فصل 《التكيف 》
البارت 34
فوت قبل مانبداو للدعم 🤗🍭
قراءة ممتعة🌸🌸مجرد ماخرج زاكي من السطح ... صاحت سليمة ف سمراء : ماشي قتلك خطي زريعتووو ... طرطقت سمراء بالبكا .... حاسة روحها مذلولة و مظلومة ... كلشي جاز عليها بسرعة ... وجهت نظرها لهبة .... و قالت : مكان والو بيني و بين زاكي ... و ماقتلكش على الحديث لي دار بيني و بين الخالة سليمة لانو صرا مور ما رقدتي ... مسحت دموعها و كملت : شوفي هبة برغم من انو طريقتك غلط و لكن نتي الوحيدة لي انا ملزومة نبررلها لانو نتي دخلتيني هنا ... و نتي اكتر وحدة تعرف ظروفي ... ماجيت نعمل حتى مشكل ... و لا نفرق عايلة ... يعطيكم الصحة كامل على استقبالكم ... و سمحولي على الازعاج ...
كانت هبة فعالم تاني ... مخها يعرض عليها الموقف كامل ... و كلام سمراء يتردد على مسامعها ...
تجاهلت النظرات الموجهة ليها و دخلت لدارهم قابلتها يماهاا تشوف فيها بحصراا ... تجاوزتها و دخلت للبيت ... لقات سمراء حطت التلفون فوق الطابلة ... كانت لابسة ملابسها ...
دارت سمراء مقابلتها : نعرف هدو ملابسك و لكن ماعنديش بااش نروح ...
لفت هبة راسها للجنب الثاني و سألت : وين حتروحي ؟؟
تبسمت سمراء وسط دموعها :ارض ربي واسعة و لي خلق مايضيع ...
تنهدت هبة : نعرف انفعلت شويا ... زاكي بمثابة خويا ... هو سندي فالدنيا هده ... رغم صلابتو معايا الا انو حنين ... و كي جيتي نتي ...خسيتو بدا يبعد عليا ... و بديتي تاخدي مكاني عندو ... سكتت شويا و نطقت بصعوبة : غرت ... خاصة وقت شفتو جايبلك التلفون لي كان واعدني بيه ... او وقت عرفت بحكاية خالتي سليمة حسيتك خدعتيني و خبيتي عليا ... و فاللحظة غضب قلت هداك الكلام ... طلعت راسها ليها مواجهتها : سمراء ... ماتروحيش ... نعرف غلطت فحقك بصح سمحيلي ... شهقت ببكا : مكانش قصدي انا غرت على خويا و غرت على صحبتي ..
أنت تقرأ
كرونيك عابرة زمن
خيال (فانتازيا)❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...