كرونيك عابرة زمن

فصل 《التكيف 》

فصل 《التكيف 》
البارت 35
فوت قبل مانبداو للدعم 🤗🍭
قراءة ممتعة🌸🌸
تقربت منها سمراء معنتققتها : مسامحاتك ياروحي ... نتي كنتي ملجأ لي فالمتاهة لي راني عايشتها ... احتوتيني و فتحتيلي بيتك و سمعتيني ... و انا اكتر وحدة نعرف الغيرة وش تقدر تعمل ... وقت كنت نغير على مروان كنت نعمل اكتر من هكا ... و لكن تاكدي مكانك عند زاكي محفوظ و عمرو يتبدل... ولا واحدة تديه ... افتحي عينيك شويا برك و اسمعي قلبك وش يقول راح تفهمي بزاف اشياء ... جبدت هبة روحها منها ... تمسح في دموعها ...ضحكت بخفة و اردفت
هبة : هههه لا سمراااء فهمتيني غلط  وقت قتلك نغير قصدي على خويا ماشي قصد تاني مايروحش بالك لبعيد ...
هزت سمراء راسها بالايجاب ...
هبة : ايهيه ماجاوبتينيش ياك تبقاي ...
عوجت سمراء ففمها : و الخالة سليمة ؟؟
هبة : خليها عليا  ... هايا تبقاي ؟!
تبسمت سمراء بخبث : بشرط انو كامل وش قلتيلي تقوليه لزاكي و تحلو سوء التفاهم لي بيناتكم
تنهدت هبة تخمم ... ثواني و هزت راسها بالايجاب
💟💟💟💟💟💟💟💟💟💟💟💟💟

كان باقي للفجر دقائق ... كانت واقفة تستنا فيه ... رامية شال على كتفها ... من نسمة الهوا الباردة ... ثواني و سمعت صوت الباب ..
هاد المرة مكانش يتمايل لانو كان ضار_ب حاجة خفيفة فقط ...
ماستناتوش يوصل ليها و راحت ليه ... استغرب وقت شافها و نطق : عمتي سلمى !! وش ديري فهدا الوقت ؟!
الام سلمى : نستنى فيك عندي هدرة معاك ...
ماخلاتوش يقاطعها و كملت : شوف وليدي زاكي راك تعرف و ربي شاهد على كلامي بلي بلاصتك عندي غالية و عزيزة و محسوب ولدي ... و هذه الهدرة كنت ديما مأجلتها و لا خلينا نقولو متغاضية عليها ... بصح نظن جا وقتها ...
مسح زاكي على وجهو بقلق و هدر : راني نسمع فيك ...
سكتت تحاول تجمع الكلام و بعد ثواني نطقت : نعرف مشاعرك اتجاه هبة ... صحيح خليتك تتحكم فيها لانو تعرف صلاحها ... و كنت نقوللها خوك ... بصح خلاص ... من اليوم نحب تجبد يدك عليها نهائيا ..  مراحش تروح بعيد بهده العقلية ... نتا واحد عليه دعوة الشر ... شوف و ربي شاهد غير راجل و عليك الكلام بصح عليك دعوة شر ... انا محال نخلي بنتي تتزوج مع واحد يدروغي قادر يضر_بها و نتا اصلا تضر_بها تقت_لها تخونها و مراحش تجيب خبر و تغبنلي بنتي و انا عندي طفلةة واحدة ... سكتت وقت لمحت نظرة الانكسار و الخذلان ف عينيه ... تنهدت و كملت : المرة هده حدرتك المرة الجاية نهدر مع عمك ... و نقولو زاكي خان الامانة ...
غير كملت كلامها انسحبت من قدامو ...