كرونيك عابرة زمن

الفصل الرابع «عالم جديد»

جام قبل مانبداو 🍭🍭
قراءة ممتعة 🍬🍬
البارت 21🧁🍭🍬🧁🍭🍬🧁🍭🍬🧁
بدات تنخفض ضحكتها تدريجيا : اممم قتلي هههه ولي المملكة الشمالية هههههههه ... خرجت لسانها ليه : كذاااااب هههههه شاف فيها بغيظ : و لوكان نكون صح حاكم المملكة الشمالية ؟؟ ... شافت فيه ثواني و ضحكت : معنتها ماشي صح ... هههههههه راني نتخيل فيك هههههههه ياااع بين الجواري اععع...طلع حاجب : ماتقليش احترامك ... هزت كتافها : مش قلة احترام اما نلقاه امر يعيف انو يرقد مع الجواري ماعندوش قلب ما يخممش في لي يحبها ...صحا و الجارية مايخممش في واش تحس ... بالاك حتى انها تلحق تحبو ... نفى الامر : الحواري مايحبوش يسعاو للسلطة بالنسبة ليهم حرية و مايعرفوش انها اقسى سجن ... تنهدت و ضافت بهدوء: تعرف لما جبدت السهم من مكان الاصابة و استحملت الوجع استنتجت انك شخص محارب و لكن للصراحة كنت متوقعة انك تموت قبل مانوصلو ... ضحك بخفة و هدر بنبرة مضحكة :نعتذر لاني خيبتلك امالك فموتي  ... لفت وجها للجيهة التانية تحاول تتحكم في ضحكتها : لاااااااا ههه طلع حواجبو : سمعتك تضحكي ... عضت خدها من الداخل و نطقت : احم لا فهمتني بشكل خاطئ ... دارت قابلاتو تهدر بتبرير ..  ماقدرتش تمسك ضحكتها ... ضحكت و نطقت :هههههههه صراحة نبرتك ضحكتني ههههه هز راسو بيأس منها : نعتبرها مغازلة ...  تجمدو ملامحها اثر كلامو ...تبسمت بتكلف : الظاهر جواريك ما غازلوكش كفاية... غمض عين وحدة يتساءل : ماشي كنتي مكذبتني ... قلبت عينيها منو : ولي العهد المزعوم ... او المزيف ...لاااا النسخة المقلدة احسن ههههههههههههه ضحك عليها بخفة : ماتنكريش انو انا احسن نسخة مقلدة ههههه... ضحكت على طول صوتها : هههههههخهههه اااه تعرف عندي شحال متضحكتش هكاا هههههههه ابتسم و اردف : ماتخليش البسمة تفارقك معليش ؟؟ مكاش لي تليق بيها اكتر منك ... ضيقت عينيها فيه و ردت بنبرة متلاعبة : راك تغازل فيا يا سيد .. سكت شويا و صاحت بايستعاب : وسمك ؟؟ شاف فيها باحباط : مروان ... مدتلو يدها : متشرفين انا سمراء  ... تبسم و صافحها ... في داخلو مستغرب لي صاري معاه ... تعارفهم تقاربهم كلشي صرا سرعتو كبيرة و الاغرب انو مرتاح ... حديتو  معاها لامست روحو ... صوتها و نغمة ضحكتها دغدغتلو كيانو ... توافقهم ف الدردشة خلاه يحس انو هي لي تكمل نواقصو ...مثير للاهتمام انو راهو يفكر فؤ كل هدا من اول مرة حكاو فيها ... فطن من تفكيرو على صوتها وقت صاحت بتذمر: مروااااان ... شاف فيها وشرد مرة تانية ... و تمتم : عاودي ... كانت سمراء واقفة من حوالي عشر دقايق .. شافت فيه باستغراب من شرودو المفاجئ ... انحنات لمستواه مادة يدها تتحسس حرارتو و تسأل بقلق : وشبيك مروان كاشما تفكرت ؟؟ .. غمض عينيه مستحلي لمستها و نوتة القلق لي استشعرها من نبرتها ... عاود استحضر اسمو وقت نداتلو ... اسمو شباب ولا نغمة صوتها لي جملاتو ... خلاتو يحس نفسو مميز ... مميز لانو من شفافهاا ... كانو كان نكرة و عرفاتو هيا لما نداتلو ... خاصة وقت صاحبت المناداة بتذمرها...تاوه بالم وقت دفعاتو بقلة صبر ... اما هيا فعضت على شفتها السفلى ...نسات جرحو من تعصيبها ... حل عينيه و بلع ريقو من ملامحها ...استغفر داخلو بانزعاج من افكارو و احاسيسو : لازم نروحو طولنا ... جات تعاونو منعها وقت صاح عليها : ماتلمسينيش و ماتزيديش تلمسيني ..