္ကျီကြယ်သီးများက သေချာမသိရသောအကြောင်းများကြောင့် လျော့တိလျော့ရဲဖြစ်နေလေသည်။
ဆူညံမှုတချို့ကြောင့် သွမ့်ဟွားယွဲ့က လက်ဆန့်၍ တုကျစ်ရှဲ့၏လည်ပင်းအား ဖက်တွယ်လိုက်ချိန်တွင် ရင်ဘတ်နေရာကပွင့်ဟလာကာ ထိုနေရာရှိလူအားလုံးက ပင့်သက်ရှိုက်မိသွားပြီး မျက်တောင်ခတ်ဖို့မေ့လျော့သွားကြကာ သွမ့်ဟွားယွဲ့အားစိုက်ကြည့်နေကြလေတော့သည်။