#####: انا مافهمتش وش كانت دير تم وحدها ؟؟؟
@@@: عادي اكيد يكون شوتينج ...
####: شوتينج ؟(جلسة تصوير) و وعلاه خلاوها وحدها
@@@: بالاك خلاوها تبدل حوايجها ... و هيا داخت ... شوفي البشرة ديالها شحال شابة ...شوفي سمارها ..نبصم بالعشرة انها عارضة ازياء ...
####: و حوايجها ... كانها مسروقة من العصر الفكتوري ....
حليت عينيا بشوية ... غير قابلني الضو القاوي عاودت غمضتهم بسرعة ...
@@@:ااه راهي فطنت .. مادموزال راكي تسمعي فيا ...
بلعت ريقي و قلت : وين راني ؟؟ ...
####: فسبيطار مايو ... هبطتلك لاطونسيون ...
شفت فيها باستغراب و قلت : راسي راو يوجع علاه ...
@@@:هههه راني قتلك ا طفلة هبطتلك لاطونوسيون سي بوغ سا ...
هزيت راسي و قلت : مانيش نفهم فيكم ...
####: ههه بشت واقيل صح الطفلة من العصر الفيكتوري ...
@@@: شووت هههههههه معليش ختي راكي تشوفي هادا كي يخلاص تقدري تخرجي ... اهه و حاجاتك و حوايجك تلقايهم عند الطبيب ... و راني جبتلك هادوما البسيهم باش تكوني الاز ... بالشفا حنونة ...
تبعتها بعينيا و انا نشوف فيهم باستغراب ...ثواني و تذكرت كلش ...كانت خرجت واحدة و بقات الثانية على وشك الخروج وقفتها وقت قلت : اما عام رانا ... حسيتها تصدمت من سؤالي ثواني ... غلقت للباب و تقدمت مني ... قالت و هيا مضيقة عينيهة : ماتكونيش فقدتي الذاكرة... بصح ماكاش ضربة ف راسك ؟؟ ... زفرت بهدوء و قلت : رجاءا تقدري تقولي اما عام رانا ... ميلت فمها و قالت : 2022 ... تقعد بسرعة و قلت بدهشة : هااا ... عقدت حواجبها و قالت و هيا ترجع للور : واااش ... حطيت يدي على راسي مذهولة ... نحاول نستوعب وش قالت ... : الفين و تنين و عشرين ... بعلت ريقها و قربت مني تحكي بتردد : تحبي نعيط للطبيب ...شفت فيها و قلت : هااا ...قلبت عينيها و هيا تقول : ها ها هاا ... وشبي جدك كل زوج دقايق ها ها واقيل صح من العصر الحجري .. هزيت راسي و قلت : وين ...وين لقاوني .... تنهدت و قالت : اوااه واقيل نتي مهبولة .. يابنتي لقاوك فدار خداوج العمية ... ضيقت عينيا نحاول نفهم هدرتها ... خبطت راسها وقت استوعبت انو مافهمتش ...حسيت بالغصة غلبتني ...ماقدرتش نتحكم فدموعي و شهقت ببكا ...قعدت قدامي و قالت : نتي باين حكايتك حكاية ... احكيلي ... بالاك نقدر نعونك ...
°•°○●○●○●○●○●○●°•°
أنت تقرأ
كرونيك عابرة زمن
Fantasi❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...