كرونيك عابرة زمن

الفصل الاول

قبل مانبدوا فوت للتشجيع🤗🌸
قراءة ممتعة☘🌼
فصل الاول《القرار》
البارت السادس 🌸☑🌸☑🌸☑🌸☑
سمراء : انا حنهرب ... شافت غيها نورهان بعدم تصديق : ك.كيفاش ؟؟ شافت فيها سمراء بإصرار : كيما سمعتي حنهرب و مش من المكان فقط من الزمن حتى ... قربت منها نورهان تهز فيها : وين تهربي الظاهر عليك نسيتي انو هو سلطان و قادر يلقاك في دقيقتك ...كملت بتحدير : سمرا ماتتهوريش سمعتيني ماتتهوريش ... و زيد عمرو الهروب ماكان حل ... بعدت شويا على راسها تهدر بعدم تصديق : حرفيا مانيش مصدقة انك سمرا فالاول تسكتي للجواري و الان حابة تهربي ... ماكنتش نتوقع منك تكوني جبانة ...وين راهي سمرا لي تواجه .. شهقت سمرا ببكا و صاحت بضعف : لانو قتلني ...هوا قتلني بفعلتو هده استغباني  عيشني في وهم خدعني  باش حبيتني نواجهو ...هممم باما حق ...بأي صفة ...سكتت تلم في شتات نفسها ... شافت فيها نورهان بشفقة : صدقيني لو ماشفتش الحب في عينين السلطان اتجهاك ماكنتش خليتهولك تعرفي لو شفت ذرة تعرفي وش معنتها ذرة وحدة انو السلطان مايحبكش كنت حاربت الدنيا علجالو ...كلمة حب قليلة في حقو اتجاهك ... وقت يشوف فيك ... كانو يشوف فالدنيا كلها ... كانو نتي اهم انجازاتو ... سكتت شويا و كملت برجاء : مديلو فرصة ..فرصة وحدة اسمعيه بيها ...نفضت سمرا ملابسها و مسحت دموعها : فرصتو خسرها نهار خبا عليا ... شافت فيها : نعرف علاقتنا ساءت اخر فترة اما اتهلاي في روحك ... وقفت نورهان تشوف فيها : مادوريش في قرارك ؟؟ سمرا : ابدااا ... بلعت نورهان ريقها : كاين امل انو ترجعي ... شافت فيها سمرا ثواني و ردت : مستحيل نرجع و لو على ذمتي ...تنهدت و مدتلها ظهرها تمشي ببطئ ..تاملتها نورهان بحسرة فنفس الوقت كارها ضعفها لي منعها تحضنها و تودعها ... دارت تمشي و عينيها فالارض ... حست روحها خبطت في جسم ... طلعت عينيها المليانين دموع تشوف فيه ...وقت بانو ملامحو رجعت خطوة للوراء و انحنات تهدر بتاتاة : الا ...الامي..ير بهااء الدين ...
دارت تحوس على سمر بعينيها ...ضحك عليها بخفة و نطق : من مصلحتي هدا الشي ...نشوفو مسرحية مجانية اليوم ... عضت على شفتها السفلى ... ميل راسو يتاملها ثواني و صاح : روحي للمدبرة قوليلها انو الامير بهاء امرك تعاقبيني لانو قللت من احترامو ..جات تعترض لكنو راح
💗💗💗💗💗
وش نقول ... الدنيا ولا مكتوب ... ولا انا لي درت النية و غمضت عينيا ... علاش صعيب الحال هكا ... علاش مزالني حابة نبقى هنا مزال مآمنة انو كل شي كذب ... حابة تصرا معجزة و يكون لي عشتو منام... و تكون الاميرة بهية عروسة الامير بهاء الدين ... حابة نكون غالطة ... و فهمت الموضوع غالط ... تنهدت و شفت فالبوصلة ... زعما تكون هيا الحل ... زعما تقدر داويلي جروحي ... و تخليني ننسا ... رفدتها ببطئ ... نتلمس فيها ... تبسمت بحزن ... صباح برك كنت نكذب فالعم سليمان و الان حابة نصدق و تكون اعتقداتو صحيحة ... توجهت للالة لي كانت مورايا ...حقيقة مانعرف شي على وش راح نعمل ... حتى الكتاب مالحقتش نقراه ... الحاجة الوحيدة لي نعرفها انو عندها علاقة بالبوصلة ... حتى العم سليمان مانقدرش نستشيرو ... نخاف نحصلو ف مشاكل مع السلطان فاللخر كرامتو راح تتهان بهروبي ...تأملتها شويا ... نحوس على مخرج او حاجة ... ضيقت عينيا وقت لمحت فراغ يناسب حجم البوصلة ... حطيتها فيه بترقب و انا حابسة انفاسي ... سمعت صوت الباب يتحل ماجيت نتلفت حسيت بحاجة سحبتني و موراها ماحسيت بحتى شي
💟💟💟💟💟💟💟💟💟💟💟

كان هدا اخر بارت في فصل القرار
خلولي ارائكم
  كيفاش بانتلكم شخصية سمراء؟
هل تشوفو تصرفها تهور ام جرأة ؟؟
توقعاتكم لواش راهو جاي 🌼🌼