قبل مانبدوا فوت للتشجيع🤗🌸
قراءة ممتعة☘🌼
البارت الاول🌸☑🌸☑🌸☑🌸☑🌸
القصر حالتو مقلوبة ...الجواري يتجاراو ...السلطانات و الأميرات مشغولين بالفساتين و الخياطات ...اكيد يكونو الكل مشغولين ...فالأخير هدا عرس السلطان ... مع لي اختارها قلبو ...المتمردة ديالو ...لي حارب و عانى على جالها ... و تحدى العالم و الدستور ... و ضحى حتى بمكانتو عليها و على حبو ...
فلاش باك
حاط عينيه فالرض يكون وش يكون يقعد باباه ... و السلطان ...حمم مخرج صوتو : نحكي معاك بصفتي ابنك ولا بصفتي ولي العرش ؟؟
هز السلطان راسو بعدم رضا و علامات القلق احتلت ملامحو : التصرف هادا مايليقش بمكانتك ... ماكنتش نسنى فالتهور هادا منك ... و انا لي كنت حاطط امالي فيك و مكلفك بمسؤولية الراعية كامل ...هكا تخذلني ... تعرف مليح بلي الأمير بهاء مراحش يضيع فرصة هكا من يدو ...كيما تعرف مليح انو تولي الحكم ادا كان من نصيبو مملكتنا حتضيع ... هدا كلامي ليك بصفتك ولي العهد ..
بلع ريقو ...يعرف بلي كلام السلطان صحيح مليون فالمية... و انو عندو حق على الرعية ديالو ... بصح وش في يدو هوا ... قلبو تغرم بيها و هواها من اول مرة طاحت عينو عليها صحيح ماهيش بالجمال الرباني و لا من مواصفات اميرة احلامو ... و لكن هدا هوا الحب ... انك تشوف الطرف الاخر مميز و مختلف رغم انو مثل الباقي ..تحبو رغم عيوبو ... و هاد الشي لي خلاه شاد فيها ... حبو حقيقي ..فطن من سرحتو على كلام السلطان ..
السلطان : اما كلامي كأب فانا ربيتك تربية صحيحة و علمتك المسؤلية ... و حملتهالك ... من صغرك و انا نعلم فيك انو الراعي مسؤول على الرعية ديالو ...و من جيهة الحب يجي مرة و مش حاب نحرم ولدي من سعادتو ... و بما انك ماقبلتش عليها تكون جارية ... فعندي ليك اقتراح واحد ..ادا ماقبلتوش للأسف مراحش نقدر نوافق على زواجك منها و نتا تعرف عواقب عصيان اوامر السلطان ... و عارف ايضا عواقب لي يتزوج بلا رضا والديه ..
عقد حواجبو و خزر فيه باهتمام يتابع في كلامو ...: لي هوا ؟؟
عطاه السلطان ظهرو و قال بكل قوة : تتزوج الأميرة بهية ... كزوجة ثانية ... و بهاذا تسترجع حق الحكم و تكون توجت حبك من سمراء بالزواج ...
حل عينيه شوية ...زير على يدو و رد : موافق
باك ...:
ولا من شرودو على صوت طبطيب ... عدل من هيئتو و سمح بالدخول ...دخلت بطلتها المعتادة ... غير شافتو وساعت تبسيمتها ... و هوا ككل مرة قلبو يدق بسرعة كلما يشوفها ... فمابالك اذا تبسمت ... تمشات ببطئ غير لحقت لعندو نحنات بلا ماتحني راسها .. وقف هو بدورو ...تقرب منها... شدها من ذقنها و نطق : و أخيرااا حيجي النهار لي نولو فيه روح وحدة ... و لي نملكك فيه ...توردت بشرتها لي شديدة السمار و حشمت ... و هاجماتو تخفف من خجلها : وش معناها تملكني ؟؟علاش ماشي انا لي نملكك ...ضحك بعلو صوتو سند جبهتو على جبهتها :المهم تتمردي و خلاص اممم ...هزت كتافها ببراءة ..جبد روحو منها و اعطاها بظهرو ...تبسم بجنب و ثقة كي ناداتلو بتذمر : مروان !! ماجاوبتنيش
...دار ليها يشوف بعشق باين من عينيه ...يعشق نبرة التذمر لي تهدر بيها ... و يعشق كي شفافها كي يتحركو بحروف اسمو ...يعشق كيفاش يخرج اسمو منها يعشق كلش فيها ..اااه منها و من حبها لي تغلغل في قلبو ... زعما كامل يعشقو بالطريقة هادي ... و لا هادا عشق السلاطين برك .. رد عليها بصوت حنين : نتي ملكتيني من اول مرة شفتك فيها ... ملكتي روحي و عقلي و قلبي ...وش حابة تملكي كثر .... تقربت منو تلعب بأزرار ثيابو و قالت بجرأة غير معهودة : مزال الجسد ديالك ...علات ضحكتو كيما كل مرة يكون فيها معاها ..زاد جبدها ليه و تمتم : اممم زعما قد الكلام هاذا ؟؟ ... دورت عينيها على وجهو بتوتر : احمم نسيت علاه جيتك ... عقد حواجبو من تهربها ...عض على شفتو السفلى بتلاعب و هدر : نفكرك ...قبل ماتجاوبو قرب من وذنها و همس : توحشتيني علابيها جيتي ... سرات القشعريرة على طول ظهرها كي حست بنفسو يضرب في عنقها ...جبدت روحها : حابة نروح عند عمو سليمان .. تعرف مع العرس انشغلت عليه ... قلت نروح ليوم مدام عندي وقت فراغ ...اصلا هربت من الخياطة بسيف ... شافت فيه تترجاه بعينيها ...تنهد و قال : نص ساعة في يدك و تروحي مع الحراس .. سلمي عليه ...هزتلو راسها بهدوء و انسحبت من الغرفة ...
💗💗💗💗💗💗💗💗💗💗💗
أرائكم فالبارت الأول ...
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
