كرونيك عابرة زمن

فصل 《التكيف 》

فصل 《التكيف 》
البارت 33
فووت قبل مانبداو للدعم 🤗🍭
قراءة ممتعة🌸🌸

كانو مفرشين غطا كبير فأرض السطح ...و حاطين عليها مخايد ... العايلة كلها متجمعة من غير زاكي ... وقفت هبة بخفة وقت ناداتلها امها ...توجهت بخطوات سريعة ليها ...
هبة : علاش عيطتيلي ...
الام : باش تعاونيني .. هاوليك الفلون ديريه بزربة باش يبرد  ..
هزت هبة كتافها و نطقت بإعتراض : لالا ماشي دوك تعرفي زاكي يحبو سخون ...
همهمت الام و قالت بتدكر مصطنع : اممم حقااا ..شفتيه كيفاش تقرب من سمراء ... بين ليلة و نهار ... ولاو يتفاهمو ... بلعت هبة ريقها : لالا وش راكي تخلطي زاكي و سمراء ...مستحيل ...
دارت الام مقابلتها حاطة يدها على خصرها : علاش يالالة ؟!
تعتلمت هبة شويا و هدرت : يعني مايتفاهموش زاكي راسو مغلوق و سمراء تحب الاستقلالية و الحرية
تبسمت الام بجنب : ماالا ابردي ...زاكي حكى ليماه على سمراء ... و طاطاك سليمة ماقبلتش و دارت حالة بالعياط و ندبتلها سعدها لسمراء ...
عقدت هبة حواجبها ... حست بانقباض خفيف في قلبها ... نفخت بجنب .. علاش سمراء ماقتلهاش هدا الشي ... و علاش راهي حاسة هكا ... اكيد لانو خايفة تتغير معاملة زاكي ليها ... ماتقدرش تنكر ..قدما تكره تحكمو فيها قدما تحبو لانو يحسسها بالحماية و الامان و انو عندها سند و كتف تتكا عليه ... و ماشي حابة تفقدو مهما كان ...
حطت  الكاسرونة فوق نار و حكات : دوك نولي ...
خرجت من الكوزينة ...لازم تحكي مع سمراء قبل ... و تحكي مع سليمة و حتى مع مليكة لانها بئر اسرار زاكي ... لازم تفهم الموضوع ... توقفت عند  الباب ...ساات نفسها بخفوت : بصح علاش ندير هذا كامل ...مافهمتش فواش يهمني ... و اومبعد كي يحب سمراء !! ... هزت راسها بالرفض تناقش في نفسها : انا برك نهدر معاها نفهم فاللخر هي صحبتي علاش خبات عليا موضوع كيما هدا ...غير حلت الباب قابلتها سمراء واقفة مع زاكي بحنب بعيد على العايلة... و بين يديها علبة تتفحص فيها ... طلعت عينيها تشوف فيه ... تلاقاو عينيهم ...بمجرد ما لمحها زاكي ...اشارلها تروح عندو ... مشات بخطوات بطيئة  ... غير وصلت شاف فيها بخزرة مافهمتهاش و هدر : هبة ني شريت تلفون لسمراء علميها كيفاش تستعملو ... بلعت هبة ريقها ... متحكمة فدموعها بصعوبة ... ماتقدرش توصف وش راهي حاسة ...يمكن غيرة ...يمكن حزن ... يمكن غضب ...ويمكن يكونو كامل... بلا ما تحس نحاتلها التلفون بعنف ... كان تلفون ايفون 13 ... لي  زاكي وعدها انو يجيبهولها ف عيد ميلادها هذا العام ... و صح جابو بصح ماشي ليهاا لسمراء ... شافت فيه و هدرت بهج_وم : وشنو وشنو هذااا ...كيفاش تشريلها تلفون ..
سمراء : راكي فاهمة الموضوع غالط ...
واجهتها هبة بكل وحش_ية : نتي تبلعي فمك ... جات حكات معاك خالتي سليمة على زاكي ... صح ولا لالا ...كي سقسيتك علاش ماقتيليش ... هاااا وحدة ***
جبدها زاكي من شعرها و ضر_بها بكف يدو لفمها  : بلعي *** فمك ... من وقتاش تهدري هاد التطياح ... حابتني نهبل على جدكك ... دخل ربيع فالوسط يطبع فيه : مرييض نتا ترفد يدك عليها علجال وحدة ماتعرفهاش اصلا ....جبد زاكي روحو ... زير على يدو خارج من تم ...لوكاان يبقى دقيقة تماك يقت_لها على السبان لي تعلماتو ...لالا و تزيد تهدر بيه و تعيط قدام لافامي ... خرج خابط الباب موراه ...